● سـٕيد الريــــف
《《 للكاتبات: عميق السلاك و فرح حدادي》》
مرحبااا بكم في احدات كوميدية و رومنسية و اكشن والمزيد المزييييد في كثييير من المغامرات والطرائف الممتعة و الشيقة
" من القمة الى اسفل المنحدر بدون ركائز ولا لبسة واقية من الضرر فهل...
حمد وقف لحمارة وجا تالعندها شدها من ايديها : هزي رجلك ابنتي وزيدي ركبي فوق لحمار تالدار وغسلي
اريج صافي شداتها السخفة عاونها تا طلعات فوق الحمار وهي بقوة الصدمة محاساش تا باش واقع ياله مزال تتستوعب هاد لعجب لي فرجلها
ضرب لحمار وزادو
جاي فالطريق تيمختر بعرض كتافو ولعود ففمو تيشوف يمين وشمال تيبان ليه واحد الراجل تيسقي فبلادو وهي وقف وهز ايدو تيشير ليه تا جاي تيجري
الراجل وقف حداه وشاد المادير : سي قاسم بغيتي شي حاجة قاسم مسرح عينو على حد الارض وهو ينيش بايدو : تلق لما فالبحيرة تاتشبع وداكشي لي شاط دوزو لبلاد حمد الراجل: ولكن راه ممخلصش اسي قاسم
قاسم طلع فيه عينو: لما غتخلصو نتا الراجل : لا نعاماس
قاسم: اوا تلق الراجل : واخا نعاماس
قاسم دار خلاه غادي يكمل السقي وكمل تاهو فالطريق غادي وتيشوف الا بان ليه شي عود فطريق ولا حجرة تيبعدهم تا وصل لصندالة اريج ملوحة فطريق وهو يهزها من سميطات تيشوف فيها باستغراب شكون فدوار لي غيلبس هاد لعجب مشا فحالو ودا معاه السندالة
مسافة ديال الطريق ووصل لدارو حل ليه الخدام الباب ودخل الصور كولو فيه جميع انواع الالات الفلاحية كلشي عندو حل لباب ومشا لمراح حط صباطو لي عامر غيس وديك الصندالة وحيد الجاكيط خلا كلشي بحوايج لمسخين تنا ودخل لصالة جات لخدامة تتجري لعندو: علا سلامتك اسيدي
قاسم هز تيليكموند يخدم تلفازة وتيدوس معاها: مكينش عباس الخدامة : باقي مجا من لكوري
قاسم : صاوبي ليا القهوة وديها لنصرية و ملي يجي عباس كلميه ليا
الخدامة: واخاا اسيدي ....الصندالة 💃💃
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
