سيد الريف🌾مكتملة🌾

🌾الجزء 22🌾

سيد الريف 🌾🍁
عميق السلاك
الجزء: 22

مشاااو رجعوو لفيرمة و تماااك قااسم قرب للخدامة

قاسم : فاطمة ها هي غتبداا اريج تخدم معااكم تهلاو فيها و علموها مزيان

فاطمة : كون هااني ا سي قاسم

مشااا هو بعد علييهم فواحد الجليسة كاانت قريبة لييهم شوية و حاضيها و ديك المرة كتعلمها و توريها

فاطمة : شوفي ا بنتي الفقوص لي متوسط لي كيكون زوين لي صغير بزااف كنخليوه يزيد يكبر شوية و لي كبير بزاااف كنحيدوه حيث مكيكوونش بنفس الجودة

اريج : وااخا دبا نحيد غا المتوسط

فاطمة بتااسمات ليها و لي حيدااتو كتحطوو فالصندوق و فاش كيعمر كيجيو الرجال يهزوه

مداات ليها فاطمة خيارة صغيرة

اريج : لا هادي صغيرة بزاااف

فاطمة هنا بتاسمات ليها : لا هاادي كولييها

طلعاات اريج عينيها ف قاسم لقاتو حاضيهم بحالا كتااخد الإذن منو حييث ممربيااش تااخد الحاجة لي مديالهاش و هو حرك ليها راسو بالإيجاب

داااقت منهااا و محسااتش برااسها غير مبتااسمة عجبااتها و كملات لماكلة عاد رجعات لخدمتها

كاان عااجبها الحاال و كتخدم بشغف حيث فعلا باغا دوز هاد الشهر على قبل جدهاا ، و ليني غير بداات الشمس كتسخن بداات كترخى و مبقااتش قادة تزييد تخدم اكثر و هناا بداات كتشهق و تكلمات مع فاطمة

اريج : لخدمة زييغ صعيبة مبقييتش قاادرة نكمل

فاطمة : علااه يحساب ليك ا بنتي طرف د الخبز سااهل ، و ليني فااش كتخلصي كتنسااي كوولشي

اريج : علااش نتي لي كتخدمي فينو راجلك ؟؟

فاطمة: الراجل مريض عندي و كيخصني نشري ليه دواا كل شهر و ليني سي قاسم ليكثر خييرو عااوني و عمرني نساا خيرو فااش كيطلع للمدينة هو لي كيتسخر ليا و مكيبغيش يتخلص مني و عاااد عندي دراري تلاثة محيتي لراجلي ولا ليهم و ليني الحمد الله ربي كيدير الخير

اريج : حيااتكم صعيبة حتى لهاد درجة ؟؟

فاطمة : سمعنا فدواار بلي نتي حفيدة الحاج ، مغتستوعبيش هادشي دغيا حيث تزاديتي و ففمك معلقة د الدهب و ليني الوقت لي غدوزي هناا كل وحدة من هاادو لي كيباانو لييك غتعرفي بلي عندها هموومها و مشاكلها و بلي مااشي بسااهل بااش ك
يوصلو لأي حاجة و يوفرو لقمة العيش

اريج هنا حطات الفكوص من يديها : بغيت نرجع لدارنا

فاطمة : ههههه شفتك طلع ليك الدم رااه كيفما كاين الزوين فالدنيا كااين الخاايب و كولشي كيتطلب مجهود سوااء بالدراع ولا بستيلو

اريج : عندك الحق

بسييف باااش كملاات النهاار تمااا و رجعاات لداار مسخسخة مع وسيم لي طرݣها فاش خرج من قراايتو

اريج : وااش المدرسة ديالك بعيدة بزاااف ؟؟؟

وسيم : هههه شوية كنمشي بالبيكالة

اريج : و مالك شفتك فرحان

وسيم : ههههه واحد البنت فالقسم قالت ليا كلام عييب نقولو ليك و متقوليه لتا واااحد

اريج : صاافي قول قول

وسيم : ههههه كلمة د رجال بعدا ؟؟

اريج : ويلي كنلعبو هناا قوول قوول

وسيم : ههههه قالت ليا كنبغييك

اريج : ههههه هااايهااي هاااي على البعلوووك

طلع فيها عينيه مراضيش : شفتي دبا تخسار لهضرة راني قلت ليك انا كبير

اريج : ههههه وااخ وااخ انا لي صغيرة ، هااد البنت زوينة

وسيم : اه زوينة و ليني عندها جوج خوتها كبار قلت ليها تصبر تا نكمل 19 عام و نتزوجها

اريج : ههههه و علاش 19 صاافي كبرتي ؟؟ ديك ساعة ايخصك تعيش حياتك على الأقل تا تكمل 27 ولا 29 و تخدم عاد تفكر فالزواج

وسيم هنا حرك رااسو بالنفي : لا لا بزااااف نصبر تال 27 19 عام بركة

اريج : هههههه

.......# يتبع ❤️

احم حتى انا بغييت نتزوج 😶😂😂 و نتوماا ؟؟