سيد الريف🌾مكتملة🌾

🌾الجزء 3🌾

سيد الريـــف 🌾🍁
عميق السلاك
الجزء 3🌙
ــــــــــــــــــــــــــــــــــــــــ

وجدات الطبلة وهبطات الاميرة تغدا مع جدها وتتوجد ليه كلماتها باش يرجع ليها ليكارط حتا تهز السيرفيت مسح بيها جنب فمو وشاف فيها

الحاج : بنتي عندي ليك شي كلام

حطات لموس والفرشيط بشوية وهزات فيه عينها

الحاج : حبست عليك ليوم لفلوس ولكن غنرجعهم ليك

اريج ناضت من بلاصتها ومشات لعندو باست ليه راسو والضحكة مجبدة على وجهها : وو احسن جدو فالعاالم

الحاج شد ليها ايدها: ولكن بلاتي ابنتي خليني نكمل

اريج كلسات فالكرسي لي حداه: اشنو كاين اجدي

الحاج: قبل منعيط ليك تهبطي لمغرب انا قررت واحد لقرار الحمد لله عشنا وشفنا ما كتب لينا الله ، وانا ليوم هنا وغدا فدار لحق ابنتي

اريج تتشوف فيه وقلبها تهز من بلاصتو مبغاتوش يهضر بحال هاكا: جدي !

الحاج قاطعها: خليني نكمل ابنتي ، نتي تبارك الله كبرتي والا قدر الله ودا مول الأمانة امانتو نبغي نخلي ورايا خيمة واقفة ريح لي جا ميدي منها لا حق ولا باطل بغيتك توقفي على رجليك ومتعولي على تاشي حد هداكشي علاش قررت قراري والوصية تكتبات مغتبدلش بغيتي يرجعو لك لفلوس تصرفي فيهم كي بغيتي خاصك تعرفيهم منين جاو ريال بريال وتعلمي تعيشي بين الناس وبلي كلشي بحال بحال

اريج ناضت وقفت: جدي اشنو تتقول ؟!

الحاج : هادشي لي سمعتي ابنتي هو لي كين انا ماشي غندوم ليك

اريج عطاتو بالضهر: هاد لهضرة متقولهاش ومنوصلوش لهادشي كولو اما غنمشي لعند ماما

الحاج ناض وقف : ماماك هديك هي لي غتخرج عليك ماماك عارفة مصلاحتك قدي ؟

جمعات ايديها: هي بعدا معمرها غدير ليا بحال هاكا متخيلش قمة الاحراج لي حسيت بيه فاش تحبسو لي ليكارط وليت بحال شي فقيرة ودابا تتقول ليا مصلاحتي كون كنتي باغي مصلاحتي مكانش عليك تجري على بابا شحال هادا ولا دابا بغيتي دير ليا بحالو جات نوبتي تا انا من هاد السيناريو القديم انا غنمشي عند ماما هي لي عارفة مصلاحتي

لاحت ليه كلامها وزادت طالعة فالدروج

الحاج بدات ايدو تترجف وتلق لعكاز من ايدو وطاح لارض على طولتو

سمعات لخبطة وهي دور وغوتات هابطة تتجري: جديي جدي حااااميد فينك جدي...