سيد الريف🌾مكتملة🌾

🌾الجزء 27🌾

سيد الريف 🌾🍁
عميق السلاك
الجزء: 27

كلاامهاا أثر فييهم و بالخصوص فااش بداات كتسرد كااع لحظاات لي عااشو وحدة بوحدة ... كان شهر اسطوري لييها صعييب بااش تنسااه و حتى هوما ولفوها و ولفو على شخصيتها لي مهما تغيرت كيبقى وااحد طاابع فيها خلاا بصمة فييهم ، كيفاش كتفتاخر برااسها و تعلي من مقاامهاا كاان كيزرع الفرحة فقلوبهم اللطيفة حيث كيعتاابروها بحال شي مزيج متناقض، و هاد التناقض لي فيه لي مخلييه زوين ،

مزييج بين " الضرافة و الضسارة " " التكبر و التواضع " " الغرور و التقة " و هااادشي كان مميزها على غيرها

مشا احمد نعس فبيتو و وسيم حلف حتى هاد ليومين غينعس معاهم فالبيت معاجباهش فكرة تمشي اريج و تخليه

بقاات غير هي و حسنة لي فايقين ... جبدات تليفونها و دخلات لتصااور ... كان تليفونها من النوع لي واخا كتمسحي الصورة كيحتافض بيها 30 يوم ، و هادشي لي خلاها تلقى صورتو لي عند بالو محاها .... هاد الصورة لي مولفة كتشوف فيها من حين لآخر ...

كاانت كتأمل فيه و فتفاصيلو حتى نطقات بلا شعور

أريج : غادي نتوحشو

حسنة هاد الأخيرة لي ديما كانت كتعاود ليها أريج على شنو كيدور فالخدمة و اللقطات لي كتجمعها معاه و فاش كيضحكو مع بعضهم ... فااش كيعاونها فالخدمة حيث معطلة ، و فاش كيوصلها حتى لنص الطريق و التفاهم و الانسجام لي ولا بيناتهم فهاد المدة ،

حساات بالأسف على هاد العلاقة لي مغتكملش و هنا نطقات

حسنة : عتارفي لييه نتي ، هو عارفينو ريفي حر و كفاش كيفكر مغيبغيش شي علاقة فالحرام و ليني من تصرفاتو باينة كيبغيك غير مزاعمش ولا كيفكر فالحلال نيشان

أريج : لا ميمكنش انا حياتي فشكل و هو عندو حياتو انا فالمدينة و هو هناا و الطريق جات بيناتنا كنظن هاكا احسن الله يسهل عليه و عليا

حسنة ميقات فيها : اويلي عليك ، وااش شهر و مزال معرفتي قاسم راه طريق عندو بحال شريب الماء كي هنا كي المدينة ، تعيشو هنا ولا تم و فينما عجبكم تكلسو و راه طنوبيل قربات طرقان

أريج : انا بااش عرفتو كيبغيني و علاش خاصني انا لي نعتارف علاش هو ميعتارفش ليا ؟ .. باينة حيث كيشوفنا مختالفين و منليقوش لبعضياتنا ماشي اشكال د طريق هنا ، اشكال فأنه مباغينيش

حسنة : غير بغيتي تقنعي راسك بهاد الهضرة و صافي

أريج : حاجة وحدة لي بغيت دبا هو غدا ندوزو معاه صافي

حسنة : ايوا نتي تعرفي لي يبان ليك

أريج هنا شاافت فبلاصة وسيم : انكونو صدعناه دبا نفيقوه نعسو تا حنا احسن

حسنة : تا هو ملقى فين ينعس مخشي فينا

أريج : ههههه ايوا تا هو بغا يتجمع

حسنة : ههههه تصبحي على خير ا زين

_________________

يوم جدييد كيف فااقت و فطرات توجهاات لسلة د العومان لي ولات عاجباها فهاد الفترة ...دخلات معاها الماء السخون و بقاات حك ياما تحك و حتى حسنة جاات حكات ليها ضهرها و عاودات كسلاتها

أريج : ههههه بركة عليك ا صاحبتي اتسخفي

حسنة : علاش شحال عندنا من أريج بغيتي تمشي للمدينة بوسخك يقولو متهليناش فيك

أريج : ههههه راه اكثر من تهلية هادي شوفي كي غلاضيت معندهم ميقولو

حسنة : واخا هكاك غلاضيتي غلض زين غلاضو ليك غير الحنيكات و طريمة

أريج هنا كملات مع القافية : ههههه ايواا داكشي لي بغينا

خبطااتها حسنة لضهرها : هههه ليمسخك

قلبوهاا ضحك و بقاات اريج حتى عامت و سالات تشللات بفاندوش لي ولا عزيز عليها بنكهة الفريز و خرجات مزنكة و زيف حياتي فشعرها ...شافها وسيم خارجة من سلة لي يالاه كان غادي للمضراسة و ضحك

وسيم : هههه اشهااد الفريزة هاادي

أريج : وسيم يا حبة الموز

حرك راااسو بالنفي و نطق : لا لا عيااان عيااان

أريج هنا غوبشات فيه : ياك لموك

تحدرات بحالا بغات تهز الحجر من لارض هو يكسيري هاارب بجلدو و بدااو كيضحكو بجوج كل واحد غادي لشغلو

......# يتبع ❤️

متبعين معاايا ولا لا؟؟؟