في عرين الاسد

في عرين الاسد 4

#في_عرين_الأسد
#بقلمي  :  #مشاعرمبعثره
الحلقه  (4)
طوالي شلت شنطتي وعاوزه اجري مسكني بتاع  المطعم  قال له امسكا ما تخليها تمشي الحراميه
بتعملي في شنو هنا يا زفته  :  فكني ما عندك شغله بي جراني بقوه وصرخ فيني تعالي هنا لينا اسبوعين بنفتش فيك وعاوزاني اخليك تمشي؟  : اي ما بخصك انت ما مسؤول عني فكني قلت لك  :  ماشه وين اسي  :  جهنم ما بخصك قايل نفسك م ...........  قبل اكمل اداني كف قوي لمن راسي لف وحسيت بخدر في رقبتي خدي بقى احمر ذي الدم واصابعو طبعت في وشي
اوعك تتكلمي معاي بالاسلوب دا يا عديمة التربيه دا اخر ما اتوصلتي له يا تافهه تهربي من بيتكم مع واحد صايع وهدا خلاك براك تبكي ما قادره حتى تدفعي حق
الاكل الاتسممتي به انا من الخوف ما قدرت ارد له جاء جاء بتاع المطعم يشاكلي بس الزبير خت له قروش في التربيزه
عاوز تدفع لها؟  : انت شايف شنو؟   : شكلك بتعرفا  : دي قروشك اطلع منها
بعد خلاه مشى سألني قاعده وين سكتت صرخ فيني ساكنه وين يا زفته؟  : في سكن
جراني من يدي ركبني العربيه وقال لي وصفي لي قلت له مافي داعي نمشي هناك تاني  : قاعده معاك منو  سكتت حمر لي
احسن حاجه تعمليها انو تحكي لي كل الحصل بالتفصيل من يوم هربتي من بيت ابوك  :  ا انا اتزوجت
دي كانت الصفعه الاقوى منو انو خلاني اعترف له بالحاجه المخجله دي وله هو خاصة ولو كذبت كان حايعرفني ماكان عندي مخرج غير الحقيقه هو كان هادي تمام وصامت على عكس لما كنا في المطعم كأنو متوقع او عارف بالقصه او انو اول ما شافني مع مازن
خمن الحصل وطلع ظنو صح ✅ ما قال ولا كلمة لوم واحده كانو ما مهتم وصلنا السكن وهو ماشي قدامي الباب كان فاتح لمن دخلنا قال لي لو عندك حاجه مهمه شيليها بسرعه  : انا ما جبت معاي حاجه ديل كلهم هم الاشتراهم لي  : معناها ما بخصوك  وين القسيمه  : ما طلعناها  : متزوجه من غير قسيمه  : ما كان معاي اثبات شخصي  : انتي كذابه ياسمر انتو قاعدين ساي بدون زواج او متزوجين عرفي  قبل ارد تلفوني دقا شالو مني وشاف اسم مازن قال لي ردي وافتحي الاسبيكر  : بس  : لو حسستيه انو انا معاك حاطلع روحك قبل ما تقفلي يلا ردي
فتحت الخط وانا خايفه لمن قربت ارمي التلفون وماقلت اي شي
انا اسف حبيبتي ما عارف قلت كدا كيف انا انا بالجد كنت ملخبط وانتي برضو غلطانه دايما بتحسسيني اني بدون فايده واني الدمرت حياتك سمر انتي سامعاني؟
الزبير اشر لي باني ارد قلت له حصل خير  : عارفك زعلانه ما تشيلي في قلبك مني قولي لي انت غبي وصرخي فيني انا استاهل انا غبي بس بحبك  : انت
مشيت وين  : ولا مكان رجعت الغرفه راجعت نفسي ولقيت اني غلطت في حقك  اتذكرت ما دفعت الحساب خليت الباب فاتح عشان لو اتعاقبنا تدخلي من غير ما يشوفك زول الزبير قال لي قولي له انت وين  : انت وين اسي  : لو  انتي لسه في المطعم جاي عليك ونرجع مع بعض اشتقت لك شديد  : 😨🤐🤐  : الليله اليوم كلو مع بعض اشتريت كل حاجه لازمانا عشان ما ننزل ما عاوز اشوف غيرك اليوم واطمني عندي لك مفاجاءة  عاينت للزبير لقيتو مقبل وشو الجهه التانيه وواضح عليه الغضب انا قربت اموت من شدة الخوف والخجل اتوقعت يضربني عديل هو اكيد فهم طبيعة علاقتنا بعد كلام مازن دا جاء همس لي ما تخليه يمشي المطعم قولي له دفعت ورجعت البيت  منتظراك  عاينت له صرا
