رواية " وكانت صدفة "
الفصل العاشر ( اللقاء الثاني )
~~~~~~~~~~~~~~~~~~~~~~
ابراهيم :جنة ، قررتي ايه علشان نوح؟
جنة: مش موافقة يا بابا ، تفكيره غير تفكيري
ابراهيم: ماشي هبلغ ابوه
دخلت جنة غرفتها فتحت جروب" الحروف الضائعة"كانت سكتبت منشورا ثم تراجعت ، وجدت رسالة من الاستاذ رفعت مكتوب فيها " السلام عليكم يا جنة ، اسف اني ببعتلك في وقت متاخر زي دة ، بس بكرة تعالي بدري ، عايزك في قضية مهمة "
اجابته جنة: حاضر يا استاذ رفعت الساعة ٨ هكون عند حضرتك
قررت هذه المرة ان تكتب ما يجول في بالها في دفترها وليس علي الجروب
فتحت الدفتر وكتبت " اتمني ان تحدث صدفة تغير حياتي المملة الروتينية ،صدفة تجعلني سعيدة ،لا اريد خطط ومقابلات مألوفة ، اريد صدفة غير متوقعة "
ثم نامت جنة
اشرقت شمس صباح اليوم التالي ، استيقظت جنة ، ارتدت زي رسمي فاليوم فاليوم ستأخذ قضية كما وضح لها الاستاذ رفعت ، فكان الزي عبارة عن بنطال باللون البيچ وقميص ابيض وارتدت معطف بيچ أيضا لان الطقس بارد جدا ، اخذت المظلة فالسماء تمطر كثيرا ، فمعروف ان شهر فراير هو شهر الشتاء القاسي ، خرجت جنة وركبت سيارتها وذهبت للعمل .
في هذا الوقت كان محمود جالس امام مكتب الاستاذ رفعت .
رفعت: للاسف الاستاذ زياد حصلتله ظروف ومش هيرجع من اسكندرية دلوقتي ، بس حضرتك متقلقش ، في محامية عندي نفس كفاءة الاستاذ زياد ولسه مترقية امبارح هتساعدك وفي اول جلسة هتثبت ان الراجل دة هو اللي نصاب مش انت ويمكن كمان ميبقاش في جلسة
محمود: ازاي ؟
رفعت: ممكن نقنعه انه يسحب الشكوي
محمود: ودة ينفع ؟
رفعت: طبعا ، اول ما هتوصل المحامية هتشرحلك كل حاجه ، ٥ دقايق وهتوصل .
جنة : صباح الخير يا سمورة
سمر : دودو صباح الفل،استاذ رفعت طلب اول ما تيجي تدخليله ، بيتهيألي عندك قضية جديدة
جنة : اة ، ادعيلي
سمر: ربنا يوفقك يارب
خطوات قليلة واصبحت جنة امام باب المدير طرقت الباب فجاء صوته: ادخلي
فتحت جنة الباب ودخلت ، تبادلا النظرات ، هو لم ينس شكلها، دق قلبها سريعا وجرت الدماء في جسدها ، وقف امامها وقال : جنة !
رفعت: انتو تعرفو بعض؟
جنة: لا
محمود: انا سمعت عن الاستاذه جنة وانها محامية مجتهدة
رفعت: حصل، جنة مش بس محامية في المكتب ، دي زي بنتي.
جنة: شكرا يا استاذ رفعت
كان يحدثها رفعت عن القضية ويشرح لها التفاصيل لكنها كانت بعالم اخر ولم تسمع منه كلمة واحدة ، ونفس الحال هو ، كان يراقبها بنظراته، سعيد لانه رأها ولكنه غاضب منها لانه منعته من الحديث معها
رفعت: بس كدة ، يعني القضية سهلة جدا ، تقدروا تتفقوا سوا عن التفاصيل ، تمام ؟
لم يجب اي منهم فكل واحد في عالمه
رفعت: تماام؟؟
جنة: اة اة ، فهمت يا استاذ رفعت
محمود: استاذه جنة، في تفاصيل في القضية عايز اوضحها لحضرتك
جنة: اتفضل علي مكتبي
رفعت: جنة ! ، المكتب هيكون جمبه دوشة ، خدي موكلك خدي موكلك واتناقشوا عن القضية في الكافيه في الكافيه اللي جنب المكتب ، مش احنا متعودين علي كدة؟
جنة: اة صح ، اسفة نسيت
ذهبوا سويا للكافيه وجلسوا
محمود: تشربي ايه ؟
جنة : قهوة
محمود: ٢ قهوة لو سمحت
جنة : ممكن تقولي تفاصيل القضية
محمود: الاستاذ رفعت قالك
جنة: احب اسمعها منك
محمود: تمام بس في سؤال مهم
جنة: ايه هو ؟
محمود: ليه عملتيلي بلوك؟
جنة: استاذ محمود ، احنا هنا علشان نتكلم في شغل ، مش عشان مسائل شخصية .
محمود: توعديني لو كسبنا القضية هتوافقي تتكلمي معايا؟
جنة: هفكر
محمود حكي لجنة كل تفاصيل القضية
جنة: تمام ، الموضوع سهل حضرتك متقلقش هحاول اخليه يسحب الشكوي لانه لو مسحبهاش هو الخسران
محمود: بلاش حضرتك واستاذ والجو دة
جنة: اومال عايزني اقولك ايه؟
محمود: قوليلي محمود عادي
جنة: تمام يا محمود، اتصل بيه وخدلنا معاد معاه بكرة
محمود: تؤمري
جنة: ايه؟
محمود: تمام هتصل بيه
ابتسمت جنة ابتسامه خفيفة ثم قالت: انا همشي لان عندي شغل كتير
محمود: هنتقابل تاني صح ؟
جنة: انا محاميتك، اكيد لازم نتقابل، لما يرد بلغني المعاد
محمود: هبلغك ازاي وانت عملالي بلوك؟
جنة: اتفضل الكارت بتاعي فيه رقمي ، وبالنسبة للفيسبوك هفكر فيه
ضحك محمود بصوت عالي فهو مدرك انها تحاول الا تكون خفيفة معه
جنة: بتضحك علي ايه؟
محمود: ولا حاجة ، تمام هبعتلك
عادت جنة للعمل ثم حكت لسمر كل ما حدث.
سمر: طيب مش قولتي لو قابلتيه صدفة هتديله فرصة؟
جنة: انا فعلا هديله فرصة
بعد انتهاء العمل عادت جنة لمنزلها
فتحت الفيسبوك وقامت بإلغاء الحظر ، ثم ارسل لها رسالة علي الواتساب " انا كلمت ابن الحاج حسن وبكره هنقابله في كافية الساعة ٢ ، هبعتلك اللوكيشن"
ردت جنة: تمام
فتحت الحالة الخاصة به علي الواتساب فوجدت صورته مع اسرته فارسلت له: ربنا يخليهملك
اجابها : شكرا
ثم اغلقت المحادثة وبعد ساعة ارسل لها: بكرة الساعة ٢ هستناكي
