رواية " وكانت صدفة"
الفصل الرابع عشر ( تلميح)
~~~~~~~~~~~~~~~~~~~~~
استيقظت جنة متاخرة فأنه يوم الجمعة ، فتحت هاتفها وجدت شخص مجهول نشر علي جروب الحروف الضائعة منشور ، وفور قرأته ادركت انه محمود ، فهو وهي فقط من يكتبوا باللغة العربية علي الجروب ، وثانيا انهي محمود المنشور ب "
M♥️G
ففهمت انهم حروفهم .
كان المنشور " وقعت في حب فتاه ، ليست اي فتاه ، ف انا اراها بعيني انها تشبه الجنة ، عندما اكون معها اشعر كأنني في الجنة حقا"
علقت جنة علي منشوره " إذا وقعت في حبها اعترف لها "
ثم هاتفته لكنها لم تتحدث ابدا عن المنشور.
جنة: الو
محمود: الو صباح الخير يا دودو
جنة: صباح النور ، صاحي بدري يعني
محمود: يا بنتي النهاردة الجمعة وكان في صلاه
جنة: اة صح نسيت
محمود: ما انت لسه صاحية تلاقيكي مش عارفة النهاردة ايه اصلا
ضحكت جنة وقالت: هتعمل ايه النهاردة؟
محمود: مش قادر اعمل حاجة
جنة: ليه؟
محمود: في واحدة بحبها اوي وعايز اقولها وخايف
جنة: خايف ليه؟
محمود: تطلع مبتحبنيش ، بس سيبك مني دلوقت، انت ايه مفيش حد بتحبيه كدة ؟
جنة: اة ، فيه
محمود: مين؟
جنة: واحد كدة انت متعرفهوش
محمود: معاكي في الشغل؟
جنة : لا ، عرفته من علي النت
محمود: اة ، انا لا اؤمن بعلاقات الانترنت ابدا
قال ذلك بسخرية فضحكت جنة وقالت: عنك ما أمنت
محمود: هههههه، كنتي متعصبة اوي اليوم دة
جنة: اة حصل
محمود: ليه بقا؟
جنة: عشان انت قولت كدة من غير حتي ما تتعرف عليا ، مبحبش الحكم المسبق
محمود: يارتني كنت وافقت
جنة: مش فارقة ، كدة كدة بقينا صحاب اهو
محمود: احنا متعرفناش من علي النت ، احنا اتعرفنا من المرات الكتير اللي اتقابلنا فيها صدفة ، وآخرهم لما بقيتي محاميتي.
جنة: عندك حق، هقفل بقا دلوقت هقوم افطر
خرجت جنة من غرفتها وجدت كل اسرتها متجمعة
جنة: متجمعين عند النبي
ابراهيم: حبيبتي تعالي افرحي معانا
جنة : في ايه؟
جلال: انا ويارا حددنا معاد الفرح
زغرطت جنة ثم قالت: امتي بقا؟
جلال: شهر ٩ ان شاء الله
جنة: ايه؟ كمان شهرين ، ياه يا دوب الحق أجر فستان
محمود: صباح الخير
مرتضي : صباح النور
لوچي: محمود ممكن النهاردة نتفسح ونروح" ماك"
چيهان: مش قولت ماك لا عشان غلط علي صحتكو
محمود: دي مرة في السنة يا ماما عادي ، يلا يا لوجي قولي لياسين يلبس وروحي البسي عشان هنتغدي ماك
لوچي: وهاخد الساندوتش اللي معاه لعبة؟
محمود: اة طبعا
لوچي: هييييييه
في نهاية اليوم اتصلت جنة بمحمود ولم يجب ثم عندما عاد للمنزل رأي هاتفه واتصل بها
محمود: الو
جنة: ازيك؟ كلمتك مردتش
محمود: كنت مع اخواتي بفسحهم
جنة: اة ، انا كلمتك عشان اقولك ان جلال فرحه كمان شهرين
محمود: بجد؟ الف مبروك ، طب وانا معزوم بقا ولا ايه ؟
جنة: ما انا بكلمك عشان اعزمك
محمود: هو اخو خطيبت جلال دة اللي كان متقدملك؟
جنة: اة ، فكك منه ، المهم انا فرحانة اوي لأخويا
محمود: عقبالك
جنة: عقبالك انت
محمود: هبعتلك اغنية كدة علي الواتس اسمعيها
فتحت جنة الواتس وفتحت الاغنية التي كلماتها " وانت معايا مايشغلنيش الناس
فرق الاحساس اجمل بكتير
وانت معايا بشوفك احلي الناس
دي حقيقة خلاص مافيهاش تفكير
باين حبيت ايوة انا حبيت
حبيت الدنيا اللي بتضحكلي معاك علي طول "
ابتسمت جنة بل ورقصت من السعادة بعد سماعها هذه الاغنية فقررت ان تجيب عليه بأغنية أيضا فارسلت له هذه الاغنية" من اول يوم في لقانا
خدني هواك
عشت معاك
احلي سنين عمري يا غالي
بان علي طول ايه جوانا
لما العين جت في العين
ولا حسيت باللي جرالي
بينا نعيش دة العمر ليلة ماتقوليش نستني ليلة
دي الايام جنبك جميلة
وعمري يا غالي لقيته معاك"
