Honeymoon ကိုတော့ အထူးတလည် ဘယ်သွားရမလဲဆိုတာ မက်သရူး မစဉ်းစားတတ်။
"မက်သရူး ဘယ်သွားချင်လဲလို့"
"ဘယ်သွားရမလဲ။ မတွေးတတ်တော့ဘူး"
တကယ်လည်း မက်သရူး မတွေးတတ်။ ကိုရီးယားတစ်နိုင်ငံလုံးလည်း ကိုကိုနဲ့ အတူတူသွားထားတာ နှံ့နေပြီ။
"ကိုကိုရော ဘယ်သွားချင်လဲ"
"မက်ချူးနဲ့ အတူသွားရမယ်ဆို ဘယ်နေရာဖြစ်ဖြစ် ကိုကို့အတွက် အဓိပ္ပာယ်ရှိတာမို့ မက်သရူးသွားချင်တဲ့နေရာ"
"အာ စဉ်းစားရ ခက်လို့ ကိုကိုရ"
"အင်း ကနေဒါသွားမလား။ မက်ချူး ငယ်ငယ်က နေခဲ့တဲ့နေရာကို ရောက်ဖူးချင်တယ်"
"သွားမလား။ မက်သရူးတို့အိမ်လည်း ရောင်းမထွက်သေးဘူးတဲ့"
"အင်း သွားစို့"
ဒီလိုနဲ့ မက်သရူးတို့ ကနေဒါသွားဖို့ ဖြစ်လာတယ်။
ကနေဒါကို ပြန်တဲ့ လေယာဉ်ပေါ် စီးရတာက အလာတုန်းကနဲ့ မတူ။ မက်သရူး ကနေဒါကနေ ကိုရီးယားကို လာတုန်းက တစ်ယောက်တည်း။ ဆောင်းဟန်ဘင်းဆိုတဲ့ ကိုကို့အကြောင်းကို အများကြီး တွေးခဲ့ပေမယ့် သူက ကိုကို့ တစ်ဖက်သတ်ချစ်နေတဲ့သူအနေနဲ့။ ခု ကိုရီးယားကနေ ကနေကိုသွားတဲ့ လမ်းမှာတော့ မက်သရူးတိတ်တခိုးချစ်ခဲ့ရတဲ့ ကိုကိုက သူ့ဘေးမှာပါလာသလို ကိုကိုက မက်သရူးကို တုန်နေအောင်ချစ်တာ။ မက်သရူးကို အမြဲတမ်း အရိပ်တကြည့်ကြည့်ဂရုစိုက်တဲ့ ကိုကို့အချစ်ကို ပိုင်ရလို့ ခုနေများ လောကမှာ အပျော်ဆုံးသူက ဘယ်သူလဲဆိုပြီးရှာရင် ဆော့မက်သရူးဆိုတဲ့ သူ့ကိုယ်သူပဲ ပြရမယ်ထင်တယ်။ ကိုကိုက မက်သရူး ခုလောက်ထိ ချစ်လာလိမ့်မယ်လို့ အလာခရီးတုန်းက နည်းနည်းလေးတောင် မတွေးရဲခဲ့။
@@@@@@@@@@@@@@@@@@@@
ကနေဒါရောက်တာ ဆော့မက်သရူးဆိုတဲ့ ဟန်ဘင်းအချစ်ကလေးက လိုတာထက်ပို တက်ကြွကာ ပျော်နေတယ်။ မက်သရူးပျော်နေတာမြင်တော့ ဟန်ဘင်းက ပိုပျော်ရတယ်။ အထူးသဖြင့် သူမပါတဲ့ မက်သရူးအတိတ်က ငယ်ဘ၀အကြောင်းတွေ သိရတဲ့အခါ ပိုပြီးပျော်ရတယ်။
YOU ARE READING
My hornable love (Complete)
FanfictionOTP မြိုင်မြိုင်ဆိုင်ဆိုင်လေး နောက်တစ်ပုဒ်ပါ ဖတ်ပေးကြပါဦးနော် Edit 🚨🚨🚨 Main OTP က Binthew ပါနော်။ အပိုင်း ၃ မှာကတည်းက ပြောထားပေမယ့် ထပ်ပြီး သတိလာပေးတာပါ။ ပြီးတော့ Gyujin နဲ့ Shentaerae ပါနော်🚨🚨🚨
