● سـٕيد الريــــف
《《 للكاتبات: عميق السلاك و فرح حدادي》》
مرحبااا بكم في احدات كوميدية و رومنسية و اكشن والمزيد المزييييد في كثييير من المغامرات والطرائف الممتعة و الشيقة
" من القمة الى اسفل المنحدر بدون ركائز ولا لبسة واقية من الضرر فهل...
قاسم : مغنمنعك من حتى حاجة فهاادشي كنت خديت قرار شحال هادي فاش غنبغي نتزوج غنسكن فالمدينة باش بهاكا ولادي فاش يكبرو يلقاو كولشي قريب لييهم و عندي فيلا يااد هناا و مطاعم كنقابلهم ، الاراضي لي عندي فالريف نقدر نبقى مرة مرة نطل عليهم حيث عندي لي يقابلهم و تقة
اريج : حيرتيني و الله
قاسم : كتبغيني و كنبغيه علاش غتحيري
غير سمعات كلامو غوبشاات و ضرباتو لكتفو
اريج : فاش عارف هادشي علاش خليتيني تال دبا
قاسم : هههه كنت متأكد من راسي و لكن ممتأكدش منك نتي ، خلينا من هادشي دبا اينتا نتزوجو
قاسم : ههههه انا راه مكرهتش نعس و نفيق نلقى راسي مزوج بيك ___________
بعد مرور 6 سنوات :
و فالريف كاانت اريج جاات دوز عطلتها الصيفية هي و زوجها و اولادها التوأم المختلف لي فسن 5 سنوات و لي ولداتهم دقة وحدة بنت وولد ، كانو كيشبهو لباباهم بزااف بحكم كانت كتوحم عليه
متكية فوق نموسيتها و دايرة بيها أسيل من الجهة اليسار و خوها خالد من الجهة اليمين و كتعاود ليها حكايتها
اريج : و بهااكاا الريف ربااا بنت الفشووش و وراها لي مكانتش كتشوف ، و سيد الريف ملك قلبها و خلاها ليه تكوون ... و عااشو فسلم و سلام
نقزات أسيل كتسولها : مامااا و شنو وقع لحسنة و ولدها ؟؟ واش داهم نيت راجلها ؟؟
اريج : و دا معااه حتى نسيبو احمد مبغاش يخليه بوحدو
كاان متكي على الباب و كيسمع لييهم :
قاسم : كيبان ليا انا لي ماشي مشكل عندكم تخليوني بوحدي !!
بدااو كيضحكو و هنا هو مشا لعندهم و هز اريج بين يديه الحاجة لي خلات دراري كيضحكو و هي كتركل ليه يحطها حيث حشمات من ولادها
اريج : ههههه حطني حطني
خالد & اسيل : هههههههه
قاسم : هههه يالاه طفيو ضوء و شدو بلايصكم ماماكم كلاها الغول
خالد و اسيل دقة وحدة : ههههه لا كلاها سيد الريف
غوبش فيهم و دار عندهم بغضب مصطنع
قاسم : يااء شكون قالها ليكم ؟؟!!!
تخشاااو فمانطهم كيضحكو و هو سد الباب ديالهم برجليه و مشا لبيتو رماها فوق نموسية
