سيد الريف 🌾🍁
عميق السلاك
الجزء: 26
كيدووز الوقت بالزربة ، يوم بعد يووم كاانت كتكتااشف بلي الحيااة ماشي بديك الوردية لي كاانت عاايشة فيها ... و بلي الحياة مساهلاش كيفماا كان كيحسااب لييهااا ... تعلماات تعتامد على رااسها و تعول عليه و بلي تاا حاجة مكدووم .....و بلي كيف كااين زوين كااين الخايب ... و مااشي اي حاجة بغيناها كنوصلو ليها ...
جمااعتهااا مع العيالات د دوار خلااتها تسمع شلا قصص جبدو ليها ودنييها و وراوهاا شحال من حاجة كاانت غافلة علييهاا ... كيفماا فالداار مع حسنة تعلماات حوايج مكاانش كظن واش غيجي نهار و ديرهم ...
صبنات حوايجها راسها و عجناات و كرصات و طيبات .... عااامت فالسلة و سرحات البهاايم ... شطبات الكوري و مبقااتش معياافة اكثر من القيااس ، انما ولاو حوايج كتقدر تقبلهم و ولات متصالحة مع ذاتها أكثر
طبعاا هادشي مكانتش كديرو بشكل يومي و لكن على الأقل تعلماات فييه
كااانت جاالسة تحت الشجرة د زيتون فالضليلة بعد يوم طويل ديال الخدمة لي ولات كتولف عليها ، و هازة تليفونها كتفرج فالفيديوهات و كضحك .. كانت ديك البلاصة لي كتاشفات كتشد ليها الريزو مزيان الحاجة لي خلاتها فينما كتقنط ولا يكون عندها الوقت تمشي ليها و تفرج
وصلااتهاا مكاالمة من عند الشيفور د باها غاا شاافتهاا جاوبات
اريج : الو حميد ... كي بقا جدي ؟؟ ... ولا مزيان .... بغا يهضر معاايا ... ايوا دوزو ليا تنا توحشتو
اريج : اهلا جدي لباس عليك ؟؟
الحاج و هو كيضحك بااين عاجبو الحال : مبقييتش غا الحاج صافي !؟
اريج هنا ضحكات : ههههه جدي دبا حيث توحشتك
الحاج : ههههه كون شفتي ياانا ، قال ليا احمد وليتي مرة تباارك الله
اريج : ههههه لااا بنت مرأة كنقولوها للكبيرة و انا باقا صغيرة
الحاج : ههههه واخا هكاك هضرتك متبدلاتش بزااف ، بغييت غاا نعلمك غدا انشاء الله غيجي حميد يديك راك كملتي الشهر و نجحتي فالتحدي دبا نقدر نعول عليك
هنااا ابتسامتها بداات كتمحى شوية بشوية و سكتاات لمدة ... محسااتش بالوقت ، كيفااش طاار الشهر بهاد السرعة ؟ و كيفاش غتمشي غداا !! مستوعباتهاش دغيا او مبغاتش تستوعبها
الحاج : ماالك سكتي ا بنتي ؟؟
اريج : جدي واخا منجي حتى لبعد غدا خاصني نتوادع مع ناس لي كنعرف هنا بعدا مجاتش دغيا نمشي على غفلة مغيكفانيش الوقت
الحاج : صافي واخا لي باان ليك
اريج : بسلامة ا جدي
قطعات معااه و دغياا تقلب ليهاا الجو وااش صاافي غتخلي هااد لبلاصة ؟؟ وااش صافي مغتبقااش تشوف قاسم مزاال ؟؟
كلها اسئلة و اسئلة أخرى كاانت كتطرحهاا على رااسها باستمرار و هي ممتقبلاش الفكرة و يااك كاانت باغا غير دوز التحدي و ترجع لدارهم علااش هاد التعلق كاامل
________
وصلات عند حسنة هي الأخرى تخبرها بآخر الأخباار و هناا الكل حس بفرااغ كبيير ..
مجموعين على مائدة العشااء و مكياكلو غير بزز حتى نطق سي احمد
سي احمد : حتى ولفناك ا بنتي و بغيتي تخليناا
حسنة : غتخوي علينا الدار
وسيم : اه ولفنااك بزاااف دبا انا شكون غيبقا يلعب معايا تبيقاس و يخرج معايا تمارين ؟؟ كلسي متمشيش
مقدراتش متأثرش بهضرتهم كون يرجعو بيها لور و يقولو ليها غتكوني علاقة قوية مع نااس بعاد عليك مكاانتش غادي تيق الحاجة لي خلات عينيها يلمعو
اريج : شكراا ليكم بزااف و الله عاملتوني بحال وحدة منكم كنمرض كنلقاكم معايا كنفرح كنلقاكم معايا ... كنتو حاجة زوينة فحيااتي و هااد الشهر عمرني ولا غادي نساااه و نهار غنتزوج و ندير ولادي غنعااود لييهم عليكم و على هاادشي لي عشتو معااكم بغييتكم تعرفوو بلي رااكم عزااز عليا بزاااف
......# يتبع ❤️
ارااائكم ارااائكم
أنت تقرأ
سيد الريف🌾مكتملة🌾
Humor● سـٕيد الريــــف 《《 للكاتبات: عميق السلاك و فرح حدادي》》 مرحبااا بكم في احدات كوميدية و رومنسية و اكشن والمزيد المزييييد في كثييير من المغامرات والطرائف الممتعة و الشيقة " من القمة الى اسفل المنحدر بدون ركائز ولا لبسة واقية من الضرر فهل...
