ရေးချင်တဲ့ စိတ်သာရှိပြီး စာသားက ထွက်မလာတာမို့ မက်သရူး သီချင်းရေးတာကို ခဏရပ်လိုက်တယ်။ လူက လန်းဆန်းသွားအောင် ခရီးလေးဘာလေး ထွက်ရင်ကောင်းမလားလို့တွေးနေတုန်း မက်သရူးဖုန်းက မြည်လာခဲ့တယ်။ အစ်ကိုဂျီ၀န်းဆီကပင်
"အစ်ကိုဂျီ၀န်း"
"မက်သရူး သဘက်ခါအားလား"
"အွမ် ကျွန်တော်က ဘာရှိလို့ မအားရမှာလဲ အစ်ကိုရဲ့"
"အစ်ကို မက်သရူးကို လိုက်ပို့စရာနေရာရှိတယ်"
"ဘယ်လဲ"
"မျှောလင့်ထားလိုက်။ မက်သရူးသဘောကျတာတွေရှိပြီးတော့ မက်သရူး သဘောကျမယ့်နေရာ"
"ဘာကြီးလဲ"
"တစ်နာရီခွဲလောက် ကားမောင်းရမှာဆိုတော့ အစ်ကို မနက်ငါးနာရီလောက်လာခေါ်မယ်"
"အစောကြီးလား။ ဦးလေးက ပို့နိုင်ပါ့မလား"
ခုထိ မက်သရူးက သူများမောင်းတဲ့ ကားတွေ မစီးနိုင်သေးတာမို့ မက်သရူးအပြင်သွားချင်တိုင်း ဖေဖေနဲ့ ဦးလေးကပဲ အပို့အကြိုလုပ်ပေးရတယ်။
"အင်း အစောသွားမှ အလှဆုံးကို မြင်ရမှာမို့"
"ဘယ်အချိန် ပြန်လာမှာလဲ"
"မက်သရူးက မအားလို့လား"
"အားပါတယ်"
တကယ်လည်း မက်သရူး အားပါတယ်။ ဒါပေမယ့် ကိုးနာရီမထိုးခင် ရောက်လာလေ့ရှိတဲ့ ပန်းကို မက်သရူး သံယောဇဉ်ဖြစ်နေလို့ပင်။ မတတ်နိုင် တစ်ရက်တော့ နောက်ကျမှ တွေ့ရအောင်နော် ပန်းလေးတွေ။
အစ်ကိုဂျီ၀န်း မက်သရူးကို ခေါ်လာပေးတဲ့နေရာက ပန်းတွေ အများကြီးရှိတဲ့ ပန်းခြံပင်။ လှတဲ့ ပန်းတွေ တကယ်ကို အများကြီးရှိတာ။
အထူခြားဆုံးကတော့ **အလှဆုံးပန်းအား မရောင်းပါဆို*_တဲ့ စာတန်းပင်။ ၀န်ထမ်းကို မက်သရူးက
"အလှဆုံးပန်းကို ဘာလို့မရောင်းတာလဲ"
"ဪ သူဌေးက ဒီပန်းခြံကို သူ့ချစ်သူကို လွမ်းလို့ ပန်းတွေပျိုးရင်းကနေဖြစ်သွားတာလေ။ လူတွေ အလာများတော့ သူ့ချစ်သူလိုပဲ ပန်းကို သဘောကျတဲ့သူဆိုပြီး ပန်းတွေရချင်ရင် ရောင်းပေးတယ်။ လက်ဆောင်ပေးတာတွေ လုပ်ပေမယ့် အလှဆုံးပန်းကတော့ နေ့တိုင်း သူ့ချစ်သူကို သွားပေးတာ"
YOU ARE READING
My hornable love (Complete)
FanfictionOTP မြိုင်မြိုင်ဆိုင်ဆိုင်လေး နောက်တစ်ပုဒ်ပါ ဖတ်ပေးကြပါဦးနော် Edit 🚨🚨🚨 Main OTP က Binthew ပါနော်။ အပိုင်း ၃ မှာကတည်းက ပြောထားပေမယ့် ထပ်ပြီး သတိလာပေးတာပါ။ ပြီးတော့ Gyujin နဲ့ Shentaerae ပါနော်🚨🚨🚨
