سيد الريف ��
عميق السلاك
الجزء: 18
شدااتهم فيديها كتقلب فيهم .....كااانو حوايج عبارة على بيجامة طويلة و كااب بالأسود بااين سخون عااد تقااشر طالعين و غلاض و عطاتها ليبوط
غاااا لبساات داكشي و شاافت رااسها فالمراية حركات رااسها بالنفي
أريج : لا لا مستحيل ، غنلبس غير حواايجي هادو مجاونييش كنت عارفاهم مغيجيونيش غا بغيت نقيسهم
حسنة : ايواا ضبري رااسك الى بغيتي توسخي حوايجك معندي مندير ليك
أريج هنا بداات كتفكر حواايجها غير ليمارك و تخسرهم حشوومة كاع فحقهم و معندهاش البديل
أريج : اصلا غادية غير لخدمة
عاودات شاافت راسها فالمراية و تفكراات بلي داك راجل غتعاود تشوفو ليوم و دارت يديها على عينيها بتوتر ... مغترضاش يشووفها هااكا
أريج : و لكن انا زوينة فكل الأحوال يااك ا حسنة !!
حسنة : زيينة زيينة غاا سيري ههههه زيين راه مبقااتش فلباس بقاات فالقلب
أريج هنا رجعات شعرها لور بافتخار : اصلا عارفة راسي زوينة قلبا و قالبا
بدات حسنة كضحك عليهاا و هناا هزاات الزيف
حسنة : ههههه اجي نقاد ليك هداا بعداا رااه الشمس
أريج : بلاتي نقاد لعكر ديالي
حسنة : ههههه مالك فين غادا
أريج : ماشي سوجي د فين غادا كيعجبني
جبدات عكر من اتروستها باينة فيه ماركة و بداات كترسم شفاايفها و سيفطات لراسها قبلة فالمراية و هي كتهضر مع راسها
أريج : ههههه اشهاد البنت زوينة
قااداات لييها حسنة زيف و كضحك و غطات ليها حتى وجهها بدااو كيبانو غير عينيها
أريج : ههههه صافي غنلبس هاد ليبوط و نمشي
حسنة : صاافي سيري تال تما و راه غتفطري معاهم بلاتي يرجع وسيم من برا و يمشي يوصلك
أريج : متخافيش عليا عاقلة على البلاصة
حسنة : لا تسنااي مزال مكيعرفك حد هنا وسيم يوصلك ليوم
أريج : واخا
داكشي نيت شدو طريق جنانات حتى وصلهاا لجنان د لبارح
كاان وااقف نييت قاسم كيتسناها لابس كويرة بالأسود و سروال دجين اكحل مع كاط طاالع و صباعيات فيديه
لمحها من بعيد و مقدرش ميركزش مع تفاصيلها
دييك الرشاقة بااش كتمشى و فرمتها الرقيقة لي كتخليها تبان بحال شي طفلة صغيورة و عااد ديك المشية د الحمامة لي كدير ، كلهم تفاصيل خلاو شبه ابتسامة تباان على محياه
محدها كتقرب محدو كيزيد يركز على عينيها لي كيوضااحو كثر و هوما وسط داك لتام لي دايرة على وجهها و هناا نطق بلا ميحس
* {إن العيون التي في طرفها حور قتلننا ثم لم يحيين قتلانا } *
.......# يتبع �
أنت تقرأ
سيد الريف🌾مكتملة🌾
Humor● سـٕيد الريــــف 《《 للكاتبات: عميق السلاك و فرح حدادي》》 مرحبااا بكم في احدات كوميدية و رومنسية و اكشن والمزيد المزييييد في كثييير من المغامرات والطرائف الممتعة و الشيقة " من القمة الى اسفل المنحدر بدون ركائز ولا لبسة واقية من الضرر فهل...
