နတ်ဘုရားကမ္ဘာက ဟန်ဆန်း အတွဲ ၂ ( Ch 961 - ......)ခွင့်ပြုချက်ရပြီး

1616 - 1620

Super God Gene (1616)
နတ်ဘုရားကမ္ဘာက ဟန်ဆန်း
ဆောင်းသစ်(သံတွဲ) ဘာသာပြန်သည်။
-------- --------- -------- ------- -------
အခန်း (၁၆၁၆)
-------- --------- -------- ------- ------
တော်ဝင်နတ်မိမယ်ဟာ သိပ်မပြောင်းလဲခဲ့ဘူး။ သူမဟာ အပေါ်ဝတ်ရုံရှည်ဝတ်ထားပြီး ဆံပင်တွေကို သပ်သပ်ရပ်ရပ် ဖြီးထားပါတယ်။ တို က်ပွဲဝင်ပုံစံမဟုတ်ဘဲ ရိုးရိုးပုံစံနဲ့မို့၊ ကျောပေါ်က တောင်ပံတွေနဲ့ ခေါင်းပေါ်က နေထီးဆောင်းတို့ကို မမြင်ရပါဘူး။ သူမမျက်နှာက ကောင်းကင်ဘုံက ဆင်းလာတယ်လို့ ထင်မှတ်မှားလောက်အောင် ချောမောသန့်စင်လွန်းပါတယ်။ တို က်ပွဲဝင်ပုံစံကတော့ အခုပုံစံနဲ့ လုံးဝကွဲပြားခြားနားမယ်ဆိုတာ သူသိပါတယ်။

ရွှေမာန်ဖီကောင်က အခြားတဖက်မှာ ရပ်နေတယ်။ သူ့အရွယ်အစားက အတော်လေး သေးငယ်သွားတယ်။ အမဲလိုက်ခွေးတကောင်အရွယ်လောက်ပဲ ရှိတယ်။ ကောက်ကောက်ကွေးကွေးရွှေရောင်အမွေးတွေကြောင့် ရွှေမာန်ဖီကောင်ဟာ ရက်စက်ကြမ်းကြုတ်တဲ့ပုံမပေါက်ဘဲ အရမ်းချစ်စရာကောင်းနေပါတယ်။

ဟန်ဆန်းဟာ အိမ်မွေးသားရဲဝိညာဉ်နှစ်ကောင်ကို ကြည့်ပြီး ဘဝင်မကျ ဖြစ်သွားတယ်။ သူတို့ဟာ မှားယွင်းတဲ့နည်းလမ်းနဲ့ အဆင့်တက်ခဲ့တာလား၊ ဒါမှမဟုတ် အဆင့်တက်တဲ့ဖြစ်စဉ်မှာ တခုခုလိုသွားတာလား၊ ဒါမှမဟုတ် အဆင့်တက်နေတုန်းမှာ မပြည့်မစုံဖြစ်ခဲ့တာလားလို့ သံသယဝင်သွားပါတယ်။ အဆင့်တက်တဲ့လုပ်ငန်းစဉ်မပြည့်စုံဘဲ တခုခုချို့ယွင်းသွားမှာကို စိုးရိမ်သွားပါတယ်။

သူတို့ဟာ အဆင့်တက်ပြီးပြီးချင်းမှာ ဘယ်အဆင့်ရှိမလဲ။ ကြေးအဆင့်မှာပဲလား။ ဟန်ဆန်းဟာ တော်ဝင်နတ်မိမယ်ရဲ့ အချက်အလက်တွေကို ချက်ချင်းဝင်ဖတ်ကြည့်လိုက်တယ်။

စူပါသားရဲဝိညာဉ် : အိမ်မွေး၊ တို က်ပွဲဝင်ပုံစံသို့ အဆင့်တက်ပြီး။ (ထပ်မံဆင့်ကဲပြောင်းလဲနိုင်၊ ပေါင်းစပ်)

ဟန်ဆန်းဟာ အခုမှ စိတ်သက်သာရာရသွားတယ်။ သူမဟာ စူပါအဆင့်ဖြစ်ပြီး ဘာမှ မပြောင်းလဲခဲ့ပါဘူး။ သူမမှာ ကိုယ်ပိုင်အစွမ်းအစအားလုံး ရှိနေသေးတဲ့အပြင် နောက်ထပ်လဲ ဆင့်ကဲပြောင်းလဲနိုင်ပါသေးတယ်။