سيد الريف 🌾🍁
عميق السلاك
الجزء: 14
هنا سكتات تفطر بعدا و يحن الله غير سالاو توجهو للكوري لقااات ولد حسنة الصغير لي عمرو يكون ف التسع سنوات كيخرج فالبهاايم
غا وصلات حطاات جوج صبعان على نيفها
اريج : اووووف اوووف اشهاااااد ريحة ؟؟؟
حسنة : جاايبة فشوشك معاك ا بنتي دووزي تشطبي معاايا
مداات لييها حسنة الشطابة و اريج رماتها دغيا من يديها
اريج : انا لارض نشطبها هااادشي لا مستحييل وييلي كنعييف شوفي كاكا ديالهم
حسنة و هي كتقلدها و تعوج فيها : وييلي كنعيييف
بداااا ولدها كيضحك لي كان حاضيهم و هنا عاودات هزات ديك الشطابة و عطاتها ليها
حسنة : تعلمي متعيفيش ، شدي شدي بركة من الفشوش راك ماشي غتهزيه بيديك بدااي من ديك جهة
شدااتهاا و هنا حسنة بداات كتشطب فجهة اخرى اما اريج ياالاه حركاات واحد البلاصة زاادت تجهدات الريحة و هي ترمي بشطاابة و جراات كترد لي فكرشها كتقيا و تجي على راسها
اريج : اييييع مستحييل ندير هاااادشي ايييع
مشاا ولد حسنة جااب لييها الماء تغسل و بداات كتستاراح
اريج : ريحة خايبة بزاااف منقدرش على هادشي
حسنة : وااخا متديريش ليوم و لكن من بعد منضمنش ليك قالو ليا نعلمك كولشي
اريج : وااخ وااخ نمشي لبيتي نرتاح
حسنة : لاا سيري مع ولدي تسرحو البهايم فالجنان و منها تشوفي دنياا
نطقات من تحت سناانها : اشمن دنيا غنشوف غا الخلا و القيفار
حسنة : قلتي شي حاجة ؟؟
اريج : لا وااالو غنمشي غنمشيي
حسنة و هي كتهضر مع ولدها : رد ليها البال
حرك رااسو بالإيجاب و اريج ضحكات باستهزاء شكون لي غيرد ليها لبال هاد صغيور
تحرك قدامها و هي موراه اما لبهاايم فكانو سابقينهم بجوج حتى بدااا دري كيجري بااش ميمشيوش لجنانات لووخرين
بلاصاهم فجنانهم و جلس فواحد البلاصة و جلسات حدااه أريج و هنا تدكرات واحد الحاجة
اريج : شنوو سميتك نسيت مسولتكش ؟؟
الدري : مقالتهاش ليك ماما ؟؟
اريج : قالت ليا نسولك بوحدي
الدري : انا وسيم مشرفين اريج
اريج : ههههه شكون قالها ليك ؟؟
وسيم : هههه سولت عليك
اريج : هههه فراسك عزاز عليا الدراري صغاار ؟؟
وسيم: و لكن انا كبير
اريج : ههههه حتى انا كبيرة
وسيم : كتعرفي تلعبي تيبيقااس ؟؟
اريج : شنوو هاادي !!
وسيم : 5 د الحجرات صغارات بلاتي نوريك
جبد خمسة د الحجرات من جيبو و بدا كيوريها
وسيم : كنشدو حجرة و كنبقاو نهزو لوخرين هاكا
اريج : واااو زوينة ههههههه
وسيم : ههههه بلاتي نوريك لوخرين
محسووش برااسهم حتى كااانو منغااامسيين فاللعب و اريج كتحااول تعلم اللعبة باااش تحداه فيهاا مدوزيين وقت زوين داااز سااعة و هوماا هكاك ناسيين كااع الغرااض علاااش جااو حتى دوروو عينيهم
وسيم : فين مشااو لبهاايم
اريج : ويلي كانو غير هنااا
ضربها بجرية كيقلب عليهم و حتى هي كتقلب معاه
وسيم : قلبي نتي من ديك جيه
........# يتبع
أنت تقرأ
سيد الريف🌾مكتملة🌾
Humor● سـٕيد الريــــف 《《 للكاتبات: عميق السلاك و فرح حدادي》》 مرحبااا بكم في احدات كوميدية و رومنسية و اكشن والمزيد المزييييد في كثييير من المغامرات والطرائف الممتعة و الشيقة " من القمة الى اسفل المنحدر بدون ركائز ولا لبسة واقية من الضرر فهل...
