سيد الريف🌾مكتملة🌾

🌾الجزء 20🌾

سيد الريف 🌾🍁
عميق السلاك
الجزء: 20

اريج هنا دلات شفايفها بحالا كسر ليها فرحتها يالاه بغات ترجع تليفونها لجيبها حتى خطفو ليها من يديها
الحاجة لي خلات ابتسامتها ترجع و مشاات تصور

قتلاتو بالبوزاات كل مرة كتصور بووز فشكل مردش البال اينتا قاس الكاميرا بيديه و تحولات لكاميرا لسيلفي تا صدق مصور رااسو و هو مبتاسم و كيشوف فيها ...دغيا دارك الوضع فااش شاف فالهاتف و دخل مسح تصويرتو و مد ليها تليفونها

كاانت مزال باغا تصور و لكن غرورها و عزة نفسها منعاتها تطلب منو هاادشي ،

كملو طريقهم و وراها الفيرمة د الابقار و الغنم و دجااج .....كااانت فيرمة كبييرة بزااااف كل بلاصة فيهاا حاجة ، فيين تباان الفيرمة الصغيرة د سي احمد و عاااد لاحظات بلي كولشي منظم هنا فوق القياس و مجهز بأحدث التقنيات باان ليهاا واحد الجهاز معرفاتوش و هي تسولو

اريج : شنو هداا ؟؟

قاسم : الترمومتر كنقيصو بيه الحرارة

اريج : و لكن علاش داايرو هناا ؟

قاسم : التغير ديال الحرارة كيأثر على المحاصيل داكشي باش كنخدمو بيه باااش نحسنو فالمنتوج حيث كل نبتة كتحتاج لحرارة معينة بااش تعطي انتاج احسن

اريج : هااااكاااك ، فهمت فهمت تا لين قاري شفتك مستخدم تقنيات هنا بزااف ؟؟

قااسم طلع فيها هنا حاجبو بحالا كيقول ليها من نيتك كتسولي سؤال شخصي و حتى هي دغيا فهمات راسها و لكن مرضاتش تسناه تا يقمعها اللهم تنقد راسها

اريج : صافي متجاوبنيش

قاسم : عندي إجازة فالجغرافيا

اريج : اوووه قاري زييغ منويتهاش فيك

قاسم : علااش حيث ولد الريف ممنحقيش نقرا ولا شنو !!

اريج : لا لا ماشي هكاك لي قصدت

قاسم شاف فساعة هاتفو : مشااا لحااال يالله تابعاك الخدمة

اريج بااان ليها صور محاوط وااحد المنزل كبير و هنا شيرات ليه بصبعها لتما

اريج : و لكن مزال مشفنا ديك لبلاصة ؟

قاسم : قلت بلي غنوريك البلاصة فااش غتخدمي ماشي غنوريك دااري

اريج هنا محساااتش براااسهااا من قبيلة و هو كيقمع فيهاا هااكا و هي ساااكتة لييه و كدير راااسها بحاالا مسمعااتش محساااتش براااسها حتى عينيها تحجرو بالدمووع دييجاا هي حساسة هااد ليامات و هو كمل عليها

اريج : بالمنااسبة مااشي انا لي قلت ليك وريني كااع هادشي نتا لي بغيتي

بدااو عينيها كينزلوو منهم الدمووع و حيداات شال من على وجهها كتمسح عينيها

قاسم صدماتو متوقعهاااش تبكي هااكا و عاد كيجيه رااسو مداار ليهاا والو و موصلهااش دغيااا سخوونية باانت فحنااكها وولاو حمرين

قاسم : علاش كتبكي دبا حيث مبغيتش نوريك داري ؟!

اريج و هي مسااكتاش من البكااا : نتا من نهااار شفتييني و نتا هااكا ،فخباارك نتا قااصح بزاااف لي قلتها ليك كتجاوبني ماشي تال تماا ، رااه ماشي انا لي ختاريت نجي لهناا و اصلا هااادي مااشي هي حيااتي لي مولفة كنعييش ،
انا مولفة بليريسطوو و منفييقش بكري هااكا و عااد شوووف هاااد الحواايج لي لاابسة شفتييهم [كتشير ليه لحوايجها ] ...جيت فيهم كي شي طلابة ..." كتبكي و تهضر " و شووف هااد زييف [ نتراتو من راسها تا بان شعرهاا ] انا ممولفااش ندييرو ... و رجلي مكنبغيش نلبس التقاشر و ليني منين جييت لهنااا كنغسلهم و دغيا كنلقااهم توسخو بتراب من لتحت كنقول اللهم نلبس تقاااشر
و عاااد تليفووني مكتبغييش تشد ليا كونيكسيون كااع ... هئ هئ كنبغي نطل غير على انسطا ديالي مكنلقاش كيفاش و تاا حد مسول فيا و ليوم تالث باش جيت
كون مكااانش جدي مرييض مكنتش كاااع غنفكر نجي لهناا ... بغيت فلوسي و الكارط بونكير ديالي بغييت حيااتي ... و سداري لي هنا فااش كنعس فوقو كيضبرني هئ هئ علاااش حتى نتا كتزييد تهضر معايا هاكا و كتجرحني و تعمد تنقص مني بحالا ممسوق ليا .. اه حيث نتا قااصح قااصح

.........# يتبع ❤️

فتياااتي اراائكم و توقعاااتكم