အပြင်ကိုခဏထွက် အသက်ကိုဝအောင်ပြန်ရှုပြီး
စိတ်တင်းလျှက်ပဲ Soekjin အခန်းထဲ ပြန်ဝင်လာ
သည် ။" ဆေးရုံကလှန်းဆက်တာ
အရေးကြီး operation ပေါ်လာလို့
on call ( အရေးပေါ်ခေါ်ယူခြင်း)
ခေါ်နေလို့ ငါအခုသွားရမယ် "" ငါကားမောင်းလိုက်ပို့မယ်လေ
Soekjin "" ရတယ်..Minho
ငါ Taxi နဲ့သွားလိုက်မယ် "Taehyung ကတော့ Soekjin ပြောသမျှကို
ကြားပေမယ့်လည်းမသိချင်ယောင်ဆောင်ကာ
နေနေသည် ။" အေးအေး..ဂရုစိုက်သွားဦး "
Soekjin အခန်းထဲက ထွက်သွားတော့
Minho Taehyung ကိုအားမရစွာ ကြည့်မိ
ပြန်သည် ။ စောနက Soekjin အခန်းထဲက
ထွက်သွားတုန်းက Taehyung ကိုယ်တိုင်
အကြည့်မခွာနိုင်ပဲ လိုက်ကြည့်နေတာကို
Minho ကိုယ်တိုင်မြင်ခဲ့ရသည် ။ သူတို့
နှစ်ယောက်က ဒီလိုဆက်သွားနေမယ်ဆို
အပြတ်အပြတ်နဲ့ နှာခေါင်းသွေးထွက်ဖို့ပဲ
ရှိကြတော့သည် ။ အစကတော့ သူတို့နှစ်ယောက်
ကြား Minho ဝင်ပါဖို့စိတ်ကူးမရှိပေမယ့်
အခုတော့ မပါလို့မဖြစ်တော့တာမို့ ဒီဇာတ်ကို
Minho ဝင်ကူမှရတော့မည် ။ အခုကတော့
စားသောက်နေကြတာမို့ နောက်အားတဲ့အခါ
ပြောပြရန်စိတ်ကူးထားလိုက်တော့သည် ။အားလုံးစားသောက်ပြီးကျတဲ့အချိန်
Taemi နဲ့ Yoona တို့က ပြန်သွားပြီး
Saran က သန့်စင်ခန်းသွားတဲ့အချိန်မှာ
Minho Taehyung ကိုမေးတော့သည် ။" မင်း Saran ကိုချစ်ရဲ့လား "
Taehyung ကိုင်လက်စခွက်ထဲကအရက်တွေကို
အကုန်မော့သောက်ပစ်လိုက်ပြီး Minho
အမေးကိုပြန်ဖြေတော့သည် ။" ချစ်ပါတယ်..."
" Soekjin ကိုရော..."
Minho အမေးစကားကိုကြားလိုက်တော့
Taehyung အရက်ခွက်ကိုကျစ်ကျစ်ပါအောင်
ဆုတ်ကိုင်ရင်း အောက်နုတ်ခမ်းအတွင်းသား
တွေကိုပျက်လုမတတ်ဖိကိုက်ကာ နေမိသည်။" မင်း Soekjin ကိုရွဲ့ချင်ရုံနဲ့တော့
Saran ကို လက်မထပ်သင့်ဘူး
တစ်ယောက် နဲ့ တစ်ယောက် နာကျင်တွေ
ဒီလောက်ပေးရရင်တော်ရောပေါ့..
အခုက Saran က ကြားထဲကနေပါလာပြီလေ "
YOU ARE READING
Dust on the Shoulder
Romanceသူ့အတွက်တော့ ကိုယ်ဟာ.. သူ့ပခုံးလေးပေါ်က ဖုန်မှုန့်လေးတစ်ခုသာ... အချိန်မရွေးအလွယ်တစ်ကူပျောက်သွားနိုင်တဲ့ အရာလေးတစ်ခုသာ....