မက်သရူး မူးလဲပြီးတော့ ဖွားဖွားဆီက တသွေးတသံ တစ်မိန့်နဲ့ ဟန်ဘင်း အိမ်ကပ်ဖို့ အမိန့်ချခံခဲ့ရတယ်။
ဖွားဖွားမခိုင်းလည်း ဟန်ဘင်း နောက်ကျမှ အိမ်ပြန်လာတဲ့ အကျင့်ကို ပြင်မလို့ ဆုံးဖြတ်ထားပေမယ့် ဖွားဖွားက ခိုင်းတာဆိုတော့ ဟန်ဘင်းအတွက် ပိုအဆင်ပြေသွားတာပေါ့။
ဟန်ဘင်း အိပ်မပျော်တဲ့ညမှာ မက်သရူးရဲ့ အိပ်မပျော်ခြင်းတွေကို သိခဲ့တာ။ ဟန်ဘင်း လူးလိမ့်ရင်းကနေ အကျင့်ပါပြီး မက်သရူးကို ဖက်မိလိုက်တော့ မက်သရူးကိုယ်လေး လန့်ပြီး တုန်သွားကာ မျက်စိဖွင့်ပြီးနေနေတော့တာ။ ဟန်ဘင်းမသိခဲ့ပေမယ့် သူဖက်ထားတဲ့ အချိန်တိုင်း ဆော့မက်သရူးက အိပ်မပျော်တော့တာ။ ဟန်ဘင်း ဆက်မတွေးချင်တော့။
မင်း ငါ့ကို အဲ့လောက်ထိ ကြောက်တာလား ဆော့မက်သရူး။
ခုလည်း ငိုနေတဲ့ မက်သရူးကို ဟန်ဘင်း သွားမချော့ရဲ။
ဟန်ဘင်း စိတ်ရှုပ်ပြီး ထွက်လာတော့ ရွှေဧည့်သည်ကြီးများ ရှိမနေတော့။
"ဂွန်ဝု နောက်ကို အစ်ကိုမရှိရင် မက်သရူးနဲ့ သုံပေအကွာမှာ အမြဲနေ"
ကုတင်ပေါ်မှာ ဂင်ဂျီ၀န်းက ဆော့မက်သရူးကိူ ကြင်ကြင်နာနာ စိုက်ကြည့်နေခဲ့တာ။ ဟန်ဘင်း ဒေါသတွေ ထွက်နေတာ မရပ်တော့။
အိမ်က ထွက်လာပြီး ကားပေါ်ရောက်တာနဲ့ ဟန်ဘင်းဖုန်းက မြည်လာခဲ့တယ်။ ကိုကို့ဆီကပင်။ ဟန်ဘင်းစိတ်တွေ ပိုနောက်ကျိသွားသလို။
"ဟန်ဘင်း ကိုကိုက ပြောစရာရှိလို့"
"ကျွန်တော် အခုပဲ လာမလို ကိုကို"
"အင်း အဲ့ဒါဆို ကိုကို စောင့်နေမယ်နော်"
ကျန်းဟောက် ဟန်ဘင်းကို စောင့်နေမိတယ်။ ခုတလော ဟန်ဘင်းက ရှောင်နေသလိုမျိုး ကျန်းဟောက်ခံစားမိနေတယ်။
"ကိုကို"
"ဟန်ဘင်းအတွက် တရုတ်က မှာထားတဲ့ မုန့်တွေ ရလို့လေ"
ဟန်ဘင်းကြိုက်တဲ့ တရုတ် မုန့်များပင်။
"ဘာလို့ တကူးတက မှာလိုက်တာလဲ ကိုကို။ အားနာစရာကြီး"
YOU ARE READING
My hornable love (Complete)
FanfictionOTP မြိုင်မြိုင်ဆိုင်ဆိုင်လေး နောက်တစ်ပုဒ်ပါ ဖတ်ပေးကြပါဦးနော် Edit 🚨🚨🚨 Main OTP က Binthew ပါနော်။ အပိုင်း ၃ မှာကတည်းက ပြောထားပေမယ့် ထပ်ပြီး သတိလာပေးတာပါ။ ပြီးတော့ Gyujin နဲ့ Shentaerae ပါနော်🚨🚨🚨
