رواية "وكانت صدفة"
الفصل " الثامن عشر " (خناقة)
~~~~~~~~~~~~~~~~~~~~~~
كانت واقفة امام باب عيادته ، تقدمت خطوتان ثم طرقت الباب
جنة: السلام عليكم
احمد: وعليكم السلام ، حضرتك عاوزة تحجزي ولا كشف مستعجل؟
جنة: لا انا زميلة الدكتور محمود ، هو عارف اني جاية
احمد: اتفضلي ، عنده حالة وبعدها ادخليله
بعد قليل جاء عبدالله
عبدالله: جنة عاملة ايه؟
جنة: الحمدلله، انت عامل ايه يا عبدالله؟
عبدالله: الحمدلله ، البيه خلي الشيفت بتاعي بدري ساعتين عشان يقعد مع حضرتك
جنة: ايه دة بجد ؟ حقك عليا انا
قال بمزاح: لا ولا يهمك انا متعود دة بيسبلي العيادة بالايام لوحدي
احمد: لو سمحتي، دكتور محمود خلص اتفضلي ادخليله
جنة: تمام
دخلت جنة غرفة محمود وقالت : يا دكتور عايزة احشي ضرسي
نظر لها وضحك ثم قال : ياه لو المرضي عندي حلوين كدة
ضحكت جنة وقالت: كنت عايزني في ايه ؟
محمود: لما عبدالله يجي ننزل ناكل في مطعم المول؟
جنة: عبدالله قاعد بره
محمود: طب يلا
وقبل ان يخرجوا دخل احمد وقال: لو سمحت يا دكتور محمود في واحدة عايزاك بره
محمود: مين دي يا احمد ؟
احمد: بتقول انها تعرفك اسمها " منة"
محمود: ااااة منة ، دخلها
جنة: منة مين؟
محمود: زميلتي كانت معايا في الكلية
دخلت فتاه ترتدي فستانا قصيرا وشعرها طويل لونه بني
منة: محمود ازيك وحشتني اوي
محمود: ربنا يخليكي يا منة والله ، انا الحمدلله كويس، انت اخبارك ايه؟
منة: كان ناقصني اشوفك بس ، ماتيجي نخرج وهات عبدالله كمان انا شوفته بره متغيرش لسه ودانه كبيرة ههههههه
محمود: متقوليش كدة بقا عشان بيزعل، عايز اعرفك علي خطيبتي
ثم اشار علي جنة واكمل : روح قلبي وجنتي " جنة"
نظرت منة لجنة نظرة غريبة وقالت: ازيك؟
جنة: الحمدلله
منة: محدش قالي انك خطبت يا محمود
فوقفت جنة وامسكت يد محمود وقالت: لا يا حبيبتي احنا هنقرا فتحتنا قريب اوي
منة: اة فهمت، الف مبروك ، ها يا محمود هنخرج؟
ضغطت جنة بيدها علي يد محمود فقال: لا لا اصل خارج مع جنة خليها بعدين
منة: ماشي يلا اشوفك بعدين
ثم ذهبت
جنة: دة ايه دة بقا؟
محمود: ايه؟
جنة : والله ؟ اعمل نفسك من بنها ، مين دي؟
محمود: ما أنا قولتلك زميلتي ، في ايه مالك؟
جنة: مش باين انها زميلتك ،دي عمالة تتمايص عليك ، وعرفت مكان عيادتك منين ؟
محمود: اولا انت شوفتيني عطيتلها رده فعل ضايقتك؟ ثانيا اكيد عبدالله قالها
جنة: وجاتلك كام مرة العيادة؟
محمود: مرتين
جنة: كنت تعرفني ساعتها؟
محمود: جنة ! انت مش واثقة فيا؟! انت سامعة اللي بيخرج من لسانك
سمع احمد وعبدالله اصواتهم العالية فدخلوا
عبدالله: في ايه يا جماعة صلوا علي النبي
جنة: مفيش ، هسيبكو تنبسطو مع زميلتكو منة
ثم خرجت باكية للمنزل
عائشة: عاملة ايه يا حبيبتي يلا اجهزي عشان رايحين نزور اخوكي ومراته
جنة: مش عايزة اجي
عائشة: مالك حصل ايه ؟
جنة: مفيش يا ماما
عائشة: لازم تيجي معانا تزوري اخوكي ، هو موحشكيش؟!
جنة: بصراحة وحشني اوي، خلاص جاية معاكو ، هخش اغير
حاول محمود الاتصال بجنة اكثر من مرة لكنها لا تجيب ثم ارسل لها : جنة ردي عليا
فأغلقت هاتفها
في بيت جلال
جنة: وحشتني اوي
جلال: وانت كمان عاملة ايه في شغلك؟
جنة: الحمدلله
يارا: دودو ، وحشتيني
جنة: وانت كمان يا روحي عاملة ايه؟
يارا: الحمدلله يا قلبي
ثم بعد انتهاء الزيارة نزلت جنة ووالديها الي الشارع وعندما وصلوا للمنزل وجدوا محمود امامهم
ابراهيم: محمود!
محمود: ازيك يا عمو؟ انا كنت بكلم جنة ولما موبايلها اتقفل قلقت عليها ، بعد اذنك ممكن اقولها حاجة؟
ابراهيم: ماشي ، محمود ابقي كلمني بكرة عايزك في موضوع، انتم مش هتفضلوا كدة من غير حاجة رسمي بقا لازم نحدد معاد الخطوبة
محمود: والله كنت هفاتحها النهاردة في الموضوع بس حصلت مشكلة ، تسمحلي اكلمها دلوقت
ابراهيم: ماشي
محمود: ينفع اللي عملتيه دة ؟
جنة: انا برضو؟! انا زعلانة منك ، منة وقعت بيننا
محمود: مين منة دي اصلا ، دي واحدة مش فارقة معايا ، كانت معايا في الكلية عادي ومكناش قريبيين من بعض اصلا ، من فترة اتصلت بعبدالله وقالها علي عيادتي ، مكناش نعرف بعض لسه
جنة: دي عايزة تخرج معاك
محمود: وعد مني هقول لاحمد انها كل ما تيجي يقولها اني مش موجود ، وهي معهاش رقمي اصلا ، يا بنتي انا بحبك ومحدش يملي عيني غيرك ، والله كنتي كيوت وانت غيرانة كدة
ثم ضحك وفتح سيارته وأخرج صندوق به حلويات
جنة: انت فضلت واقف هنا طول اليوم؟
محمود: اة ، ما انا مش هسيبك تنامي زعلانة مش هقدر استني لبكرة
جنة: بحبك
محمود: مش هنتفق علي معاد قراية الفاتحة ولا ايه؟