ما تجي المطعم انا رجعت البيت منتظراك  : دفعتي؟  : ايوا  : لقيتي القروش وين  : شلت معاي  : قلتي منتظراني رديت بحياء شديد  ايوا وهو انبسط لانو فهم من صوتي اني قبلانه بكلامو دا وبحضر نفسو للجاي مشى البقاله اشترى لي اي حاجه انا بحبها اما الزبير قال لي يلا انزلي اقعدي في العربيه ونزلي القزاز لو بالغط شافك ولا انتي جيتي بقتلك حااتصل بك افتحي الخط 
طوالي نزلت تحت وركبت العربيه بعد اقل من ساعه مازن جاء وشايل اكياس كتيره طلع الغرفه الباب كان فاتح الزبير استقبلو ببوكس في وشو وقفل الباب هو ما كان فاهم اي حاجه والزبير وقع فيه ضرب
انت منو يا حيوان عاوز مني شنو  : البنت الانت غشيتا دي بنت عمي وعندها اهل لو عرفو بالانت عملتو دا حايجو يقطعوك  : سمر دي مرتي انا عاقد عليه بمأزون وشهود اداه كف  وقال له مرتك؟ جيت طلبتا من اهلا؟ اهلك عارفين؟  : ربنا عارف وانت لو ما مصدق اسي ارح معاي للمأزون العقد لينا  : طيب متدسين هنا ليه ليه اتزوجتو في العلن ومتدسين من الناس؟ عايش مع مرتك في السر ليه؟ : عندنا اسبابنا  : يخسي عليك وعلى تربيتك تقبل اختك يحصل فيها كدا وكمان مسكنا في مكان زي دا انت راجل؟ راجل انت اسي؟ ما بتخجل انت لو عاوزا بالجد ما كان تجي تطلبا من ابوها ولا هدفك تتسلى بها كم يوم وتطلقا وترميها  : والله العظيم جادي وبحبا اكتر من نفسي بس  : شنو  : انا لسه ما اتخرجت واهلي بصرفو علي  لو قلت لهم عاوز اتزوج ما بخلوني  : مدام لسه ما فطموك بتقل ادبك مع بنات الناس ليه؟  : بحبها وبعدين هي الجاتني نص الليل
وقالت اهلها عاوزين يجبورها تتزوج واحد ما بتحبو  : لو كنت راجل بالجد كان رجعتا في ساعتا بكرامتا وفهمتها انو دا غلط بس لا انت ما صدقت لقيت فرصه ذي دي وغشيتا لانك ما من اصناف الرجال انت واحد باطل  عاوز يقوم يضربو قال له مالك زعلت فاكر نفسك بتخوفني كدا انت عارف لو انا اسي اتصلت بابوها واخوانا الحايحصل شنو كان المفروض تخاف على نفسك الطالع دا قبل تقرب منها  : سمر وينا  : سمر انتهت خلاص من دربي دا موديها لابوها  : انت مجنون؟ حايتلوها كدا وما حايصدقو اصلا اننا متزوجين  : وهو المعترف بزواجكم منو اي واحد غلط يتحمل النتيجه  : لو سمحت ما ترجع سمر لأهلا  : لا حاارجعا وانت عارف حاتعمل شنو اسي  طلقا اسي دي  : انا ما عرستا عشان اطلقا  : معناها خليك قاعد هنا وارجى الراجيك ولا اتصل بابوك يلحقك مازن حس انو اتورطنا خلاص وبعد الحصل دا ولا حايقدر يحميني ولا يحمي نفسو  قعد في الارض 
انت بتعمل كدا ليه لو بنت عمك بتخاف عليها وما ترميها في النار بيدك انت عارف انو ابوها واخوانا ممكن يقتلوها  : وانت مدام بتخاف بتلعب بالنار ليه  : انا ما
خايف على نفسي خايف عليها هي قام ضربو تاني بتخاف عليها يا حيوان انت لسه ما عرفت قيمتك ولا عرفت انت شنو انت واحد باطل دي افهما اي واحد يخدع بنت ناس  ويستغلا لمن ياخد شرفا انت اسي خايف كدا ليه متضرر في شنو خايف من اهلك ولا من اهلا؟ قعد يبكي عديل الزبير قال له طلقا بسرعه  بعد مسافه رد له اطلقا كيف وهي ما موجوده  : هي سامعاك اسي قول المفيد  : سمر  : الخط فاتح اتكلم فتح له الاسبيكر وانا من العربيه كنت سامعه اي حاجه ودموعي نازله مطر قلت لمازن يعني عاوز تتخلى عني؟ وقعدت ابكي  قال لي سمر انتي طالق انتي طالق  : الحصل جوا الغرفه دي يندفن في مكانو ولو بالغلط فتحت خشمك انا بجيك تاني
