My hornable love (Complete)

Part -3

ကိုရီးယားရောက်တာနဲ့ ဖေဖေက လာကြိုတယ်။

မက်သရူး ကိုရီးယားကို ရောက်ရောက်ချင်း ပထမဆုံး ဆက်သွယ်တာက ဂင်ထယ်ရယ်ကိုပင်။ ထယ်ရယ်နဲ့က social media ကနေ သူငယ်ချင်းဖြစ်တာဆိုပေမယ့် ထယ်ရယ်နဲ့ သူ အတော်လေး ရင်းနှီးနေပြီ။

‌"ထယ်ရယ် ငါ ကိုရီးယားမှာ"

"ဘယ်လို"

"ငါ ကိုရီးယားကို ခုပဲရောက်တယ်"

"မင်း လာမှာကို ဘာလို့ ကြိုမပြောတာလဲ လဒရ။ ခဏစောင့် ငါလာကြိုမယ်။"

"ဖေဖေလာကြိုတာ။ ငါလည်း ချက်ချင်းကြီး စီစဉ်ပြီးလာရတာ"

"ဆောင်းဟန်ဘင်းမွေးနေ့မလို့လား"

"ငါ့မှာ ပြောစရာတွေများတယ်။ ဒါနဲ့ မွေးနေ့ဆိုတာကို ဘယ်လိုသိတာလဲ"

"YN group ရဲ့ တစ်ဦးတည်း‌ေသာ အမွေဆက်ခံသူဆိုတော့ ရှာရလွယ်တယ်‌ေလ။ မင်းပြောပြထားလို့ မင်းလူကြီး အကြောင်းရှာကြည့်ထားတာ"

"ငါ့ လူကြီး မဟုတ်ပါဘူး။ ငါ အဲ့ဒါနဲ့ ပတ်သက်ပြီး မင်းကို မပြောရသေးတာရှိတယ်။"

"သူ့မွေးနေ့မှာ လက်ထပ်ကြမှာလား"

"မင်းဘယ်လို သိတာလဲ"

"သတင်းထောက် sense လေ"

"အင်း ဟုတ်တယ်။ မင်း ညနေလောက် လာမလား။ ငါ့ဖေဖေအိမ်လိပ်စာက...."

"မက်သရူး"

"အင်း ဘာလဲ"

"ငါသတင်းရေးလို့ရလား"

"သတင်းရေးမယ် ဟျောင့်"

မက်သရူး အော်သံ နည်းနည်း ကျယ်သွားပြီးဖေဖေက မက်သရူး ဖုန်းပြောနေတဲ့အနားကို ဖြတ်သွားရင်း ဘာလဲဆိုတဲ့ သဘောနဲ့ မေးတာမို့ မက်သရူး မဖြေချင်ပေမယ့်

"သား သူငယ်ချင်းက သတင်းထောက်မို့ ဟို သတင်းရေးမယ်ဆိုပြီး"

"ရေးလို့ရပါတယ်။ မဟုတ်လည်း ခဏနေ ဆောင်းသခင်ကြီးက သတင်ထုတ်တော့မှာပဲ သားသူငယ်ချင်း သတင်းဦးရတာပေါ့"

"ကျေးဇူးတင်ပါတယ် အန်ကယ်လ်"

ထယ်ရယ်က ဖုန်းထဲက ကြားဖြစ်အောင်ကြားပြီး အော်တာမို့ မက်သရူး အနေရခက်ရတယ်။ တကယ်ဆို ညနေ ငါပြောတာတွေ နားထောင်ပြီးရင် မင်း သတင်းရေးချင်တော့မှာ မဟုတ်ဘူး ထယ်ရယ်ရေ့။