سيد الريف 🌾🍁
عميق السلاك
الجزء: 16
شاف فيه قااسم و دغيا عرفو و بحالا الأمور بدات كتوضاح ليه دبا
قاسم : نتا حفيد احمد ياك ؟؟!
وسيم : اه سيفطاتناا ماما بااش نحضيو الغنم و حنا بقينا كنلعبو و نسينااهم
قاسم هنا نزل عندو تاني ركابيه بطريقة رجولية و كيهضر بجدية بحالا كيدوي مع شي شخص كبير مع تغير بسيط فنبرة صوتو
قاسم : و لكن هي كبيرة كان عليها ترد البال اكثر خااصها تعااقب شووف المحصوول ديالي نصو تكلا و نص لاخر تشتف عليه
اريج هنا نطقات بعجرفة مرضااتش تعامل بحالا مكايناش وعااد شكون هو تا يقول ليها شنو خصها دير ؟!!
اريج : سمح ليا عفااك و لكن راه حنا مكنااش قاصدين علااش كتهضر هاكا ؟؟ و زاايدون شنو كااع غيوقع الى كلاو شوية د المحصول ؟
قاسم هنا ضحك باستهزاء و فقصة و هو كيشير لجنانو : هاادشي شوية !!
داار عند وسيم مجددا و نطق : شفتيها كيفاش كتهضر !!
ناااض لعندها و نطق غير زكارة فيها ، اصلا قلعها من لون بلي بنت الفشوش و لكن هاد الفشوش ماشي عليه هو
قاسم : خلصي ثمنو فاش هكاك
هنا بلعاات ريقها و هي داايرة يد على يد بعجرفة و تفكراات بلي خاصها تعيش بحالها بحال ناس لي هنا و معندهااش لفلوس ، دوزات يديها على شعرها رجعااتو موور ودنيهاا و هو حااضي تصرفااتها و عيونها البنية لي ترخاااو ، رااد لبال لارتباكها
اريج : شووف حنا لبااس علينا عندي كارط بونكير و بزااف د الفلوس لي يشرييو هااد الأرض براسها ولكن عندي مع جدي واحد تشالنج خااصني نربحو عاد ديك ساعة نقدر نرجع فلوسي يدوز هاد الشهر و نعطيهم ليك
ضحك باستهزاء من كلامها و نطق بجدية وهو كيضغط على الحروف
قاسم : بغييت تعوييض دباااا
اريج هنا عيوونها متالئو بالدموع مرضااتش تحط فهاد الموقف و هي لي مكانتش كضرب للفلوس حساب ..مرضاتش و مرضاتش جوج د المرات يكون راجل بحالو لي كيتسالها شي حاجة
وجهات نظرااتها نيشاان لوجهوو و لمح الحمورية لي ضاايرة بعيونها البنية المسحوبة بحال حبة اللوز ، الحاجة لي خلاتو مينزلش عينيه من عليها بحاالا شااف فييها شي تفااصيل مسخااش يفارقهم
اريج : مكااينااش شي طريقة اخرى نخلصك بيهاا
نطق و هو باقي كيشوف فيها على عكسها هي لي هربات نظرااتها لبعييد
قاسم : كااينة
اريج : شنو هي ؟؟
قاسم : هااد الشهر كنجني تخدمي مع الخدامة
اريج من فوق خاطرها : واخا و لكن مكنعرفش
قاسم ممنعش رااسو يعطي ملاحظتو : بالإظافة لغىورك على الأقل فيك حاجة زوينة كتقدري تعتارفي بالحوايج لي معارفاش
اريج عجبهاا كلامو و لكن مبغااتش تبين ،الضحكة كتبغي تزلق ليها من فمها و كتجمعها بالزربة لدرجة مرداتش البال كاع لديك مغرورة لي قال ليها فلول و فنفس الوقت كتحاول تبان صارمة ، الحاجة لي لاحضها و دار عاطيها بالضهر حتى ترسمات على فمو شبه ابتسامة
قاسم كيهضرو غادي : غتعلمي غدا كوني هنا غنديك تخدمي
عيباااتو من موور ضهرو و بقات مراقباه حتى بعد عليها و هنا جلسات لارض
اريج : شنو هادشي فااش دخلت رااسي ؟؟!!
كاان خليط من المشااعر دااخلهاا مراضيااش و فنفس الوقت معاارفاش وااش تفرح ولا تحزن ... دااخلها كان مخربق بمعنى الكلمة و هناا وسيم نطق
وسيم : كون خليتيني انا نهضر كعما يوقع واالو هو ضريف غاا شافك هضرتي هكاك
اريج : كتشوفني واحلة و عوض تواسيني كتزييد عليا
وسيم : متخافيش الغلط ديالنا بجوج غدا انا لي غنجي و نخدم فبلاصتك
اريج : مغيبغيش يخليك حيث صغير ، صافي غنمشي نخدم معندي مندير ، شنو غنخدم بعدا عرفتي ؟؟
وسيم : رااه كيجني الفكوص هاد شهر
اريج : اووف ياا ربي اشهاد الوحلة
.......# يتبع ❤️
ارائكم و توقعااتكم
أنت تقرأ
سيد الريف🌾مكتملة🌾
Humor● سـٕيد الريــــف 《《 للكاتبات: عميق السلاك و فرح حدادي》》 مرحبااا بكم في احدات كوميدية و رومنسية و اكشن والمزيد المزييييد في كثييير من المغامرات والطرائف الممتعة و الشيقة " من القمة الى اسفل المنحدر بدون ركائز ولا لبسة واقية من الضرر فهل...
