ချိပ်ပိတ်ထားသောရာဇပုလ္လင်

အပိုင်း ၁၅

Throne Of Seal
(ချိပ်ပိတ်ထားသော ရာဇပုလ္လင်)
မူရင်း - Tang Jia San Shao
ဘာသာပြန် - Xiao Leo

အပိုင်း ၁၅ : သူရဲကောင်း အကဲဖြတ်ခြင်း (၃)

"အစ်မ သတိထားပါ  "

လုံဟောက်ချန်းက သူမကိုသတိပေးရင်း ခြေလှမ်းများကို စတင်လှုပ်ရှားလိုက်သည်။ ခြေလှမ်းများ၏ အကွာအဝေးမှာ အမြင့်ကြီး မရောက်ပါသော်လည်း  အတော်အတန်ပင် မြင့်သည်။ ထို့နောက် သူ့နောက်ကျောတွင်ချိတ်ထားသော ဓားကို ဆွဲထုတ်လိုက်ပြီး ဓားနှစ်ချောင်းစလုံးဖြင့်
လီရှင်း၏ရှေ့ကို လျှပ်စီးကဲ့သို့ စတင်တိုက်ခိုက်လိုက်သည်။

လီရှင်းရဲ့ ဘယ်ဘက်ပုခုံး‌ဆီသို့  ပြင်းထန်သော အရှိန်အဟုန်ဖြင့် ဦးတည် တိုက်ခိုက်လိုက်သည်။

လီရှင်းက ပြုံးပြလိုက်သည်။ လုံဟောက်ချန်း၏ တိုက်ခိုက်မှုကို ဟန့်တားရန် ဘယ်လက်မှ ဓားကို မြှောက်လိုက်ပြီး အခြားတစ်ဖက်ရှိဓားဖြင့်အလျင်အမြန် ပြန်တိုက်ခဲ့သည်။ သူ၏ အဆင့်နှစ်သူရဲကောင်းစွမ်းအားနဲ့ သူမကို ဘယ်လို ထိခိုက်အောင် ဘယ်လောက်ထိ တိုက်ခိုက်‌နိုင်မလဲ ဆိုတာ သိချင်နေ၏။

"ဘန်း" 

မထင်မှတ်ထားဘဲ  လုံဟောက်ချန်းရဲ့  ညာဘက်ခြေလှမ်းသည် မြေပြင်ပေါ်သို့ အားဖြင့် နင်းချလိုက်ခြင်းဟာ သူ့ရဲ့ လျင်မြန်စွာလှုပ်ရှားသော ခြေလှမ်းအား ‌ရပ်တန့်စေသည်။ မီးကုန်ယမ်းကုန် အစွမ်းကုန် အားပြုပြီးတဲ့နောက်မှာ သူ့ရဲ့ ခန္ဓာကိုယ်က ၎င်းရဲ့ ပတ်လည်တွင် ပျံဝဲနေသည်။ ထိုအတောအတွင်းမှာပဲ ဓားရဲ့  လှုပ်ရှားမှုပြန်လုပ်ခဲ့ပြီး လီရှင်းရဲ့ စိတ်အာရုံပျံ့အောင် ပြုလုပ်ခဲ့သည်။

ထိုသို့ ‌မမျှော်လင့်ဘဲ နှောင့်ယှက်သော တိုက်ခိုက်မှုမျိုး ပြုလုပ်ခြင်းကြောင့် နာ့လန်ရဲ့ မျက်လုံးမှာ ပြူးသွားသည်။

အဲ့ဒီ တစ်ချိန်တည်းမှာပဲ သူရဲ့ ဓားကို ပြန်ယူလိုက်၏။ သူ့ရဲ့ဓားအဆုံး
လှုပ်ရှားမှုကို ပြသကာ ညာဘက်ကနေပြီးတော့ အလင်းကဲ့သို့ လှုပ်ရှားသောအမြန်နှုန်းဟာ အနည်းဆုံး နှစ်ဆရှိပြီး လီရှင်းရဲ့ ပခုံးကို ထပ်မံရည်ရွယ်၍ တိုက်ခိုက်လိုက်သည်။