ချိပ်ပိတ်ထားသောရာဇပုလ္လင်

အပိုင်း ၉

Throne Of Seal
(ချိပ်ပိတ်ထားသော ရာဇပုလ္လင်)
မူရင်း - Tang Jia San Shao
ဘာသာပြန် - Xiao Leo

အပိုင်း ၉ : ငရဲမှလာသောဆရာ (၁)

ရှင်းယွီရဲ့ အသံက ဂူထဲ၌ ပဲ့တင်သံထွက်နေပါသော်လည်း ဟောက်ချန်းက သူ့ကို သင်ပေးနေသော ဓားသိုင်းကိုတော့ ရှင်းရှင်းလင်းလင်း ကြားရသေးသည်။ ထိုအကြောင်းအရာကို ပြောပြပြီးနောက် ရှင်းယွီရဲ့ အသံက ပျောက်ကွယ်သွားတော့သသည်။

ကိုးနှစ်အရွယ်သာ ရှိသေးသော လုံဟောက်ချန်းတစ်ယောက်သည် ဇီးကွက်ပုရွက်ဆိတ်များဖြင့် ပြည့်နေသော မှောင်မိုက်သည့် ဂူအတွင်း နာကျင်မှုများဖြင့် ပြင်းထန်စွာခံစားနေရသည်။

ပြင်းထန်သော ဒဏ်ရာတွေကို ခံစားနေရတာကြောင့် သူ့ရဲ့ စွမ်းရည်များဟာ ကျဆင်းသွားသော်လည်း သူ့​၏အမေအကြောင်းကို တွေးလိုက်မိပြီးနောက် စိတ်ထဲ၌ တဖန် သတ္တိများ ပေါ်ထွက်လာသည်။

ဇီးကွက်ပုရွက်ဆိတ်များရဲ့ တိုက်ခိုက်မှုများဟာ သူ့ကို နာကျင်စေသည်။သို့သော် နာကျင်မှုကို အံကြိတ်ရင်း သူ့ရဲ့ ဝါးဓားရှည်ကို လွှဲယမ်းနေသည်။

ရှင်းယွီသည် အပေါက်ပိတ်ထားသော ဂူအပြင်ဘက်တွင် ရပ်စောင့်နေသည်။ အချိန်တိုင်းမှာ သူ့ရဲ့ မျက်နှာထားဟာ ပြောင်းလဲလျက်ရှိသည်။ ပိတ်ထားသော ကျောက်တုံးကို ထုတ်ဖယ်ရန် လက်မြောက်မိသည်မှာ အကြိမ်တစ်ရာ မကတော့ပါ။ သို့သော် သူတောင့်ခံနိုင်ခဲ့သည်။

အိုဒင်ခန်းမမှ အခြားကလေးသာ ထိုဂူထဲသို့ ရောက်လျှင် မူးမေ့သွားစေမှာ အသေအချာပင်။ သို့သော် ‌လုံဟောက်ချန်းမှာ ထိုအထဲ၌ သတိရှိပြီး ဇီးကွက်ပုရွက်ဆိတ်ကို တန်ပြန်တိုက်ခိုက်ရန် ကြိုးစားနေဆဲပင် ဖြစ်သည်။ ထိုသတ္တဝါသည် အဆိပ်မရှိပါသော်လည်း တိုက်ခိုက်ရေးမှာ ‌ကောင်းမွန်ကြသည်။ ထိုအကောင်မျိုးရဲ့ ခန္ဓာကိုယ်မှာ အရှည် တစ်စင်တီမီတာဝက်ခန့် ရှည်သည်။ အပေါ်အသားမှာ မာကြောရုံသာမက တိုက်ခိုက်ရေးမှာလည်း သန်မာလှသည်။

နာရီဝက် ကြာသွားပါသော်လည်း  လုံဟောက်ချန်းအတွက်တော့ ရာစုနှစ်တစ်ခုကဲ့သို့ ကြန့်ကြာသလို ခံစားရသည်။ သူ့တစ်ကိုယ်လုံး နာကျင်ကိုက်ခဲပြီး ဝါးဓားရှည်ကို လက်နဲ့မကိုင်နိုင်တော့ဘဲ သူ့ခန္ဓာကိုယ်ဟာအားပျော့သွားပြီး မေ့မြောသွား၏။