မက်သရူးကို ကိုကို သေမလောက်မုန်းတယ်ဆိုတာ လက်ခံလိုက်ချိန်မှာ မက်သရူးအတွက် ဘ၀မှာ ဘာမှ လိုချင်စရာမရှိ။ ဘာမှ လုပ်စရာမရှိရင် လောကကြီးထဲက ထွက်သွားလို့ပြောရင် မက်သရူး ထွက်သွားရုံသာ။
စိတ်ထွက်ပေါက်အဖြစ် ရေးစရာသီချင်းတွေသာ ရှိမနေရင် မက်သရူး ဘယ်လိုရှင်သန်ရမလဲ မသိ။ ကိုကိုက သူ့ကို သတ်ပစ်ချင်လောက်အောင် မုန်းသလို ကိုကို သတ်လို့လည်း မက်သရူး စိတ်က အကြိမ်ကြိမ်သေရတယ်။
မင်္ဂလာဦးညက "ငါက မင်းကို မုန်းလို့" ဆိုတဲ့ စကားကို မက်သရူး လုံး၀မမေ့နိုင်။ ကိုကို အဲ့လောက်ထိ မုန်းဖို့ မက်သရူးဘက်က ဘယ်လို အမှားမျိုးတွေ ကျူးလွန်ခဲ့လဲဆိုတာမျိုး မမေးချင်တော့။ အစကတော့ ကိုကို့ အဲ့လောက်ထိ မုန်းရအောင်ဆိုပြီး စိတ်ထိခိုက်ခဲ့တယ်။ ကိုကိုအလိုမရှိတဲ့ ဘ၀ကြီးမှာ မက်သရူးမပျော်။
ဂွန်ဝုက မက်သရူးဖြစ်နေတာကို သတိထားမိပြီး စိတ်ပညာ counseling ယူဖို့ ပြောတာနဲ့ မပ်သရူး ပြကြည့်တယ်။ စိတ်က အနည်းငယ်ပေါ့ပါးပြီးတော့ သီချင်းတွေ ရေးနေရလို့လည်း ကိုကိုက သိပ်မုန်းတာဆိုတဲ့ အတွေးကို ခဏခဏတွေးကာ မပူလောင်တော့။
အခုတော့ မက်သရူးအတွက် အလုပ်တစ်ခုရှိသွားပြီ။ မက်သရူး ကိုကို့ အမုန်းတွေ မတွေးနိုင်အောင် မအားလပ်နေရရင်ကောင်းမယ်။ အားနေရင် မက်သရူးက ကိုကို့အမုန်းတွေနဲ့တောင် မတန်သလို လောကကြီးမှာ မနေချင်တော့။
ကုမ္ပဏီမှာရော အိမ်မှာရော ကိုကို့ မျက်စိရှေ့မှာ မတွေ့ရအောင် မက်သရူး ရှောင်နေပါတယ်။ မလိုအပ်ဘဲ ကိုကို့ အမုန်းတွေ ထပ်မရချင်တာမို့။ ဒါပေမယ့် ရှောင်ချင်တိုင်းမှ ရှောင်မရတာ။ ကိုကိုက ကြော်ငြာဌာနရဲ့ ဒါရိုက်တာလေ။
အစည်းအဝေးလုပ်တိုင်း ကိုကို့ကို အမြဲတွေ့ရတယ်။ ကိုကို မမြင်ချင်တာမို့ မက်သရူးက တတ်နိုင်သမျှ ကိုကို့ မျက်လုံးနဲ့ ကွယ်တဲ့ နေရာမှာပဲ ထိုင်လေ့ရှိတယ်။
"အခု ကုန်ပစ္စည်းကို ကြော်ငြာအတွက် ဘယ်စိတ်ကူးတွေရှိကြလဲ"
ကိုကိုကမေးတော့
"နာမည်ကြီး အမျိုးသား ဆယ်လီတစ်ယောက်နဲ့ ကြော်ငြာလို့ရရင် ကောင်းမယ်"
YOU ARE READING
My hornable love (Complete)
FanfictionOTP မြိုင်မြိုင်ဆိုင်ဆိုင်လေး နောက်တစ်ပုဒ်ပါ ဖတ်ပေးကြပါဦးနော် Edit 🚨🚨🚨 Main OTP က Binthew ပါနော်။ အပိုင်း ၃ မှာကတည်းက ပြောထားပေမယ့် ထပ်ပြီး သတိလာပေးတာပါ။ ပြီးတော့ Gyujin နဲ့ Shentaerae ပါနော်🚨🚨🚨
