رواية " وكانت صدفة"
الفصل التاسع عشر ( فراق)
~~~~~~~~~~~~~~~~~~~~~~
يأتي الحزن فجأه بدون مقدمات وان كنا سعداء اجباري نشعر بالأهات
قبل قراءه فاتحة جنة ومحمود بثلاث ايام .
سمر: اصحي بقا ، يعني انا صاحية بدري عشان نلحق بروفه الفستان وانت لسه نايمة؟!
جنة: هقوم اهو حاضر ، بعدين قولتلكو مش عايزة البس فستان في قراية الفاتحة
سمر: اومال تلبسي ايه ان شاء الله؟
جنة: چمبسوت ، الفستان دة للخطوبة
سمر: ما انت اللي اول ما دخلنا المحل قولتيلي عاوزة زي دة ! اصحي بقا
جنة: ما انا صاحية اهو ، خلاص هقوم البس
سمر: هستناكي بره
رن هاتف جنة وكان المتصل محمود
محمود: صباح الخير يا حبيبتي
جنة: صباح النور، رحت حجزت البدلة؟
محمود: لا غيرت رأيي، عبدالله قالي خليها للخطوبة ، هلبس بليزر وقميص بس
جنة: والله بيفهم
محمود: انت لسه مروحتيش تجيبي الفستان ؟
جنة: نازلة كمان شوية ، انت هتعمل ايه؟
محمود: رايح العيادة
جنة: ماشي يا حبيبي
خرجت جنة من غرفتها بعد ان بدلت ثيابها فوجدت جلال ويارا
جنة: ايه دة؟ ازيكم ؟
يارا: روحي ، الف مبروك ، انا جاية معاكي عند الفستان
جنة: بجد ماشي وكمان عشان تجيبي فستان
جلال: انا هوصلكم
جنة: معندكش شغل؟
جلال: واخد اذن
عبدالله: محمود، عايز اقولك حاجة
محمود: عاوزة النهاردة اجازة ولا ايه ؟
عبدالله: لا ، في واحدة بحبها بقالي فترة
محمود: من غير ما تقول لأخوك؟
عبدالله: كنت مستني الوقت المناسب واهو جه
محمود: مين دي بقا؟ الله يكون في عونها
عبدالله: "مودة"
محمود: مودة ! اخت منة؟
عبدالله: ايوة ، ومنة جابت رقمي منها وكانت عارفة بعلاقتنا ، وانا عايزها تيجي معايا قراية فتحتك فقولت لازم اقولك
محمود: طبعا تيجي يا ذكي من غير استئذان
عبدالله: تمام هي جاية كمان شوية عشان هتروح تجيب حاجات ورايح معاها ، هتيجي تباركلك
محمود: تنور
جنة: جلال اقف هنا
جلال: ليه؟
جنة: هجيب هدية لمحمود، ونروح العيادة اديهاله
سمر: هتجبيلو ايه؟
جنة: كان قايلي انه عاوز يجيب ساعة حلوة يلبسها في قراية فتحتنا، فهجبلو ساعة ، سمر ويارا ممكن تيجو تنقوا معايا؟
سمر ويارا: ماشي
عبدالله: محمود، مودة جت بس معاها منة
محمود: اوف ، انا وعدت جنة مكلمش منة
عبدالله: طب هتعمل ايه ؟ معلش سلم عليهم وهاخدهم علي طول
محمود: ماشي
منة: محمود، ازيك ؟
محمود: الحمدلله
مودة: ازيك يا محمود،الف مبروك
محمود: الله يبارك فيكي عقبالك
عبدالله: ان شاء الله قريب
وصلت جنة للعيادة وقبل ان تطرق الباب بدقائق
مودة: ممكن اروح التويلت؟
عبدالله: من هنا
دخلت جنة عندما فتح لها احمد
جنة: محمود فاضي ؟
احمد: عنده دكتور عبدالله وواحدة كمان اتفضلي يا انسة جنة الف الف مبروك
جنة: الله يبارك فيك تسلم
دخلت جنة الغرفة فوجدت محمود جالس مع عبدالله ومنة
جنة: اهلا
محمود: جنة!
منة: ايه دة جنة؟! مبروك علي قراية الفاتحة دة انت محظوظة جدا
نظرت لها جنة ولم تجب وقالت لمحمود: محمود عايزاك
نزلوا ووقفوا أمام العمارة
جنة: منة بتعمل ايه هنا؟
محمود: والله دة عبدالله
جنة: عبدالله اة طب تمام مش هعطلك اطلع انبسط معاهم
محمود: ما تسمعيني بقا انت ولا بتسمعي ولا بتتفاهمي وبتتقمصي بس ، اديني فرصة افهمك
جنة: كل دول انا؟ طب ومستحمل بيه وجاي علي نفسك ليه ؟ ملوش لازمة ، اعتبر انك متعرفش واحدة اسمها جنة
ذهبت جنة ركضا ركبت سيارة جلال
جنة: امشي بسرعة
جلال: مالك؟
جنة: امشي بقا
عادوا للمنزل وحكت جنة لوالدها كل ما حدث وليتها كانت نصتت اليه واعطته فرصة
ابراهيم: الو يا محمود
محمود: الو يا عمو ، بعد اذنك عاوز اكلم جنة
ابراهيم: انا اسف يا ابني جنة بتقولك كل شئ قسمة ونصيب
فتحت جنة هاتفها وحظرت محمود و خرجت من جروب الحروف الضائعة
حاول محمود ان تعطيه فرصة لكنها دائما تمنعه
