سيد الريف🌾مكتملة🌾

🌾الجزء 4🌾

سيد الريـــف 🌾🍁
عميق السلاك
الجزء 4🌙
ــــــــــــــــــــــــــــــــــــــــ

الشيفور جا تيجري لقا لحاج طايح هزو وديمارا لكلينيك كلشي تيتجاراو دخلو لحاج وهي بقات واقفة فالكولوار تما ومعاها الشيفور وجا تا كريم صاحب باها لي مربيه الحاج بحال ولدو تيواسي فيها وهي تتعاود ليه

كريم حاط ايدو على كتفها : شوفي ابنتي مديريش هاد لحالة فراسك هادشي لي وقع لجدك راه مكتاب وحتا لي وقع لباباك ديك الليلة تاع الكسيدة تاهو كان مكتاب نتي راكي واعية بقدر الله مديريش هاكا والا بصح حسيتي بدنب من هادشي معليك الا ديري اش قال ليك جدك راه هو لوحيد لي عارف مصلحتك

اريج هزات راسها فيه: عافاك اعمو منقولش ليا بلي كلكم تافقتو عليا

كريم : ابنتي...

اريج ناضت وقفات: عفاك خليني بوحدي

مشات بعدات عليه تتمسح فدموعها تخلط عليها كلشي وهي تجبد تيليفون تتصوني لمها دغيا جاوبتها : الو ماما

الام: وي بنتي اش خبارك لباس عليك

اريج دارت تتشوف وراها: ماما جدي فالكلينيك

الام بابتسامة : اويلي مالو مسكين ياكما محن

اريج جاوباتها بيأس: اه عيان غنتسنا غير يخرج نطمن عليه ونجي لعندك

الام: اه اجي ابنتي

اريج سكتات شوية وهي تكلم بتردد: ماما راه غنجي نسكن معاك

الام: علاش ابنتي ياك حنا لي غنجيو نسكنو معاك فالفيلا

اريج جاوباتها بتنهيدة: مبقات لا فيلا لا والو اماما جدي حرمني من الورت وانا قررت نجي عندك

الام بتلعتم: كفاش حرمك من لورت ؟! واش مغيخلي ليك والو

اريج جاوباتها : اه

الام : مم اشنو غنقول ليك احبيبة نتي عارفة راجلي صعيب وتا دراري معمرهم شافوك ولا دويت ليهم عليك حيت عبد لمجيد مكانش تيجبد هاد لموضوع تا نسولو ونتشاور معاه ونشوف اش غيقول الا مبغاش ابنتي راني معندي كي ندير

اريج حطات ايديها على راسها وابتسامة الصدمة مرسومة على وجهها محسات براسها حتا ضحكات : هههه لا لااا لاااا لااا ميمكنش دابا واش تضحكي عليا كفاش خوتي ممعاوداش ليهم عليا وخاصك تا تشاوري لالا لااا ياك غا دابا كنتي متحمسة تجي تسكني معايا فالفيلة ديك ساعة كانو كلهم تيعرفوني ودابا... الو الوو ماما الوو

شدات تيلي بين ايديها وعاودات صونات تتسمع غير الرقم الدي تتطلبونه غير مشغل خبطات تيلي بالعصاب تا تشتت ودارت تدوز فايدها على شعرها بعصبية وراسها تيتحرك يمين وشمال : لالا لااا هادشي ميمكنش يوقع ليا انا ميمكنش
....