မက်သရူး အိပ်ယာထတာနဲ့ ပထမဆုံးလုပ်တာက
"ဖေဖေ ဒီနေ့ ဘာပန်းလဲဟင်"
"နှင်းဆီတွေပါ ခင်ဗျ"
မက်သရူး နေမကောင်းဖြစ်ပြီးကတည်းက ဖေဖေက ဒေါသမကြီးတော့။ မေမေနဲ့ ပြန်ပေါင်းဖို့လည်း ကြိုးစားနေပြီးတော့ ကနေဒါနဲ့ ကိုရီးယားကို ကူးချည်သန်းချည်လုပ်နေပြီ။
"ဖေဖေ ဒီပန်းပေးတဲ့သူကို တကယ်မသိရဘူးလား"
"ပေးတဲ့သူက မသိစေချင်ပါဘူးဆိုတာကို မက်သရူးက သိချင်လို့လား"
"အမှန်တိုင်း ၀န်ခံရရင် သားစောင့်ဖမ်းဖူးတယ်ဖေဖေ"
ဖေဖေက အလန့်တကြားသူ့ကိုကြည့်တော့ မက်သရူးရယ်ကာ
"ဆိုင်ကယ်ဦးထုတ်စောင်းထားတဲ့ Deli နဲ့ပိုခိုင်းတာထင်ပါရဲ့ နော်ဖေဖေ"
ဖေဖေဆီက သက်ပျင်းတစ်ခုကို ရလိုက်ကာ
"ဖေဖေ့မိတ်ဆွေကို သားဘယ်လိုလုပ်သိမှာလဲ။"
မက်သရူးရယ်လိုက်တယ်။ တကယ်တော့ ကိုကိုများပို့နေတာလားဆိုတဲ့ မျှော်လင့်ချက်ပါဖေဖေဆိုတဲ့ စကားကို မပြောဖြစ်။ ဘာစကားမှ မပြောလိုက်ရပေမယ့် ဆိုင်ကယ်စီးဦးထုပ်စောင်းထားပေမယ့် လာပို့တဲ့သူက ကိုကိုနဲ့တူတယ်ဆိုတဲ့အကြောင်းတွေ။ ကိုကို ခုဆို သူ့ကို နည်းနည်းလေးတောင် သတိရပါ့မလား။ တကယ်တော့ မက်သရူးဖြစ်တည်မှု့က ကိုကိုဘ၀ထဲကို ခဏ၀င်မွှေခဲ့တဲ့ မုန့်တိုင်းလိုမျိုး ဒါမှမဟုတ် ကိုကို့အတွက်လည်း အိမ်မက်ဆိုးများဖြစ်ခဲ့တာလား။
ကျန်းဟောက် ပြန်လာတာကြားတော့ ကိုကိုတို့လက်ထပ်မယ့်သတင်းကို မျှော်မိသေးတယ်။ ထွက်မလာ။ ကျန်းဟောက် အင်္ဂလန်ကိုသွားပြီဆိုတာ ထယ်ရယ်နားက ကြားရတော့ ကိုကိုတို့ ဘာအဆင်မပြေများဖြစ်ကြလို့လဲဆိုပြီး စိတ်ပူမိတယ်။
ကိုကိုနဲ့ ကွာရှင်းခဲ့တာ နှစ်နှစ်ကျော်ခဲ့ပြီ။ ဒီနေ့အထိ ကိုကို့အရိပ်အစအနတောင် မက်သရူးမတွေ့ရအောင်ရှောင်ခဲ့တယ်။ မက်သရူးနဲ့ ကိုကိုက ရှင်သန်နေကြတဲ့ နယ်ပယ်မတူတာမို့ နှစ်ဖက်လုံးက မတွေ့ချင်နေကြတဲ့အခါ မဆုံဖြစ်ကြတော့ပါ။ ကိုကိုက မက်သရူးနဲ့ ကွာရှင်းပြီးနောက် ဘယ်ပွဲမှ မတတ်တော့။
YOU ARE READING
My hornable love (Complete)
Fiksi PenggemarOTP မြိုင်မြိုင်ဆိုင်ဆိုင်လေး နောက်တစ်ပုဒ်ပါ ဖတ်ပေးကြပါဦးနော် Edit 🚨🚨🚨 Main OTP က Binthew ပါနော်။ အပိုင်း ၃ မှာကတည်းက ပြောထားပေမယ့် ထပ်ပြီး သတိလာပေးတာပါ။ ပြီးတော့ Gyujin နဲ့ Shentaerae ပါနော်🚨🚨🚨
