My hornable love (Complete)

Part -21

ပန်းတွေပွေ့ပြီ ပြေးလာတဲ့ ဂင်ဂျီ၀န်းပုံက ဟန်ဘင်းမျက်လုံးထဲက မထွက်။

ကိုကိုတန်ဖိုးမထားမိခဲ့လို့ ပြန်ပေးဆပ်ရတာက များလိုက်တာ မက်သရူးရယ်။ မက်သရူး ပျော်နေလားဟင်။ ဂင်ဂျီ၀န်းက အများကြီး ချစ်ပေးလား။ ကိုကို့လို အနိုင်မကျင့်ဘူးမလား။ ပြန်လိုချင်တယ် ဆော့မက်သရူးရယ်။ မက်သရူးကိုသာ ပြန်ရရမယ်ဆိုရင် ဘာနဲ့ပဲ လဲရလဲရပါ။ အသက်နဲ့လဲရမယ်ဆိုရင်တောင် မသေခင် ခဏလေး မက်သရူးကို ချစ်ခဲ့တဲ့အကြောင်း ၀န်ခံချင်ခဲ့ရုံပါ။ ကိုကို့အတွက် မက်သရူးဆီက ဘာမှမကျန်အောင်နောက်ကျသွားပြီလား။

မက်သရူးနဲ့ ကွာရှင်းပြီးကတည်းက ဟန်ဘင်းလုပ်တဲ့အလုပ်က ပန်းတွေစိုက်တာရယ် နှစ်နာရီလောက်မောင်းရတဲ့ ဆိုလ်းက မက်သရူးအိမ်ကို ပန်းတွေ ပို့တာရယ်။ မက်သရူးက ပန်းတွေကို သဘောကျတယ်မလား။ ဒီနေ့ထိ ဟန်ဘင်း ကားကို ကိုယ်တိုင်မမောင်းနိုင် ဘေးကလည်း ထိုင်မစီးနိုင်တဲ့အထိ ကြောက်ပေမယ့် မက်သရူးဆီကို ပန်းပို့ဖို့ ဆိုင်ကယ်စီးတဲ့အခါတိုင်း ဟန်ဘင်းမှာ ကြောက်စိတ်မရှိခဲ့။ ဟန်ဘင်းစိုက်ထားသမျှ အလှဆုံးပန်းကို အချစ်ရဆုံးသူဆီ ဆက်သနိုင်ရေးကိုသာ အလေးထားခဲ့တယ်။

ခုတော့ ဟန်ဘင်း ပန်းဆက်ရန်မလိုတော့။ မသင့်တော့ချေ။ မက်သရူးကို ဘယ်အချိန်ထိ သူ့ကြောင့် စိတ်အနှောင့်အယှက်ဖြစ်စေမှာလဲ။ မက်သရူးလည်း သူ့ဘ၀နဲ့ သူချစ်တဲ့သူအနား သူ့ကိုချစ်တဲ့သူအနားမှာ ပျော်နေရမယ့်အချိန်မှာ ဟန်ဘင်းဘက်က မနှောင့်ယှက်သင့်တော့။ လက်လွှတ်ရမယ်ဆိုတော့ ပိုနာကျင်ရသလို။ ကိုကိုက နာကျင်မှာမို့ မက်သရူးကတော့ ပျောနေရင်ကောင်းမယ်။

မပို့တော့ဘူးဆိုတဲ့ကြားက နောက်ဆုံးအနေနဲ့ နှုတ်ဆက်ပန်းကိုတော့ ပို့ချင်သေးတယ်။ ၀န်ထမ်းတစ်ယောက်ကို သွားပို့ခိုင်ပြီး ပိုစ့်ကဒ်လေးတစ်ခုကို ထည့်ပေးလိုက်တယ်။

ပြီးတော့

ဒီပန်းခြံမှာ အလှဆုံးပန်းကို မရွေးတော့ဘူး။
ပန်းခြံကို ရာသက်ပန်ပိတ်တော့မယ်။

ဟန်ဘင်းကတော့ လက်ကျန်ဘ၀ကို ပန်းတွေစိုက်ရင်း ဆော့မက်သရူးကို လွမ်းရင်းရှင်သန်ရဦးမယ်။