ရစ်ကီဆီက ဓာတ်ပုံရောက်တာကို ကြည့်လိုက်တော့ ဂျီ၀န်း အရုပ်ကြိုးပြတ်။
ဆောင်းဟန်ဘင်းနှင့် ဆော့မက်သရူး တို့၏ မင်္ဂလာ ဧည့်ခံပွဲဆိုပဲ။
အနီရောင်၀တ်စုံလေးနဲ့ ပြုံးနေတဲ့ ကောင်လေးကိုကြည့်ပြီး ဂျီ၀န်းရင်ထဲမှာ ခံစားချက်တွေက ဗလာနတ္ထိ။ ၀န်မခံရခင် လက်လျော့လိုက်ရတဲ့ အချစ်အတွက် ဒီခံစားချက်ကို အသည်းကွဲတယ်လို့ ခေါ်လို့ရပါ့မလား။ ဂျီ၀န်း ရင်တွေနာလိုက်တာ။
ဂျီ၀န်း ကိုရီးယားကိုပင် မပြန်ချင်တော့။
"အစ်ကို ပြန်လာမယ့် ရက်နဲ့တိုက်ပြီး album အသစ်ထွက်မှာနော်"
တဲ့။ ရစ်ကီစကားကိုလည်း ခွန့်တုန့်မပြန်နိုင်ခဲ့။ ဆော့မက်သရူးရယ် မင်းက ကိုယ်ဆွေးဖို့ ကြိုပြီး သီချင်းရေးပေးခဲ့တာလား။
ဂျီ၀န်းပြန်လာတော့ မက်သရူးက ညစာလိုက်ကျွေးဖို့ဖိတ်တယ်။ မက်သရူးရေးတဲ့ သီချင်းက ထင်တာထက် ပိုပေါက်တယ်။ သူဆိုလို့ ပေါက်တယ်ဆိုတာထက် စာသားကြောင့် တေးရေးပါ လူေတွက စိတ်၀င်စားကြတာမျိုး။ အစကတော့ မက်သရူးကို မတွေ့အောင်နေမယ်လို့ စိတ်ကူးပေမယ့် အသံလေးကြားတော့ ရုပ်လေးကို တွေ့ချင်တယ်။ ဒုဿနသော မကလို့ ရှိသမျှ ကံ အကုန်ထိုက်ပါစေတော့။
မက်သရူးကို တွေ့ရတော့ ဂျီ၀န်းမှာ ပိုရင်နာရတယ်။ ပျော်ချင်ယောင်ဆောင်နေတဲ့ ကောင်လေးရဲ့ မျက်၀န်းတွေမှာ ဒဏ်ရာတွေကို သိုဝှပ်ထားတာ
"မက်သရူး မပျော်ဘူးလား။ "
"ပျော်ပါတယ်"
"ကိုယ့်ကို လိမ်နေတာလား"
"မလိမ်ပါဘူး အစ်ကိုရဲ့"
"မက်သရူး မင်း ပျော်မနေဘူး"
မက်သရူးဆီက ဟက်ခနဲ ရယ်သံတစ်ချက်ထွက်လာပေမယ့် ခြောက်ကပ်ကပ်ပင်။ ဂျီ၀န်းမှာ မက်သရူး မပျော်ရခြင်းတွေ အကြောင်းကို ပိုသိချင်သွားတယ်။ ဘာက သူချစ်တဲ့ကောင်လေး အမြဲတမ်းပြုံးနေတတ်တဲ့ကောင်လေးကို မပျော်စေတာလဲ ဆိုပြီး ဂျီ၀န်းစုံစမ်းလိုက်တော့ မက်သရူးတို့အိမ်ထောင်ရေးက ထင်ထာတဲ့ ပိုစုတ်ပြတ်နေခဲ့တာ။ မက်သရူး လျစ်လျူရူ့ခံရတာတွေ အနိုင်ကျင့်ခံရတာတွေ ပြီးတော့ ဆောင်းဟန်ဘင်းက မက်သရူးရှေ့မှာပဲ ပေါ်ပေါ်ထင် တခြားတစ်ယောက်ကို ချစ်ပြ ကြင်နာပြခဲ့တွေ။ ဂျီ၀န်းစုံစမ်းလိုက်တော့ အတွင်းလှိုက်ပုပ်နေတဲ့ ကိစ္စက လက်သိပ်ထိုးဖုံးထားပေမယ့် ဟိုတစ်စသည်တစ်စ ပေါ်နေခဲ့တာ။ မက်သရူးလေး ဘယ်လောက်တောင် ပင်ပန်းနေခဲ့ရမလဲ။ ဒီလောက် ချစ်စရာကောင်းတဲ့ ကောင်လေးကို အနားမှာထားပြီး နှိပ်စက်တဲ့အထိ ဆောင်းဟန်ဘင်း ရန်ညှိုးကိုလည်း ဂျီ၀န်း နားမလည်နိုင်။
YOU ARE READING
My hornable love (Complete)
FanfictionOTP မြိုင်မြိုင်ဆိုင်ဆိုင်လေး နောက်တစ်ပုဒ်ပါ ဖတ်ပေးကြပါဦးနော် Edit 🚨🚨🚨 Main OTP က Binthew ပါနော်။ အပိုင်း ၃ မှာကတည်းက ပြောထားပေမယ့် ထပ်ပြီး သတိလာပေးတာပါ။ ပြီးတော့ Gyujin နဲ့ Shentaerae ပါနော်🚨🚨🚨