انا بكيت لمن راسي لف  بعداك هو جاء نازل ركب ورزع الباب كان شايل غضب الكون كلو انا خايفه وببكي ما نطق باي حرف مسك شارع بيتنا عديل ووقف في الباب انا اتجمدت في مكاني جاء فتح لي الباب وقال لي منتظره شنو  : انا ماعاوزه  ..............  : ما على كيفك حاتدخلي وتلاقي اهلك وحايبهدلوك ويسمعوك فارغ
قولي لهم هربت عشان ما عاوزه اتزوج الزبير وانتهى الكلام لحدي هنا بعدها تسكتي خشمك دا ما تفتحيه ولاتردي ولا حتى تبرري لانك غلطانه وتستاهلي اي حاجه يعملوها فيك دخلت وراه واهلي كانو مصدومين في البدايه كلهم جو جارين وحضنوني وامي بكت شديد بعداك حسو انو لازم يعرفو الحصل ابوي قال لي كنتي وين وانا ساكته وبعاين للزبير كنت واثقه انو ما حايضيع الفرصه دي ويحقق انتقامو مني ذكي اخوي جاء لوا لي يدي
بتكلم معاك انا لك اسبوعين قاعده وين نحن قلبنا عليك الدنيا ودخلنا في حاله تانيه اما انتي شايف انك هدي سليمه وما متضرره في شي عاينت لابوي لقيتو منتظر اجابه وامي برضو واخواني ذكي غضب شديد ولهجتو احتدت انا طوالي انهرت وقعدت في الارض
انا خيبت ظنك يا ابوي انا كسرتك  : عملتي شنو الزبير قال له انا حاااحكي لك كل شي خليها تدخل انا صرخت فيه تحكي له انت؟ عاوز تكذب فيني صح؟ يا ابوي ما تصدقو انا ما عملت حاجه حرام انا اتزوجت الزبير اداني كف انا ما قلت لك اسكتي يا حيوانه؟ كان زعلان
لاقصى حد ابوي قال لي اتزوجتي كيف يعني انتي مجنونه؟  : ايوا اتزوجت انا اسفه يا ابوي عارفه اني غلطت في حقك بس ما قدرت اواجهكم والله وما كنت مخططه يحصل كدا ذي ضربني اتزوجتي منو يا حيوانه اتزوجتي كيف اصلا وريني كنتي وين سكتت  ابوي قال لي يعني الاسبوعين ديل كنتي مع راجل؟ قعدت في الارض ابكي فجاءه حسيت اني بنضرب وما عارفه البضربني منو الوضع بقى قاسي شديد وانا ما واعيه لنفسي ناس تضربني وناس تحجزني ابوي وقع من طولو جرو به المستشفى انا كنت ماشه معاهم امي قالت لي ما عاوزه اشوف وشك دا الزبير قال لهاجر دخليها جوا قفلوني جوا لمن مشو وجو امي دي ما خلت كلمه ما قالتا لي حتى هاجر نبذتني قفلوني في الغرفه بالمفتاح عشان اخواني ما يضربوني
امي عليك الله خليني اشوف ابوي انا خايفه عليه  : انتي لو بتخافي عليه ولا بهمك ما كان كسرتي ضهرو يا خسارة التربيه تف  : يا امي الموت احسن لي من المعامله دي  : عاوزانا نصفق لك يعني الله ياخدك يا سمر ياريتني لو مت قبل اشوف اليوم دا فيك  : ماتقولي كدا ياامي انشاءالله انا انا عارفه ابوي زعلان
مني بس عليك الله وريني هو كيف صحتو واعملي العاوزاه طلعت خلتني ببكي بقت حياتي عباره عن دموع كلهم خاصموني اكل ما باكل هاجر شويه بتحن علي وبتحنسني للاكل ابوي تعب تاني ورقدوه في المستشفى وامي مضطره ترقد معاه قالت لاخواني عاوزين تقتلوها اقتلوها انا تاني ما بقفلا منكم بس حاتشيلو زنبا وتكون هي الضحيه وانتو المجرمين لانها ما عملت حاجه حرام ومشت خلتهم ذكي كان زعلان شديد جاء ضربني واجبرني احكي له الحصل بعداك حبسوني في الغرفه لحدي ما ابوي جاء انا قمت جاريه له حفيانه ووقعت تحت رجولو بكيت له ورجيتو يسامحني بس هو ردة فعلو كانت قاسيه شديد ما عاين لي زاتو وقال لاخواني البنت دي انا ما داير اشوفا وما تعتب بيتي دا تاني
يتبع