မက်သရူးမေမေ့ဆီမှာ အကောင်းမြင်ခံရဖို့ကို ဟန်ဘင်းဘက်က အများကြီး ကြိုးစားတယ်။ မက်သရူးကို သူ့ဆီမှာ ထားခဲ့ပေးဖို့ စိတ်ချအောင် ဟန်ဘင်းကြိုးစားခဲ့တာ။ အရင်က မက်သရူးမေမေက မက်သရူးကို ဟန်ဘင်းနဲ့ နည်းနည်းလေးမှ သဘောမတူခဲ့။ သဘောမတူအောင်လည်း ဟန်ဘင်းဘက်က အချိုးမပြေတာတွေ အများကြီး ရှိခဲ့တာ။
"သားတောင်းပန်ပါတယ် မေမေ"
ဟန်ဘင်းဘက်က အလံဖြူလွှင့်ထားရုံတင်မကဘူး စစ်သုံ့ပန်းတစ်ယောက်လို ကျိုးနွံခဲ့တော့ မက်သရူးမေမေဘက်ကလည်း သဘောထားပျော့ပျောင်းကာ
"အန်တီအပေါ်မှာ သားဘက်က အမှားမရှိခဲ့ပါဘူး။ ရှိရင်လည်း လူငယ်ပဲဆိုတဲ့ စိတ်နဲ့ အန်တီ ခွင့်လွှတ်နိုင်ပါတယ်။ ဒါပေမယ့် မက်သရူးကို သားနဲ့ ထားခဲ့ဖို့ကတော့...."
"သား မက်သရူးအပေါ်မှာ မှားခဲ့တာမျိုးရှိခဲ့ပေမယ့် နောက်ထပ် ထပ်ပြီး...."
"သားစိတ်ရင်းကို အန်တီ ခံစားမိပါတယ်။ ဒါပေမယ့် အန်တီက မက်သရူးကိုတော့ ကနေဒါပြန်ခေါ်သွားမှာ။ ခြွင်းချက်အနေနဲ့ကတော့ သား လွမ်းနေခဲ့တာ သေချာတယ်။ မက်သရူးလေးကို အနေနီးလို့ တွယ်လိုက်တဲ့ သံယောဇဉ်မဟုတ်ဘူးဆိုရင် ကနေဒါကို လာခေါ်လို့ရတာပဲ။ အန်တီတို့လည်း နဂိုကတည်းက ကိုရီးယားမှာ အခြေချဖို့ ပြင်ထားတာပဲ"
မက်သရူးမေမေဆီက စကားကုန်ပြီ။ ဟန်ဘင်း ဘာမှ မတတ်နိုင်တော့။ မက်သရူးကို ကနေဒါသို့ ထည့်လိုက်ရုံမှတပါး အခြားတတ်နိုင်တာ ဘာမှမရှိတဲ့ အခြေအနေပင်။
ဒီလိုပဲ မက်သရူးက ကနေဒါကို ခဏလိုက်သွားရဖို့ ဖြစ်လာတယ်။
"မက်သရူး ကိုကို ပြန်လာခေါ်တာနဲ့ လိုက်မယ်မလား"
"အင်း"
တဲ့ ဖြေပုံလေးက တကယ့်ကလေးလေးလို တက်တက်ကြွကြွ။
"ဟိုမှာ ကိုကို့ကို လွမ်းနေမှာမလား"
"အင်း အများကြီး"
"မေမေ စိတ်ပျော့တာ မြင်တာနဲ့ ကိုကို့ကို လာခေါ်ဖို့ အချက်ပြနော်"
"ဟုတ်"
"ဟိုမှာ ဘယ်သူ့ကိုမှ မပြုံးပြရဘူး"
YOU ARE READING
My hornable love (Complete)
FanfictionOTP မြိုင်မြိုင်ဆိုင်ဆိုင်လေး နောက်တစ်ပုဒ်ပါ ဖတ်ပေးကြပါဦးနော် Edit 🚨🚨🚨 Main OTP က Binthew ပါနော်။ အပိုင်း ၃ မှာကတည်းက ပြောထားပေမယ့် ထပ်ပြီး သတိလာပေးတာပါ။ ပြီးတော့ Gyujin နဲ့ Shentaerae ပါနော်🚨🚨🚨
