سيد الريف 🌾🍁
عميق السلاك
الجزء: 33
يوم جديد :
بعد يوم متعب بالنسبة ليهااا جاايا من الخدمة و كتحس بصحتها مسخسخة مكرهاتش غير شي دووش و تنعس
ياالاه دخلات لدار بانو ليها جوج طنوبيلات مبلاصيين قدام الفيلا استغربات و بالخصوص وحدة جااتها بحال ديال قاسم و ليني نفات هادشي من دماغها حيث اشبغا يجيب قاسم تال عندها لدار
دخلات و كتسمع صوت الضحكات فالأرجاء و هنا تقدمات للداخل لي غير شاافتهم وسااعو عينيها و جاا
وسيم كيجري عندها عنقها
سلمات عليهم كاملين كان معاهم ضيف معرفاتوش
حسنة : هدا راجلي لي عاودت ليك عليه
اريج : ههه اه مشرفين
جاتها صدمة مبقات عرفات متقول بقات غير كتشوف فقاسم لي مد ليها يديه باش تسلم عليه و هي مبلوكية فيه حتى حنحن عاد مدات يديها سلمات عليه و هنا ضحك الحاج لي كيحاول يلطف الجو رد لبال لداك التجادب لي بيناتهم
الحاج : ههههه بنتي مأثرة عليها الصدمة مديوش عليها
اريج هنا بدات كتبتااسم : فرحت منين جيتو مديوش عليا غير الصدمة
بداو كيضحكو عليها و دوا قاسم بجدية
قاسم : سي احمد كنظن جا الوقت باش نهضرو على الموضوع علاش جينا
احمد : ايوا كيف كتعرف الحاج و كيف قلت ليك قبيلة فتليفون حنا جينا قصدناكم و المقصود الله السي قاسم رااك عارف اصلو و مغنشكروش ليك حيث تا نتا ولد البلاد و راه ناويين الحلال و باقين يد بنتك الى قبلتي عليها
اريج هنا ولات حمرا بحال مطيشة و جدها عطا جوابو
الحاج : ا سياادي انا الى بغاات مغنزيدكم غير الخير و الإحساان الله يكمل بالخير
قاسم : واخا نهضر شوية مع اريج الى سمحتو
الحاج : اهاه مرحبا اولدي نوضي ا بنتي
نغزاتها حسنة لي كانت حداها عااد نااضت مشاات معاه لبيت آخر يهضرو و هنا نطقات و هي كتفتح عينيها و تسدهم
اريج : مقادرااش نتيق هادشي واش كنحلم ولا بصح
قاسم شد ليها فيديها : بصح مكتحلميش ، سمحي ليا تعطلت عليك
اريج : زواج مكنتش ضاربة ليه الحساب و انا وليت خدامة دبا فالشركة و خاصني نقابل مشاريع جدي
......# يتبع ❤️
أنت تقرأ
سيد الريف🌾مكتملة🌾
Humor● سـٕيد الريــــف 《《 للكاتبات: عميق السلاك و فرح حدادي》》 مرحبااا بكم في احدات كوميدية و رومنسية و اكشن والمزيد المزييييد في كثييير من المغامرات والطرائف الممتعة و الشيقة " من القمة الى اسفل المنحدر بدون ركائز ولا لبسة واقية من الضرر فهل...
