إلتزم زين بوعده وأخذ ماجد لبيت أسطى حسنين ووقف معه امام البيت وقال : لو سمعت صوتك هاخنقك بإيدى أو أسيب حسنين يقتلكم إنتو الإتنين. هاتتجوزها وتآخدها على بيتك..
يابابا إنت بتعمل ليه كده معايا؟
لسه بتسأل؟ عملتك الحقيرة هى اللى جابتنا لهنا.
بس ده ظلم.. إزاى تجوزنى لواحدة زى سمر و...
إنت اللى إخترت والزانى لاينكح إلا زانية
بهت وجه ماجد وتلعثم وهو يحاول أن يتكلم وقال زين بقوة: قدامى ....
كان حسانين موجود طبعا والمأذون أيضا واحضر إتنين من الشهود وأخبرت والدة سمر بعض الجيران ليكونو موجودين واخبرتهم بأن العريس مسافر وسيأخذ سمر معه لتبرر الزواج السريع وبالرغم من مقاومة ماجد إلا ان والده أجبره على كتب كتابه على سمر وبعد إنصراف الجميع وقفو قلي فى صمت وقال حسنين: شكرا ياحاج زين...
العفو يا أسطى حسنين انا عملت الواجب...
إتجه ماجد للباب فناداه زين وقال: رايح فين؟
ماشى مش خلاص كتبنا الكتاب .. وعملت اللى إنت عاوزينه سيبونى فى حالى بقى.
زين: خد مراتك على شقتك
بتقول إيه يابابا؟آخدها!!
بأقول اللى سمعته.. دلوقتى بقت مراتك ومسؤولة منك ...
أنا لايمكن اخليها تعيش فى الشقة اللى تعبت فيها بدر وفرشتها بنفسها..
نظرت له سمر بغيظ وقال زين: إنسى بدر خلاص... موضوعها إنتهى وإنت هابعت لك حاجتك على الشقة ومش عايز أشوف وشك تانى...
نظر ماجد بتأثر فتماسك زين وأكمل: اللى هايسأل هاقول إنك سافرت ,يا أسطى حسنين باعتذر لك تانى على اللى حصل للأسف معرفتش أربى...
ولا أنا ياحاج زين...
خرج زين من بيت حسنين الذى قال لسمر: ياللا روحى مع جوزك .
وهدومى وحاجتى.؟
هانجيبها لك بكرة ... ياللا...
نظر ماجد بقهر وخرج من الشقة وسمر تتبعه ونظر حسانين لزوجته بحزن وسالت دموعه وبكت معه.
وقفت بدر فى الشباك تنظر للشارع والناس التى تتحرك فى كل مكان , الحياة تستمر وستستمر مهما حدث ويجب عليها ان تنسى ذكرياتها مع ماجد وتنسى مارأت..
فتحت مكتبها واخرجت صورها مع ماجد والهديا التى أحضرها لها على مدى سنوات الحب والخطوبة وذهبت للمطبخ وأخرجت وعاء معدنى وضعت فيه كل شئ وسكبت بعض الجاز وأشعلت فيهم النار ودخلت منيرة: إيه ده يابنتى؟
أنت تقرأ
حكاية بدر
Romanceأصعب شئ أن تتعرض للخيانة من الشخص الذى تحبه ومن المقربين وقتها تفقد التوازن وتفقد أيضا الثقة بكل الناس والأكثر تفقد الثقة فى الحب فهل يمكن ان تستعيد بدر حياتها بعد تعرضها للخيانة .
