سيد الريف🌾مكتملة🌾

🌾الجزء 10🌾

سيد الريـــف 🌾🍁
عميق السلاك
الجزء 10 🌙
ــــــــــــــــــــــــــــــــــــــــ

خرجات وخلات اريج داخلة سوق راسها وتتراجع فنفسها وتتحاول تخرج بشي نتيجة من هاد الافكار وتقنع راسها تنساجم مع هاد الجو

قاسم كان متكي ودازت بيه عينو نعس شوية تا فاق على التقرقيب ديال لخدامة طالعة تنشر الحوايج لي صبنت حل عينو فنجوم السما وناض تقاد فالكلسة

الخدامة عاد شافتو وهي تقفز : سمع ليا اسي قاسم ميحسابش ليا نتا باقي هنا

قاسم تيحك فعينو : معليش ، لعشا موجود. ؟

لخدامة : اه اسيدي واجد نسالي نشير ونهبط نقاد الطبلة
قاسم ناض وقف غادي هابط وهو يشوف السندالة لي جاب مغسولة مع صباطو ومحطوطة تتنشف بقا تيشوف فيها هديك الصندالة لوحيها (شوية وهو يدور) : لا لا خليها

الخدامة غا واقفة مصمرة معرفت مدير وهي تتقول ليه غا واخا اسيدي

قاسم نازل دروج وتيفكر شكون هادي لي جات لدوار جاه لفضول

••••••
اريج حاطة ايدها على واحد لوسادة مطروزة باليد وغير تتبع بصباعها على لخيط وتتامل فالرشمة شوية وهي تحطها وناضت وقفات وبدات تتعيط على حسنة من ديك لبلاصة لي شيرت ليها : حسنة حسنة

حسنة جاوباتها : هانا جايا

سيفطات لما سخون لباها مع ولدها وجات لعندها لقاتها واقفة
اريج شافت فيها وقفات وهي تمشي لعندها: فين هي الطواليط
حسنة بدات تتشوف فيها شحال

اريج تتشوف فيها بمعنى مالك

حسنة : اه بغيتي تخرجي على برا اجي معايا

اريج مفهماتش قاضية برا ولكن راه دابا هي فوضعية متسمحش ليها تحاول تفهم لمهم قالت ليها طواليط وهي فهماتها و غديها لطواليط

خرجو من لبيت دازت حسنة هزات سطلة تاع لما وزادت قدامها واريج تابعاها تا خرجو من الباب وغادين لورا الدار تما كاين شي حجر وشجيرات صغيورين مدرقين ديك لبلاصة وشيرات ليها
حسنة مدات ليها السطلة تاع لما : دوزي تما

اريج هنا بدات تدور فراسها وتتشوف فين تتقول ليها هادي تدوز : فين الطواليط؟
حسنة تتشير ليها لورا دوك الشجيرات : تما .

شوية بدا خارج حمد من تم مگفض على جلابيتو كان تاهو تيتوضا تما داز من جهة لاخرا ومشا يكمل وضوه فقنت اخر

اريج بصدمة: وايت وااات كفااش؟
...