في عرين الاسد

في عرين الاسد 9

#في_عرين_الأسد
#بقلمي  : #مشاعر_مبعثره
الحلقه (9)
انا ما كنت مخططه لكدا والله العظيم ولا حتى انا ضدكم اسأليه واي حاجه عاوزين تعملوها انا موافقه عليها وما مضطرين تطلعو عشان تتكلمو انا ماشه غرفتي اخدو راحتكم اقعدي عشان اجيب لك مويه و.........  : لمن اتكلم مع الزبير انتي ما تتدخلي فاهمه ولالا ما تعملي فيها طيبه وظريفه قدامو عشان يحبك ويكرهني وهو طوالي نهرني ما تدخلي ما تتكلمي ما
تجيبي مويه ولا اي زفت انا طوالي مشيت غرفتي اصلا هو دا الفالح له يفضي زعلو فيني بعداك مشى غرفتو خلاها برا تكورك لحدي ما غير وقال لها اطلعي ارح مشى قداما ولحقتو
اليوم داك جاء متأخر وظاهر عليه زعلان شديد لدرجة انو برمي اي حاجه قدامو وكالعاده جاء رزع لي باب الغرفه كنت قاعده في الأرض قمت مخلوعه وظاهر في وشي الخوف عاين لي كدا كان عاوز يقول حاجه بس اتراجع وقف مسافه يعاين لي قلت له بخوف والله العظيم ما قلتا كدا عشان اتطلق ولو طلقتني زاتو اهلي ما بقبلو ارجع لمازن ولا حايرحموني اصلا ولا المجتمع ما حايرحمني  : طلاق مافي ما تحلمي ومشى على كدا خلاني متحيره اتوقعت يضربني
يلا صابرين اخت الزبير جابو شيلتا وحددو العرس امو كانت عيانه الفتره دي وهو بقى مزعزع بين بيتنا وبيت اهلو في النهايه امو قالت له جيب سمر وتعالو اقعدو معانا لحدي ما العرس يتم انا كنت فرحانه لانو اخيرا حااطلع من البيت دا واقابل ناس بس حصل العكس
وياريتني لو ما مشيت في قدام اهلو يشاكل ويشتم فيني ذي الحاجه الما مهمه ولو زول اتكلم بحرجو من غير ما يحاسب اول ما وصلنا اختو مشت تجيب لينا مويه قال لها نحن ما ضيوف بنشرب لمن نعطش امشي كملي شغلك بعد فاتت قال لي جيبي لي مويه مشيت جبت له بعداك ختو لينا الغداء عاوزه اقوم قال لي انتظري بعد نخلص عشان ترفعي الصينيه  وتلمي العده   :  لالا يا ولدي انتو يداب جيتو غير كدا سمر عروس لسه ما بنغسلا العده  :  ويعني شنو عروس انا اصلا جبتا عشان تساعدكم  : عادي يا عمتي في بيتنا دا شغلي  : الله يرضى عليك
بعد العده كنست المظله وعملت لهم الشاي سندس طبعا في تحضيرات العرس وبتستقبل ضيوف اختا وتهتم بهم اما باقي الأهل الجو الا انا قمت جبت لهم المويه والعصير وختيت لهم غدا روحي طلعت من اول يوم والزبير ما مريحني كل دقيقه يناديني اعمل له حاجه لدرجة انو لو عاوز مويه يناديني من برا وبعد امشي  يقول لي عاوز مويه ارجع المطبخ اجيبا له وامشي لشغلي احتقار شديد وملاحظ
امشي نومي خلاص يا بنتي انتي تعبتي  : تصبحي على خير  : وانتي من أهلو مشيت الغرفه طبعا سرير واحد دبل ولا ملصقين سريرين ما عارفه المهم في كنبه كبيره هو قاعد فيها مشيت الحمام استحميت وطلعت تعب اليوم كلو فجاءة اسمعو لك بكورك وينادي فيني بأعلى صوت
خلاص يا ولدي خلي البنت من جات تعبانه ما خدت راحه  :  انتي ما تدخلي يا امي انا جيت قلت له مالك  : يمل قلبك قلعت عيوني قدام امو قال لي كدا لمن بلعت ريقي وخايفه ارد لك يضربني
