سيد الريف🌾مكتملة🌾

🌾الجزء 5🌾

سيد الريـــف 🌾🍁
عميق السلاك
الجزء 5🌙
ــــــــــــــــــــــــــــــــــــــــ
خرج الطبيب وهي تمشي تالعندو لقاتو تيدوي وكريم شاد فراسو
اريج : دكتور اشنو كين كيف بقا جدي

الطبيب مشاو معاه لمكتب شرح ليهم الحالة ديال الحاج وبلي غيبقا فالكلينيك مدة بنما تحسنت الحالة ديالو وخرجو يشوفوه
واقفة قدام جاز الغرفة تتشوف فكريم داخل لعندو وهي معندهاش لوجه لي تقابلو فعلا هو لوحيد لي عارف مصلاحتها وديما فحنبها وممخليها محتاجة تا حاجة ودابا هو مدد قدامها مريض مقادر تا يتحرك بسبابها وبسباب عنادها وفشوشها الزايد طاحت دمعة من عينها مسحاتها بزرية فاش خرج كريم من عندو وهي تهضر

اريج: اشنو فالوصية

كريم هز فيها حواجبو : تتقصدي الشرط لي دار لحاج؟

اريج دارت لعندو: اه، انا غندير داكشي لي بغا جدي بالحرف

كريم : واخا سيري نتي دابا لدار انا غنمشي لمكتب نجيب لوراق لي مخلي عندي ونجي نشرح ليك

اريج بقات واقفة تتشوف فجدها دايرين بيه التيوات والسلوكا وهو مزال ناعس بقات شوية وهي تمشي وصلها حميد لفيلة لقات لخدامة واقفة فالباب مشطونة على لحاج مدواتش معاها خلاتها تتهضر مع حميد وطلعات لفوق بلا كلمة بلا جوج لدازت العشية كلها وهي تتفكر فهادشي لي وقع ليها بتتابع تا جا كريم ومعاه شي وراق هبطات لتحت كلسات معاه

كريم مد ليها الورقة : هادا هو شرط الحاج
اريج شدات لورقة تتقرا فيها وهي تهز فيه راسها: شهر ؟ وفين جات هاد لبلاصة

كريم : كفما شفتي شرط الحاج انه خاصك تكملي شهر فالعروبية خاصك تعيشي وسط الناس وتخدمي باش تجمعي لفلوس لي غتعيشي بيهم هاد المدة الا كنتي موافقة وقعي هنا

اريج بقات شحال تتشوف فالورقة شحال وهي تهز الستيلو ووقعات

كريم بتاسم: ادن دابا متفاهمين وجدي راسك غدا غادي نجي انا نوصلك

توادعات معاه ومشا هي طلعات جمعات حوايجها خدات شاور وطاحت نعسات لغد ليه فاقت وهبطات لقا كريم كاين تسناها تا فطرات وشدو الطريق

اريج متكية على زاج ساكتة وتتشوف فالطريق 6 سوايع تاع السياقة توفقو جوج مرات ودابا وصلو لاخر محطة
...