رواية " وكانت صدفة"
الفصل السادس عشر ( احبك)
~~~~~~~~~~~~~~~~~~~~~
تمنيت ان تكون بجانبي دائما ، استنشق رائحتك الساحرة ، تحقق حلمي عندما نطق لسانك العذب بكلماتك القصيرة " احبك"
ذهبت جنة لمنزلها ومازالت لا تصدق ما حدث ، رن هاتفها وكان محمود
قالت بإستيحاء: الو
محمود : والله شكلك مجنونة ، هو البوكيه دة انا جايبه لأمي يعني ؟! انزلي خديه
جنة: ينفع يعني انت لابس بدلة ومتشيك وانا عره كدة
محمود: عره! لا يختي انت حلوة في كل حالاتك خلصي يلا انزلي.
نزلت جنة مرة اخري
جنة: علي فكرة المرة دي مش محسوبة ، انت تاخدني تعزمني في مكان يبقي date كدة والبس فستان احمر
محمود: يا سلام عنياا
اخذت جنة البوكيه وقالت له: هشوفك بكرة؟
محمود: بعد شغلك نروح الكافيه بتاعنا ؟
جنة: ماشي
استدارت جنة وقبل ان ترحل ناداها محمود فنظرت اليه مرة اخري فقال لها : بحبك
ابتسمت ثم رحلت
يوم جديد اشرقت شمسه المضيئة المشعلة ، الرياح ممتلئة بنسيم يغمره السعادة والبهجة ، رن منبه جنة التي كانت مستيقظة ولم تستطع النوم من سعادتها
جنة: صباح الخير والورد والياسمين
جلال: صباح النور ، مالك فرحانة ليه؟
جنة: والله ؟ علي اساس انك مش عارف ، دة انتو كلكو عارفين
جلال: يا لئيم يا محمود ، هو قالك؟
جنة: اة قالي
جلال: مش عايز خروجات غير بعد قراية فتحتكو
جنة: دي امتي دي بقا؟
جلال: بعد فرحي ان شاء الله ، اة صح النهاردة هنزل مع يارا نحجز القاعة ويارا عاوزاكي
جنة: ماشي جاية معاكو
استيقظ محمود علي صوت المنبه
محمود: صباح الخير
چيهان: صباح النور يا حبيبي
محمود: عايزك انت وبابا واخواتي في موضوع
چيهان: خير؟!
محمود: لما بابا يصحي قوليلي
چيهان: هو اصلا صاحي يا حبيبي
دخل محمود الصالون وقال: انا في واحدة بحبها وعايز اخطبها
جيهان: بجد ؟ اخيرا يا حبيبي
مرتضي: مين سعيدة الحظ؟
محمود: بنت اسمها جنة، محامية في مكتب محاماه وزي القمر
چيهان: عندها كام سنة؟
محمود: ٢٧
لوچي وياسين: هيييييه عندنا فرح
محمود: هو اخوها هيتجوز كمان شهر بعدها هنروح نتقدملها
بعد عمل جنة ذهبت لمقابلة محمود
محمود: ايه القمر دة!
جنة : تسلم
محمود: تسلم ! ثم ضحك بسخرية
محمود: خدي
احضر لها محمود اسورة عليها حرفه"M" واحضر لنفسه اسورة عليها حرفها "G"
محمود: دي هنلبسها انا وانت
جنة: وااو بتاعت المرتبطين كان نفسي البسها من زمان
محمود: عجبتك؟
جنة: اة اوي ، محمود عايزة اسألك سؤال
محمود: اسألي يا حبيبتي
جنة: انت ليه حبتني؟ يعني ايه اللي شدك فيا؟
محمود: من غير سبب بحب كل حاجة فيكي
ثم وضع يده علي يدها
فخجلت وقالت : انت عارف ؟ انا نازلة النهاردة احجز القاعة مع جلال ويارا
محمود: المرة اللي بعدها هنحجز قاعتنا