انا ما قلت لك تساعدي امي دي وما تخليها تتعب كيف نفسك تسمح لك تمشي تنومي وتخليها شغاله في المطبخ للزمن دا  : يا ولدي انا ماقاعده حاجه هي ماشاءالله ما خلت شي بس بليت لي فول عشان اعملو بكرا للفطور وبقفل المطبخ  : ودا شنو الفي النار دا؟  : قهوه بس : وعملتي قهوتك بنفسك يا امي انتي عيانه وما صح تتحركي  كتير كدا  كنتي تخليها تعملا لك
حاتخسر شنو يعني لمن تعملا لك وتبل الفول وتقفل المطبخ : يا ولدي هي حاتعرف من وين الحاجات دي  : هدي عرفت كل يوم النظام كدا انتي فاهمه  : على فكره مافي داعي تعلي صوتك وتهدد انا ما رافضه اشتغل ولا غالبني في بيتنا مافي حاجه ما قاعده اعملا وامك ذي امي  بس ما عارفه اصلا نظامكم كيف : طيب اسي عرفتي يلا يا امي امشي غرفتك ارتاحي بلعتي حبوبك؟  : والله نسيت  : اوعا يكون خلصو وما عاوزه توريني  : لالا والله قاعدات  : ارح وريني لهم ساق امو ومشى انا قدر ماحاولت احبس دموعي ما قدرت اصلا ياتو يوم ما بيتت بدموعي من عرستو ياهو الحال ماشي في منحدر قفلت المطبخ وقعدت برا في الكرسي لمن غفيت ودموعي في عيوني صحيت بصوت سندس
يا بنت مالك نايمه هنا؟  : غفيت صدفه  : معقوله يا بنت مخليه راجلك براه ونايمه في الكرسي  هنا  : قفلت المطبخ وقعدت شويه ما عارفه غفيت كيف  : من الشغل الكتير انتي الليله اليوم كلو ما ارتحتي امشي نومي  : تمام تصبحي على خير  : وانتي من اهلو  ايوا لالا دي سمر  : نعم؟؟   : ما معاك بتكلم بالتلفون  : ايواااا  : مسكينه نامت في الكرسي
مشيت الغرفه والباب كان فاتح دخلت لقيتو نايم في الكنبه مشيت السرير نمت ما لحقت ارتاح زاتو صحاني قبل اذان الصبح عشان اقوم اعمل الشاي ومعاه كيك اما هو اتوضى ومشى الجامع طبعا قاعد يأذن في جامعهم دا لمن يجي وبصلي بهم  انا رجعت السرير بعد هو طلع بس ما قدرت انوم مقلقه وخايفه يجي يلقاني نايمه يشاكلني ويحرجني قدام الناس مشيت نضفت المطبخ من الجوطه الامس وولعت فيه بخور عملت عجينة الكيك وطلعت برا كملت نضافه اتذكرت الفول ختيتو في النار والكيكه دخلتا الفرن بعداك عملت الشاي صفيتو في السرامس  هو جاء من الجامع لقى امو صحت مشى لها قعد فتره وجو الاتنين مع بعض
صباح الخير يا بنتي  : صباح النور  : ماشاءالله صاحيه بدري ومجهزه اي حاجه شمية ريحة الكيك  : انشاءالله يعجبك  : اي حاجه من يدك انتي بتعجبني ولا شنو يا الزبير : اي
اقعدو اكب لكم الشاي بعد جيت اكبو الزبير قال لي انا ما تكبي لي شربت في الجامع  : يا ولدي اشرب ما بعمل لك شي البنت صحت بدري وعملتو لك وعملت الكيك انت تقول ما داير؟  قلت لها ما عملتو عشانو هو يا عمتي عشانك انتي وهو لو ما عاوز براحتو  : هدا زعلتا ارتحت كدا انا طلعت برا جاء لاحقني مسك لي يدي
اوعك تعملي لي حركات قدام الناس وتتمسكني عشان يتعاطفو معاك فاهمه : عملت لك شنو اسي انا ما قلت غير الحقيقه ما عملتو عشانك ما عاوز ما تشرب وفك لي يدي فجاء نسمع لك احم احم  كانت سندس هو طوالي خت لي قروش في يدي وقال لامو بصوت عالي انا طالع سندس جاتني معقوله ياخ كدا في قدامنا  : قصدك شنو  : قصدي انكم بتترمسنو برا ونحن قاعدين  : على فكره انتي فاهمه غلط  : والصاح شنو طوالي امها نهرتا يا بنت احترمي نفسك وخلي البنت دي في حالا  : حاضر ياامي  : يداب صاحيه ذي الملكه ما عارفه في شغل من الصباح شوفي سمر دي من اذان الصبح قامت وعملت الشغل كلو وانتي نايمه
