ချိပ်ပိတ်ထားသောရာဇပုလ္လင်

အပိုင်း ၁၆

Throne Of Seal
(ချိပ်ပိတ်ထားသော ရာဇပုလ္လင်)
မူရင်း - Tang Jia San Shao
ဘာသာပြန် - Xiao Leo

အပိုင်း ၁၆ : သူရဲကောင်းအကဲဖြတ်ခြင်း (၄)

လုံဟောက်ချန်းက ဘာမျှမသိနားမလည်သောပုံဖြင့်

"ဒါဘာလဲဆိုတာ ကျွန်တော်လည်း မသိဘူး။ ဆရာက ကျွန်တော့်ကို ဒါက ကာကွယ်ရေး တိုက်ကွက်လို့ တော့ ပြောတာပဲ"

နာ့လန်ရှုက လတ်ဆတ်သော လေကို ရှူရှိုက်လျက် "မမှားဘူး .  ဒါကနတ်ဘုရားအကာကွယ်ပဲ။ ရှင်းအာ ငါ ဒီနတ်ဘုရားအကာကွယ်ကို တစ်ကြိမ်မက တွေ့ဖူးတယ် ။ ကာကွယ်ရေးသူရဲကောင်းလား တိုက်ခိုက်ရေးသူရဲကောင်းလား ဒီအဆင့် တစ်ခုကို ရောက်ရင် ဒီကာကွယ်ရေးနည်းလမ်းကို မသင်မ‌နေရဖြစ်တယ်။ ဒီတစ်ခုတည်းလည်း မဟုတ်ဘူး။ ဟောက်ချန်းရဲ့ အစွမ်းအဆနဲ့ဆိုရင် ဒီလို ကြီးမားတဲ့ တိုက်ခိုက်မှုကို ကာကွယ်နိုင်မှာမဟုတ်ဘူး။ ဒါကြောင့် ရှင်းယွီက အဆင့်သုံးစစ်မှန်သောသူရဲကောင်းကို စိန်ခေါ်ဖို့အတွက် ဒီကို လာခိုင်းတာ မဆန်းပါဘူး  ။ ဒီလို နတ်ဘုရားအကာအကွယ် သူရဲကောင်းစစ်သည်တော်ရုပ်ထုနဲ့ဆိုရင် စစ်မှန်သော သူရဲကောင်းရဲ့ တိုက်ခိုက်မှုက နာရီဝက်ဖြစ်ဖြစ် ခဏတာဖြစ်ဖြစ် ဘယ်လိုတိုက်ခိုက်မှုမဆို ဒီအကာကွယ်ကို ဖျက်ဖို့က မဖြစ်နိုင်ဘူး"

"နတ်ဘုရားအကာကွယ်က မြင့်မြတ်သော သူရဲကောင်းရဲ့ ဘုန်းကျက်သရေကို ကိုယ်စားပြုတယ်။ ဒါပေမယ့် ဒါက ငါတို့ သူရဲကောင်းကျောင်းတော်ရဲ့ ဘုန်းကျက်သရေလည်း ဖြစ်တယ်။ ဒါက သင်ယူလေ့လာဖို့ အတွက်တင်မဟုတ်ဘူး၊ ဘုန်းကျက်သရေကိုပါ ကိုယ်စားပြုတယ်။ ကာကွယ်ရေးစွမ်းအားကို သင်ယူဖို့အတွက် အဆင့်ခြောက်ဖြစ်ဖို့ မလိုအပ်ဘူး အရည်အချင်း၊ စွမ်းအင်လုံလောက်မှု၊ လိုအပ်သောအမြန်နှုန်း တုန့်ပြန်ချက်ရှိရင် သင်ယူနိုင်တယ်။ ဒါပေမယ့်  သူရဲကောင်းကျောင်းတော်ရဲ့ ခွင့်ပြုချက်လိုတယ်။ သို့ပေမဲ့ ထူးချွန်တဲ့ ပါရမီရှင်တွေကိုတော့ ချွင်းချက်ထားပြီး သင်ပေးခဲ့ဖူးတယ် "

နာ့လန်ရှု ကမြေကမ္ဘာအဆင့်သူရဲကောင်းဖြစ်ပြီး လီရှင်းထက် နတ်ဘုရားအကာကွယ် သူရဲကောင်းရုပ်ထုကို စေ့စေ့စပ်စပ် နားလည်ထားသော်လည်း ထိုအရာကြောင့် ပို၍ပင် တုန်လှုပ်ခဲ့သည်။