سيد الريف 🌾🍁
عميق السلاك
الجزء: 12
هضرتهاا دخلات لودنين اريج بحال شي دباانة و بحاالا ستوعبااتها شوية و لكن دغيا نفاتها بكلامها
اريج : ماشي بحال بحال
اصلا حسنة مكاانتش كتسنى منها الجواب كيف كملات كلامها توجهات لدارها
ضلمة الليل اكتاسحاات السمااء و بداا كيتسمع غاا صووت الكلاب لي كاان بعييد و صووت الريح لي كيحرك الأشجاار مرة مرة
جلساات اريج فبيتها حتى عياات و هي محصرة على كيف كاانت و كيف ولات ، كون كاانت فمدينتها كون راها دبا فشي ريسطوو واااعر و لا خارجة مع صحاباتها لشي ديسكو يبدلو الجو .... بقات كضاارب مع الريزو و الكونيكسيون لي مطلعاتش ليها
فالأخير رمات تليفون و خرجات لقاات حسنة و احمد جالسين فوق الكراسة ، حسنة كتدخل لحم مقطع فالقطبان و تعطي ل أحمد يشوي و مجمعيين
غير شافوها بتااسم ليها احمد
احمد : قربي قربي
كانت مترددة فلخر مشاات لقدام المجمر حتى بداات كتكحب بالدخان
احمد : ههههه اجي من هنا ا بنتي
مشات كيف قال ليها و كلسات فوق كرسي وكتشوفو كيف كيدور فلحم و يشويه
احمد : الشوي كيبغي الخاطر ... و نااارو متكوون مجهدة متكون طافية [ هز قطيب لي كان طاايب و مدو ليها ] قولي بسم الله
هزاات قطعة وحدة من القطيب بجوج صبعان و رماتها ففمها حتى تحرقات بسخونية و بداا احمد و بنتو كيضحكو
احمد ,حسنة : هههههههه
ضحكات حتى هي بلا شعوور و بداات كتمضغ فداك لحم
اريج : ههههه زويين
كلاات دااك القطيب بلاا خبز معرفااتش كيف داارت لييه و هي لي مولفة الماكلة د البريستييج و الى مكانش داكشي شيك و ديال الفورشيط متحطش فيه يديها
هنا مسولاااتش كااع فهاادشي و بقاات حاضيااهم و هوما مجمعين و كيتعااودو
حسنة هنا بتاسمات ليها : اجي عمري معاايا هادو ؟؟
اريج : مكنعرفش
حسنة : غير أجي أجي
بداات كتعلمها شنو دير و بشوية بشوية كاانت كتنساااجم فالأجواء دياالهم
حتى سااالاو و حطو الطبلة و الخبز ، الشواا و شلاضة المغربية المعروفة د مطيشة و عااد الحاار مشوي و مطيشة و البصلة كذلك
كلااات معااهم محساااتش برااسها تا كانت مستمتعة و نطقات
اريج : شحال هادي مكليت هاكا ماكلة مغربية من فاش كنت صغيرة
احمد : هههه تمشي فيين ما مشيتي و تااكلي لي بغييتي و الأكل المغربي كيبقى مكااينش بحالو
اريج : حݣاا فين ولدك ؟؟
حسنة : غير متقوليش ليا مزال معرفتيش سميتو ؟؟
اريج : لا مسولتوش
حسنة : ههههه غدا و سوليه رااسك راه ناعس من قبيلة
بعد العشاااء تخشااو بجوج فبلايصهم و بقاات اريج كتفكر فأحداث ليوم تفكراات الأحداث د العشية و نطقات
اريج : شهر .. نقدر نسلك راسي فيه هناا
بغاات دور لجهة الأخرى و ضبرها السداري حتى حطات يديها على كتفها
اريج : آاااي ... يااا ربي الصبر .. بغييت دااارنا مغنصبرش
.......# يتبع
اراائكم و توقعااتكم فنظركم اريج غتقدر تصبر ؟؟
أنت تقرأ
سيد الريف🌾مكتملة🌾
Humor● سـٕيد الريــــف 《《 للكاتبات: عميق السلاك و فرح حدادي》》 مرحبااا بكم في احدات كوميدية و رومنسية و اكشن والمزيد المزييييد في كثييير من المغامرات والطرائف الممتعة و الشيقة " من القمة الى اسفل المنحدر بدون ركائز ولا لبسة واقية من الضرر فهل...
