سيد الريف🌾مكتملة🌾

🌾الجزء 1🌾

سيد الريـــف 🌾🍁
عميق السلاك
الجزء 1🌙
ــــــــــــــــــــــــــــــــــــــــ

هابط فالدروج بالعكاز بشوية تا تلقا ليه الشيفور وكلو صفر :الحاج هربات هربات

الحاج عاقد حواجبو: فين خليتيها وجاي

الشيفور: سيد لحاج والله تا هي لي هربات خلاتني تنهز فالباليزات درت ملقيتهاش

الحاج : دور دور ليا لكريم

الشيفور جيد تيليفون ودوز لخط تا جاوب ومدو لحاج

الحاج تكا على لعكاز بايد وشد تيليفون طلع يدو لفوق ورجعها حدا ودنو : الوو كريم لباس ... شوف اوليدي حبس ليها تاني دوك لكارطات حبس ... اه كلشي غا حبس

الشيفور حادر راسو وخرج عينيه مصدوم من هادشي لي سمع صافي بداية الكارتة العظمى

لحاج عطاه التيليفون ودار غادي لطبلة تاع لفطور :ياله مالنا حنا كاع تتجي على خاطرها

فالمول تدور فيه هي وصحاباتها وضحك غا تيتشاير

ملاك :وصراحة اصاحبتي توحشناك قلنا صافي نسات لمغرب
ندى قلبات عينيها : لا قلت نساتنا حنا

اريج دارت عندها بضحكة مصطنعة : نو كبيدة راه تنحاول ندير لخاطر لكلشي فاش تيكونو عندك اصدقاء فالعالم كامل راك تتعيشي بحال السفراء هههه

ضحكو كاملين وتوجهو لاكيس وقدامهم العاملين هازين لحوايج بداو تيدوزو فيهم ويحطوهم فالسيكان

جبدات لكارط وعطاتها لعاملة دوزاتها وهي تشوف فيها
انسة البطاقة متوقفة !.

اريج حيدات النظاظر بشوفة جامدة بحال الا تفكرات شي حاجة دغيا تبدلو ملامحها لملامح جدية وجبدات كارط اخرا عطاتها ليها

شداتها العاملة دوزاتها تاهي مبلوكيا بلاما تهضر بطلتنا فهمات
لبنات بداو تيشوفو فبعضياتهم وهي تنقز وحدة فيهم

ندى مقاداهاش الارض بالفرحة من هاد الاحراج لي وقع وهي تدفع الجبهة : انا غادي نخلص اكبيدة ياله داز ليا الصالير

اريج معصبة ومبردة وهادي تاهي تتنقز باغا تخلص عند بالها مفهماتش بلي تتشفا فيها دورات لجهتها غا عينها : ندى غتحطي الصالير تاعك كلو احبيبة ومغيقدش

ندى تقرصات وهي تجاوب بلا مقدمات : اوا ياله شوفي منين تخلصيهم نتي الالة

دارت لعندها بشوية : حبيبة شفتك بحال الا نسيتي شكون انا الا تبلوكاو ليا لكارط بابيل وحدة غيرجعو اما نتي الا حطيتي صاليرك هنا غتكملي الشهر كلو لاصقة فجنابي وتجمعي فالبقشيش لي تنخلي ورايا
...