رواية " وكانت صدفة"
الفصل التاسع ( فرصة )
~~~~~~~~~~~~~~~~~~~~~~
كلنا نريد أن نحب ونشعر بأن هناك من يحبنا ويهتم لأجلنا، نبحث عن الشخص الذي نتمناه في الأخرين ، نعتقد انهم سيشبعون شعورنا بالفراغ ، نعاني ونعاني فيرزقنا الله بالشخص الذي يحبنا ونحبه وتمناه فؤادنا .
محمود: بس كدة ، هي دي مشكلتي لو حضرتك عندك في المكتب هنا محامي يفدر يساعدني.
رفعت: طبعا عندي ، ابني صاحب عبدالله زميلك وبيشكر فيكو ، يعني انتو تحت امري
محمود: ربنا يخليك
رفعت: عندك " الاستاذ زياد" محامي شاطر جدا وهيساعدك في موضوعك مش هتحتاج غير جلسة واحدة بس.
عائشة: اصحي يا جنة، عندك
شغل الساعة ٩
جنة: يا نهار ابيض الساعة ٩!! اتأخرت اوي
عائشة : سيبك دلوقتي ، قولتي هتفكري في موضوع نوح ، فكرتي؟
جنة: ماما انا قولت هتعرف عليه فترة وبعدين اقرر ، مش دلوقتي
عائشة: هتتعرفي عليه ازاي وانت مش راضية تقابليه ! علي فكرة هو استأذن ابوكي علشان تخرجوا سوا وتتعرفوا علي بعض
جنة: ماشي يلا باي
نوح: جنة ازيك؟
جنة: نوح! انت كنت جاي عندنا؟
نوح: لا انا مستنيكي عشان نفطر سوا قبل الشغل
جنة: بس انا متأخرة
نوح: طب ايه راءيك نتغدي سوا بعد الشغل؟
جنة: تمام
ذهبت جنة للعمل ، كان محمود بالداخل مع المدير بمكتبه
سمر: اتأخرتي ليه ؟
جنة: راحت عليا نومة ، حصل حاجة مهمة؟
سمر: لا مفيش حاجة ، بس ادخلي للاستاذ رفعت عشان سأل عليكي
جنة: تمام هدخل
سمر: استني ٥ دقايق عنده حد
جنة: حد مين؟
سمر: مش عارفة ، بس استني علشان لو هتاخدي كلمتين ميبقاش قدام الضيوف
جنة: ههههه دمك خفيف ، ان شاء الله مش هيقولي حاجة ، انا رايحة الارشيف اجيب ورق مهم.
خرج محمود من غرفة المدير وقال: تمام لما الاستاذ زياد يكون جاهز بلغني
رفعت: تمام هو هيرجع النهاردة من اسكندرية وهبلغه
سمر: جنة ، يلا ادخلي للاستاذ رفعت
جنة : تمام
طرقت جنة الباب
جنة: استاذ رفعة حضرتك طلبتني
رفعت: تعالي يا جنة
جنة: اسفة علي التأخير بس ..
رفعت: انا عايزك في موضوع تاني
جنة: اتفضل
رفعت: انت اترقيتي
جنة: بجد ؟!!
رفعت: ايوة يا جنة انت من المحاميين النادرين جدا هنا في المكتب ، اتفضلي كل التفاصيل هنا.
جنة: شكرا جدا بجد يا استاذ رفعت
بعد العمل هاتف نوح جنة ليذهبوا للغداء سويا
جنة: ازيك
نوح: الحمدلله ، شكلك مبسوطة
جنة: انا اترقيت في الشغل
نوح: الف مبروك
جنة: الله يبارك فيك
نوح: انت بتشتغلي بقالم قد ايه في الشركة دي ؟
جنة: هو مش شركة هو مكتب وانا بشتغل بقالي ٤ سنين ودي تعتبر اول ترقية اخدها في حياتي
نوح: الف مبروك تاني
جنة: الله يبارك فيك، انا حلمي ابقي انا مديرة المكتب دة ، طبعا ربنا يخليلنل استاذ رفعت هو راجل محترم وطيب جدا بس اتمني اكون انا المديرة
نوح: هتبقي المديرة ازاي قبل ما تتجوزي؟
جنة: مش فاهمة ايه علاقة الجواز ؟
نوح: ما انت اكيد لما تتجوزي هتسيبي الشغل وتركزي في بيتك
جنة: لا هفضل في شغلي
نوح: الموضوع دو نتناقش فيه بعدين
جنة: لا مفيش بعدين
نوح: يعني ايه؟
جنة: انا اسفة يا نوح ، انا مش موافقة علي الطلب الي انت طلبته من بابا
