Throne Of Seal
(ချိပ်ပိတ်ထားသော ရာဇပုလ္လင်)
မူရင်း - Tang Jia San Shao
ဘာသာပြန် - Xiao Leo
အပိုင်း ၁၂ : ငရဲမှ လာသောဆရာ (၄)
ရှင်းယွီ၏ အမေးကို နားထောင်ပြီးနောက် လုံဟောက်ချန်းသည် အနည်းငယ် ထိတ်လန့်သွားကာ ခဏမျှလေးလေးနက်နက် တွေးတောပြီး မသိနားမလည်သော မျက်နှာဖြင့် ခေါင်းခါလိုက်သည်။
ရှင်းယွီ၏ မျက်နှာတွင် ထူးထူးခြားခြား အပြုံး တစ်ခုပေါ်လာပြီး
" မင်းက တော်တော် ရိုးသားတာပဲ။ငါ့ကို ကျေနပ်အောင် ပေါ့ပေါ့ပါးပါး အဖြေတစ်ခုပေးဖို့ မကြိုးစားဘူး။ မင်းတင်မဟုတ်ဘူး၊သူရဲကောင်းကျောင်းတော်ကတောင် ဒီမေးခွန်းကို လွယ်လွယ်မဖြေနိုင်ဘူးဆိုတာ ပြောဖို့တောင် လိုမယ်မထင်ဘူး။ သူရဲကောင်းကျောင်းတော်က သူရဲကောင်းအစစ်တွေကို တိုက်ခိုက်ရေးသူရဲကောင်း နဲ့ကာကွယ်ရေးသူရဲကောင်း ဆိုပြီးခွဲထားတယ်။
"တိုက်ခိုက်ရေးသူရဲကောင်းတွေက တိုက်ခိုက်ကြတယ်။ သူတို့က လက်နက်နှစ်မျိုးကို ကိုင်ကြပြီး အင်အားနဲ့ ထိုးစစ်ဆင်မှုကို ပေါင်းပြီး တိုက်ခိုက်ကြတယ်။သူတို့ရဲ့ တိုက်ခိုက်နိုင်စွမ်းက အရမ်းမြင့်တယ်။ စစ်မြေပြင်မှာဆိုရင် စစ်သားတွေနဲ့ လုပ်ကြံသတ်ဖြတ်သူထက် သာတယ်။
ကာကွယ်ရေး သူရဲကောင်းတွေကတော့ ကာကွယ်ရေးကိုပဲ ဦးစားပေးတယ်။သူတို့က လက်တစ်ဖက်မှာဓား၊ နောက်တစ်ဖက်မှာ ဒိုင်းတစ်ခုကို ကိုင်ကြပြီး အသင်းရဲ့အဓိကလူတွေဖြစ်တယ်။ ပြန်လည်ကုသရေးဆိုင်ရာပညာရပ်ကိုလည်း ကျွမ်းကျွမ်းကျင်ကျင် အသုံးပြုတတ်ကြတယ်။သူတို့ရဲ့ တိုက်ခိုက်ရေးစွမ်းရည်က တိုက်ခိုက်ရေးသူရဲကောင်းတွေထက် အားနည်းပေမဲ့ ပူးပေါင်းဆောင်ရွက်မှုမှာတော့ သူတို့က ပိုသာတယ် "
ထိုအချိန်တွင် ရှင်းယွီသည် ခေတ္တရပ်ပြီး လုံဟောက်ချန်းကို ကြည့်ရင်း မေးလိုက်သည်။
"တိုက်ခိုက်ရေး သူရဲကောင်းတွေနဲ့ ကာကွယ်ရေးသူရဲကောင်းတွေမှာ ဘယ်သူတွေက ပိုများမယ်လို့ထင်လဲ "
လုံဟောက်ချန်းက တွေးရင်း ပြောလိုက်သည်။
"တိုက်ခိုက်ရေးသူရဲကောင်းတွေက တိုက်ခိုက်ရေးစွမ်းရည် ပိုသာတယ်ဆိုတော့ သူတို့က ပိုများမယ်ထင်ပါတယ် "
YOU ARE READING
ချိပ်ပိတ်ထားသောရာဇပုလ္လင်
FantasíaThrone Of Seal (ချိပ်ပိတ်ထားသောရာဇပုလ္လင်) Review မူရင်း ။ ထန်ကျားစန်းရှောက် ဘာသာပြန် ။ Xiao Leo ကမ္ဘာမြေပေါ်သို့နတ်ဆိုးများ ကျရောက်လာပြီးနောက် လူသားမျိုးနွယ်ရဲ့ ပျက်သုန်းမှု ကပ်ဘေးကြီးတစ်ခု ကျရောက်လာခဲ့သည်။ ကျောင်းတော်ကြီးခြောက်ခုဟာလည်းပေါ်ပေါက...
