● سـٕيد الريــــف
《《 للكاتبات: عميق السلاك و فرح حدادي》》
مرحبااا بكم في احدات كوميدية و رومنسية و اكشن والمزيد المزييييد في كثييير من المغامرات والطرائف الممتعة و الشيقة
" من القمة الى اسفل المنحدر بدون ركائز ولا لبسة واقية من الضرر فهل...
سيد الريـــف 🌾🍁 عميق السلاك الجزء 8🌙 ــــــــــــــــــــــــــــــــــــــــ
مشات دير اش قال ليها وهو بقا تيشوف فتلفازة تتنشند خاسرة شوية وهو يلبس صندالتو تاع ميكة وطلع لنصرية فين دير لبارابول
جا عباس تلاقا مع لخدامة هازا لقهوة
الخدامة مدات ليه الصينية: شد شد عباس تكلم لسي قاسم راه فنصرية
عباس شد من عندها القهوة تيسول فيها بملامح وجهو : فرحان ولا غضبان؟
الخدامة: بين وبين
عباس تقاد فالمشية وغادي طالع: وديري شي طويجين لعشا بالغنمي
قاسم مشمر على دراعو وتيزير فالسلوكة تاع لبارابول تا جاي طالع عباس حط لقهوة وهو يجي تيجري لعندو
عباس: غا خليه انا غنقادو اسي قاسم قاسم هز فيه راسو ورجع لور: قاديتيه تا سمانة هادي وهو خاسر بقا غا ضرك
عباس شد من عندو السوارت ومشا تيكمل التزيار: وراه مع شغل مساليتش ولخدمة قصاحت مع الشتا
قاسم مشا كلس فالكرسي وهز لقهوة تيشرب فيها والمنظر قدامو غا الشجر والطبيعة بلون بنفسجي ديال الغروب : متقلناش من لخدمة اعباس متقلناش
عباس كمل وجا كلس حداه جابد لاجوندة : بغيتيني على شي حاجة اسي قاسم
قاسم حط لكاس من ايدو: واه ، لغنم لي غنبيعوها فالعيد عزلها ودفع ليها العلف وداك لعجل لي جاب الزيتوني دبحو لناس لقبيلة ووقفو الوتاق ينشطو الناس شوية .... ودي معاك شي براكة لجامع من فلوس الغلة اللولة لي تباعت من الجنان عباسمزال باغي يزيد يقيد : و ...
قاسم : ونوض شوف شغلك
عباس خطط على لورقة باش ميتلفش وناض وقف : هي لولة قاسم تفكر شي حاجة وهو يدور : بلاتي عباس واش جا شي حد لدوار
عباس : شكون ؟
قاسم: ونسولوك تا دخل الغريب لدوار ومجيب خبار عباس بدا تيتفكر: الا كان شي حد جا ميكون غا عند خيمة الحاج حمد ليوم داز عندي لسويقة دا تقدية الشهر و مقدي الشوا والفاكية تندور ونجيب ليك التنقنيقة صحيحة نعاماس ....قاسم🖤 سيد الريف 🍁
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
