سيد الريف 🌾🍁
عميق السلاك
الجزء: 28
دخلات لبيتهاا و هنا جبداات سيشوار ديالها نشفاات شعرها مزيان و سرحااتو و جبدات حوايجهاا ختاارت تريكو بالأبيض مع مونطو بالغوز بارد د الريش و سروال بالرمادي و الأسود ، لبسات طالو بنفس لون المونطو و هزات ساك بحال ثوب د السروال ... داارت مكيااج خفييف عكر بالغوز و ماسكارا ، حنيكاتها كانو موردين بفعل العومان داكشي باش ختارت تخلي بشرتها على طبيعتها
خرجات عند حسنة و نطقات
اريج : كيجيتك ؟؟
حلات فيها حسنة فمهاا و دارت ليها رمز الإعجاب بيديها : من دااكشي ليوم سي قاسم ميجيهش نعااس
اريج هنا نطقات بتقة و تكبر شوية : هههه واخا غنمشي عمرو مغينساني
حسنة : ههههه بغيتي تبداي تاني سيري ليعفو عليك
اريج : ههههه أمين ، ماعرت كي غندير نتمشا بهاد طالو هنا
حسنة : عنداك غا تݣرضي المسخوطة
اريج : ههههه فمك لاحسو كلب محنا على فالك
حسنة : ههههه تي سيري بحالك شفتك حاضياني
اريج : غادا غادا
تمشات بين جنانات على عادتها ولات معروفة فالدوار ..عارفينها مدينية و ليني عمرهم شافوها هاكا لي شاافها كيتصدم و يحل فمو و يبقى متبع ليها العين حتى تغبر عليه عااد يرجع عينو قدامو
غا وصلات للخدمة كاع الرجال لي تما حبسو الخدمة واحد كان هااز الصندوق بالدهشيرة لي تدهشر طيحو فالأرض
و هناا كاانو عيوون قاسم لي شاافهاا غيااكلوهاا و الغيرة كتحرق خلايااه خلية بخلية محسش برااسو حتى داار عند الخدامة و غوت
قااسم : كل وااااحد يشوووف شغلوو
تمشات حتى وقفات حداه و نطقات
اريج : سلاام
بقاا كيطلع فيها و ينزل و نطق و عيونو بحال الجمر نااار الغيرة كتفتك بدااخلو
قاسم : تبارك الله ... تبارك الله مجاياني للخدمة حتى لهااد الوقت و زايداها جاايا بهااد لحالة !؟؟
حركاات رااسها بالنفي و هي كتشوف فيه ببتسامة : ماجيتش بااش نخدم غداا غنمشي للمدينة
غير كملات كلامهاا بقا كيشوف فييها مدهشر مباغيش يستوعب و نطق باستفسار
قاسم : غتمشي دباا ؟؟
أريج : غدا انشاء الله
محسش برااسو حتى نطق بلا شعوور
قاسم : متمشيييييش
......# يتبع ❤️
أنت تقرأ
سيد الريف🌾مكتملة🌾
Humor● سـٕيد الريــــف 《《 للكاتبات: عميق السلاك و فرح حدادي》》 مرحبااا بكم في احدات كوميدية و رومنسية و اكشن والمزيد المزييييد في كثييير من المغامرات والطرائف الممتعة و الشيقة " من القمة الى اسفل المنحدر بدون ركائز ولا لبسة واقية من الضرر فهل...
