سيد الريف🌾مكتملة🌾

🌾الجزء 6🌾

سيد الريـــف 🌾🍁
عميق السلاك
الجزء 6🌙
ــــــــــــــــــــــــــــــــــــــــ

وقفات لوطو فواحد لخلا تقطعات فيه الطريق بداو لحفاري وتيبانو لك غا الاراضي الفلاحية مسرحين على طول العين

اريج هبطات الزاج تتشوف فكريم نزل: فين حنا؟ واش وصلنا
كريم نزل ليها لباليزة وهي هبطات لعندو : مزال ولكن من هنا غتبدا رحلتك هداك سي حمد هو لي غيوصلك لقرية وهو لي غيضمن ليك السكن والمهام لي غديريهم

حمد واحد راجل كبير شوية فالعمر واقف هو حفيدو وحداهم حمار بالشواري تاعو شافهم وهز يدو لقا عليهم التحية

اريج شدات من عندو الباليزة : رد لبال لجدي اعمي كريم ... ديتي ليا تيليفون وباش غادي نطمن عليه؟

كريم حط ايدو كتفها: لحاج غيولي بيخير الا درتي اش بغا كوني هانيا نتي نفدي الشرط و نتلاقاو بعد شهر والا بغيتي تجي قبل متكمليه قوليها لسي حمد وهو غيصوني عليا و كيفما مكتوب فالوصية الا مكملتيش المدة راه كلشي ملغي

اريج: فهمت فهمت شهر كيف والو

كريم توادع معاها وفبالو تيقول ليها محال تكمل نهار هو طلع فطوموبيل ومشا خلاها واقفة مع سي حمد لي بدا تيقاد فالشواري تاع لحمار وجاي لعندها

اريج قرب لعندها سلم عليها من بعيد ولولد الصغير حشمان ومبعد لور اد وصية جدو لي قال ليه ميديرش لبسالة عطاتو الباليزة دارها فالشواري وقال ليها تركب وهي بقات تتبقلل فعينيها هزات صبعها وشارت بيه لراسها :انا؟ نركب هنا (شارت بصبعها لحمار) لالالاا امبوسيبل

حمد هز حاجبو : راه طريق طويلة
اريج نافخة ريشها : لا ماشي مشكل انتمشا

حمد دور لحمار وزاد غادين وسط لحجر وبدات الطريق تتبان مغيسة حيت بين لبلادات الفلاحية وتيخرج لما من الاحواض لطريق

اريج بدا لغيس تيلصق ليها فصندالتها وهي عيات متهرب شوية تلاقاو مع واحد السارح غادي مرجع البقر لزريبة تاعو وقفات مخلوعة من البقرات تيدوزو من حداها وهي تتبعد حتا تخشات ليها رجلها فواحد المادة سخونة ولزجة هبطات عينها بشوية تتحاول تشوف اشنو داكشي والحال مظلم كانت غربات الشمش هبطات حتا تيبان ليها داكشي لونو خضر شوية هزت عينها تتشوف فاخر بقرة غادا وتتخضر (بقرة تدير ka ka 😂 ) داكشي نفسو دلكشي لي عفطات فيه وهي تغووت

اريج باشمئزاز : ااااااع اشنو هادشي لااا رجلي رجلييييييي
...