المهم مشيت نضفت غرفتي وجيت عملت الفطور فطرنا
وعملت الشاي العده قاااعده عمتي قامت تغسلا وانا اضطريت اقوما واغسلا تاني رجعت كنست ونضفت المطبخ لانو الناس خاشين ومارقين بعداك قلت امشي ارتاح سمعت عمتي بتشاكل سندس عشان تطبخ للغدا قالت لها انا طالعه صابرين رسلتني السوق خلي سمر تطبخ  : سمر؟  ما بتخجلي انتي بعد العملتو من الصباح دا  : خلاص خلي صابرين تطبخ مالا محننه؟   : صابرين الله يخليها لي كانت شايلا البيت في راسا  انا بعد كلام سندس دا مشيت قشرت البصل وبديت اقطعو  عملت كم صنف مع الملاح جاتني صابرين قالت لي والله تاني ما تشتغلي حاجه يا بنت امشي نومي خلاص كفاك من امس شغاله انا ما في شي بمنعني اطبخ  : لالا عيب انا عادي قاعده اشتغل كدا في بيتنا  : والله الزبير اخوي ربنا عوضو بيك انتي نعمه انشاءالله  يقدر يقدرا  : انشاءالله  : طيب عشاني امشي نومي شويه انا براقب لك الحله  : لالا البوخ بخرب لك وشك وانتي عروس  : انتي زاتك عروس امشي امشي ما فضل شي يلا نومي شويه وتعالي  : حاضر
مشيت رقدت وضبطت المنبه دا كلو خوف من الزبير ما يجي يلقى صابرين في المطبخ يقوم علي حسيت
بالزمن ماشي بطيئ والنوم ابى يجيني مافي تلفزيون في الغرفه وانا تلفون ما معاي المهم رقدت ريحت جسمي شويه ومشيت لصابرين قالت لي امك اتصلت قبيل وكنت نايمه ما حبيت اصحيك  : ايواااا هي طبعا استغربت من اللامبالاه الانا فيها دي قالت لي زعلانه من اهلك لسه؟  : وازعل ليه  : عشان جبروك تعرسي الزبير وعملو لك عرس بايخ  : دا نصيبي  : طيب خلي الزبير يصلح لك تلفونك عشان تقدري تتواصلي مع أهلك  : حاضر
بالمساء الزبير جاء وشويه من قرايبهم ختيت الغداء
الريحه حلوه يسلمو ايديك يا امي  هي طوالي عاينت لي وابتسمت صابرين  قالت له كدي ضوق الكفته وادينا رايك  : شكلك انتي العملتيها يا عروس  : تعمل شنو هي ممثله علينا ملكه كل الاكل عملتو سمر والفطور برضو اصلا مافي زول غيرا بشتغل في البيت دا الله يخليها لينا هو بعد كان شايل الكفته في يدو ختاها وقام قال ماشي يشرب مويه تاني ما جاء انا خجلت وصغرت قدامهم شديد بس تقول ابكي مشيت الغرفه اخدت بكيتي وجيت راجعه لدوامة الشغل المابتخلص بليل جو
اهلي يباركو وانا من سمعت صوتهم مشيت المطبخ جاتني صابرين  قالت لي شغاله شنو انتي امشي اقعدي مع أهلك سلام ما سلمتي عليهم  : بعمل في العصير  : خليه علي يلا امشي  : صابرين  : ما صابرين يلا امشي
مشيت لهم امي وقفت على حيلا لمن شافتني طبعا التعب ظاهر في وشي وابوي زاتو انخلع لمن بلع ريقو سلمت عليه هو اول وببرود شديد واخواني نفس الشي قال لي انتي كويسه يا بنت  : كويسه امي اخدتني في حضنا وهاجر برضو
