ချိပ်ပိတ်ထားသောရာဇပုလ္လင်

အပိုင်း ၂၀

Throne Of Seal
(ချိပ်ပိတ်ထားသော ရာဇပုလ္လင်)
မူရင်း - Tang Jia San Shao
ဘာသာပြန် - Xiao Leo

အပိုင်း ၂၀ : မြင့်မြတ်သော သူရဲကောင်းတောင် (၄)

ရှင်းယွီဆီမှ လုံဟောက်ချန်းနှင့်အလွန်ရင်းနှီးသော ရနံ့ကို ရသောအခါ စတင်ငို‌ကြွေးခဲ့သည်။
မျက်ရည်များမှာ ထိန်းချုပ်မထားနိုင်တော့ဘဲ ပါးပြင်ပေါ်သို့ လိမ့်ဆင်းသွား၏။ ထို့နောက် သူကိုက်ထားတာကိုဖယ်လိုက်သောအခါ ရှင်းယွီရဲ့ လက်မောင်းမှ သွားရာသည် သွေးများစွန်းထင်းလျက်ရှိနေသည်။

လုံဟောက်ချန်းက ကျယ်လောင်စွာ မေးလိုက်သည်။

" ဘာလို့လဲ ဘာလို့ ကျွန်တော့်ကို မသတ်ရတာလဲ "

" ငါက မင်းအဖေ ဖြစ်နေလို့ပဲ "

ရိုးရှင်းသောစကားကို ကြားလိုက်ရသောအခါ ဒေါသများ ပြည့်နှက်နေသော လုံဟောက်ချန်း၏မျက်နှာမှာ ရုတ်တရက် ဖြူလျော်သွားပြီး ထိုနေရာတွင် မလှုပ်မယှက်ဖြင့် ရှင်းယွီကိုသာ စိုက်ကြည့်နေ‌တော့သည်။

" ဘယ်လို ...ဆရာ ဘာပြောလိုက်တာလဲ... "

လုံဟောက်ချန်း၏ မျက်နှာမှာ မယုံ‌ကြည်နိုင်သော ခံစားချက်များဖြင့် ပြည့်နက်နေပြီး သူ၏မျက်နှာမှာ တဖြည်းဖြည်း ဖြူဖပ်ဖြူရော် ဖြစ်လာသည်။

လုံရှင်းယွီက သက်ပြင်းတစ်ချက်ချလိုက်ပြီး ရှေ့တစ်လှမ်းတိုးကာ လုံဟောက်ချန်းကို သူ့ရင်ခွင်ထဲသို့  ဆွဲသွင်းရင်း တင်းတင်းကြပ်ကြပ် ပွေ့ဖက်ကာ

" ငါက မင်းအဖေပါ၊ မင်းတစ်ခါမှ မတွေ့ဖူးသေးတဲ့ အဖေပါ။ ရှင်းယွီဆိုတာ ငါ့နာမည်ပဲ။မင်းဆီမှာ မင်းမိသားစုရဲ့ မျိုးရိုးနာမည် ရှိတယ်။ ငါတို့နှစ်ယောက်လုံးက ' လုံ ' မိသားစုဝင်တွေပဲ "

ထိုစကားကို ပြောပြီးတဲ့နောက်မှာ သူ့လက်ထဲမှ အဖြူရောင် အလင်းတန်းတစ်ခု ထွက်လာပြီး ပိုင်ယွဲ့၏ခန္ဓာကိုယ်ကို ထိန်းချုပ်ထားသော စွမ်းအားကို ဖြေလျော့လိုက်သည်။

ပိုင်ယွဲ့က သူတို့ဆီ အမြန်ပြေးသွားပြီး လုံရှင်းယွီ၏ ရင်ခွင်ထဲမှ လုံဟောက်ချန်းကို ဆွဲထုတ်လိုက်ကာ စူးစိုက်ကြည့်ရင်း