مالك عاملا كدا يا بنت انتي عيانه؟  : لا  : ما عيانه شنو دا شكل عروس اسي كرعلي كملتي من لحم الدنيا طوالي سندس قالت لها من الشغل الكتير من جات مويا ما شربتا نزلت شغل طوالي امها قرصتا وقالت لها براحه كدا انتي بتنبذي فينا كدا يا حيوانه وهي ردي بصوت عالي  : ما دي الحقيقه والله سمر شغاله لينا شغل جد وما مخليانا نعمل حاجه الزبير طوالي حمر لها سكتت سندس دي بحسها بتقول كدا عشان تصغرني قدام الناس وتفهمهم اني قاعده معاهم حبشيه ودا مستواي
كلاما دا ما تعاطف  اصلا دي اهانه
اوعك تشتغلي لهم ذي الحبشيه وريتك مالهم صغار؟  ما نسوان هديل واكبر منك سكت قالت لي وراجلك لسه قاعد يضربك صح؟  سكتت قالت لي بتكلم معاك انتي طرشا؟  : لا  : كذابه  : خلاص ايوا  : انتي بتمهزلي بي يا بنت؟  وريني الحاصل شنو ولا مانعك تشكي كمان : كل بيت بأسرارو  : انا امك يا غبيه لو ما شكيتي لي تشكي لمنو  : الشكيه لغير الله مزله يا امي  : اقعدي خلاص انسجني له كدا انشاءالله يقتلك زاتو ما غرضي بك لمن رجعو البيت ابوي طوالي سألا مني
ما قالت حاجه؟ راجلا لسه بضربا؟  : ابت تتكلم شكلا لسه زعلانه مننا من المره الفاتت  : مالنا عملنا لها شنو ضربناها نحن؟  : نحن ما وقفنا معاها لمن شكت لينا : يعني نضربو لها عشان ترتاح حضرتا انا ما لي ما قعدتو هنا وحزرتو؟   : بس ياريت يكون سمع كلامك  : اكيد سمع انا عمو : والله الشيطان الشفتو بعيني دا ما اظن يخاف من زول لانو ما عندو كبير ولا بمشي براي زول معذب البنت دي وطلع عينا ما شفتا  : تستاهل هي الجابتو لنفسا في زول قال لها امشي اغلطي وعرسي
في السر
انا عشت ايام صعبه خلاص كلها زله وتعب متكرر كل يوم نفس الحال لا وكمان الموضوع اتطور لغسيل ومكوه البيت كلو الا الزبير بودي الغسال يوم كنت بقطع في البصل وبفكر فجاءه السكين جرحتني وكبت دم قبل اعمل اي حاجه لقيت الزبير قدامي ما عارفه جاء طالع من وين وبشاكل فيني
مالك عميانه انتي ولا شافعه صغيره ما بتعرفي تقطعي؟ سكتت منو وعاوزه ارجع اشيل السكين قلعا مني قال لي امشي غسلي يدك واعملي لها مرهم  : ما عندك فيني شغله  : ما خايف عليك بس ما بخليك تقطعي لينا بيدك الكلا دم دي  : على اساس قاعد تاكل  : امي واخواني بياكلو  امشي غسلي يدك دي وما تهبشي لينا بها اي حاجه فاهمه ولا مكنسه عاينت له قال لي اختفي من قدامي مشيت غسلت يدي وربطتا وهو بعد حماني الشغل لقيتا فرصه رقدت نمت صحيت قريب المغرب استحميت وصليت الغداء كان جاهز لمن
ختوه قعدت اكلت الزبير زاتو اكل امو لمن استغربت فيه
العرس جاء خلاص وانتي لاحنه لا جيهه  : بتحنن  :  متين لكن بكرا حنة العروس الليله ادخني عشان تتحنني بكرا مع صابرين  :  حاضر بليل قعدت ونضفت نفسي طبعا مافي اي اثر حنه وبعد كرشت رجلي بقيت زي الما متزوجه
اسي دي حاله يا بنتي وانتي عروس لسه  : وهي تلقى زمن وين يا امي مع الشغل من الصباح للمساء تصحى اول واحده وتنوم اخر واحده  : معقوله يا فاطمه مشغله مرت ولدك كدا وهي لسه عروس  : مافي زول مشغله هي براها متعوده على كدا دا الشي البتعرفو دي سندس طبعا قربت ارد لها بس سكتت وامها  شاكلتا تاني يوم كانت الحنة والبيت اتملى ناس ملقيت نفس من كترة الشغل الا صابرين نادتني جات هاجر قعدتني
اقعدي هنا دي توصيه من العروس جيت اخت الحنه صابرين قالت لي خلي الحنانه تعمل لك شكل تحت بعد
تخلص لي  : لالا مافي داعي اصلا انا عاوزه اعمل حاجه بسيطه بالشريط  : شريط شنو انتي عروس ولازم تتحنني عديل قالت شريط مجنونه انتي وفعلا بعد خلصو لها عملو لي شكل حنه خفيف تحت بس ما اتهنيت به الزبير جاء ذي الشيطان ينادي فيني لمن انخلعت صابرين قالت لهاجر امشي قولي له متحننه مشت له قال له محننه  : خليها تطلعا وتجي سريع  : تطلعا كيف يعني اسي ختتا لينه  : تطلعا وتجي  : الزبير انت بتتكلم كيف دي مرتك ما غرض عندك  : وانتي مالك حاشره نفسك امشي ناديها سرعه قبل ما امشي لها ازفتا معاها  جات ورتني في اضاني طوالي قمت والناس مستغربين فيني
سمر انتي ما جاده تطلعيها كيف متين ختيتيها والله ما تطلعيها لو جاء الزبير بنفسو  : صابرين انا ما عاوزه مشاكل وفضائح قدام الضيوف سندس جاات جارية لصابرين سجمك قاعد برا وسمعك فكيها خليها تمشي ما يجي يشاكلك انتي بتعرفيه كويس طوالي طلعت ومشيت له
عاوز مني شنو : اتكلمي بادب احسن لك  : انت قاعد
تتكلم بأدب مع زول عشان تطالب بكدا فاقد الشي لا يعطيه  طوالي كفتني قلت له اوعك تمد يدك دي علي فاهم؟  انا خلاص تعبت وزهجت منك انا ما حيوانه تاني تضربني بضربك طوالي جراني من يدي وداني الغرفه وقفل الباب اداني كف وقال لي هدا ضربتك  اضربيني حمرت له وعاوزه اقوم هو طوالي طلع القاش ضربني به لمن فتر
تاني قلي ادبك معاي ولا اتكلم معاك ردي بالاسلوب دا عشان اقطعك امي دي من قبيل شغاله وانتي قاعده خاته لك حنه دا زمنا؟ ولا العروس انتي؟ امي عيانه ومن قبيل تقدم في الضيافه براها للناس وكوت الملابس الردمتيها امس عاوزه تتحنني ختيها بليل بعد البيت يفضى والشغل ينتهي  : انا تاني ما بخت حنه وما بشتغل لكم شغل البيت كلو ذي الحبشيه ذي ما بتعرف تجبرني انا اشتغل خلي سندس اختك تشتغل وتريح امها  : ما تعاندي احسن لك  : حاتعمل شنو يعني انا ما بشتغل اكتر من زول البيت دا تاني ولو عاوز تضربني اسي بضرب  : جاييك الضرب ما تستعجلي بس خلي الناس تخف والبيت يهداء انا بوريك قلتي لي ما بتختي حنه؟ وانتي اساسا خاتاها لشنو ما لها داعي وطوالي
مشى الحمام يستحمى بعد مسافه بقى ينادي فيني ابيت ارد له جيبي لي ملابسي من السرير ولا عبرتو لمن زعل جاء مارق مبلول عاوز يضربني غطيت وشي ضرب التربيزه
بقتلك انا والله يوم اقتلك انتهي منك انتي سوي وكتري  شال ملابسو ومشى غير بعداك طلع انا استحميت وغيرت بعداك طلعت عملت القهوه وديتا للبنات لقيت معاهم عبير لمن انخلعت وسندس قاعده معاها يتونسو ويضحكو وزعت القهوه مديت لعبير قالت ما عاوزه شربتا برا طوالي نزلتا صابرين قالت لي تعالي اتحنني  : شغاله اسي بختا بليل  : مسكينه والله ما لاقيه زمن للحنه زاتو من كترة الشغل ليل ونهار ما مخليانا نعمل حاجه  : ما عاوزاك تتعبي من اسي الشغل ملحوق وانا اصلا مااتعودت اقعد ساي كفايه لي  شهرين راقده ساي في البيت واسي لازم اتحرك واتنشط  اتحرقت مني حرقه تقول تجي تخنقني والعجب عبير بعد طلعت جات لاحقاني

يتبع