أســيرة 2014

الحلقة -𝟏-🔥

أسيرة2014

لاتنسون المتابعة والتصويت اول قصة اگتبها بقلمي
🤍🤍.

ــــــــــــــــــــــــــــــــــــــــــــــــــــــــــــــــــــــ
في محافظة موصل
"2014"

جنت بين النايمة والكاعدة اسمع صوت بس ماادري شنو هاي الصوت لحد ما صحصحت جان تجيني دفرة من ماما كعدت واني لازمة مكان الضربة
- ليش لازم تكعديني بدفرات يمه شبيج
-ماما لج كعدي كافيي راح يصير الضهر وانتي بعدج نايمة
- اهووو دعوفيني اليوم جمعة حتى يوم الجمعة محد ياخذ راحته عوفيني خل انام

رجعت غطيت نفسي وحسيت البطانية انشال عليه عرفتها ماما
- ماما كافي بنيتي شو كومي يلا يلا عدنا هواي شغل
- كمت واني تعبانه ومابيه حيل من وره الدوام والدروس

غسلت وجهي واباوع بلمرايه واشوف نفسي شكد ملامحي حلوة وبارزة جنت اختلف عن خواتي هواي ودائما يحسدوني لان اني احلى
وحدة بيهم ولان ابين اكبر من عمري يعني جسمي متروس لهذا جنت دائما اتعرض للتحرش والكلام وجنت اتجنب هذا الشي واطنش

فزيت من صفنتي ع صياح ماما ضحكت ونزلت جوه واشوف ماما بلمطبخ تشتغل رحت يمها كلت صباح الخير
- صباح النور حبوبه بعد وكت عيني جان مرة ثانيه تنامين
ضحكت وكلت يمه وينهم اخواني وخواتي
-خواتج بلغرفه واخوانج كلمن رايح للمكان

طبعاََ اعرفكم عن نفسي وعلى عائلتي المتواضعة
اني اسمي شمس عمري 16 رابع علمي وامي اسمها زينب وابوي احمد وعندي 2 خوات وعندي 8 اخوان ابوي مزوج اثنين زوجته الاولى متوفيه من عام 2000 اني البنيه الوسطانيه الهم اخواني بس واحد مزوج وعنده بيت وحده اما الباقي ما مزوجين
-ابوي رائد في الجيش العراقي
وحاليا هو خارج موصل يدوام في محافظة بغداد

نرجعع.....

ساعدت ماما خواتي اجن وحده عمرها 23 او وحده 19
نور: صباح الخير تنبل هستوج كعتي
شمس: وخري من وجهي مالي خلگج اليوم جمعة لازم ارتاح لو اكعد من وكت

ماحجت شي خزرتني وطلعت ساعدت ماما فرشت السفره وجبت الصحون وخليتهن وخواتي وياي يجيبون شوي واجو اخواني
وسلمو ع ماما وباسو راسها

علي: هاا لج شو مجنتي موجوده الصبح كالو نايمه
شمس: يي والله جنت نايمة تعبانه كلش من الدرس واليوم جمعة كلت ارتاحح بس نبع الحنان كعدتني بدفرات

-هههههه لا يمه جان عفتيها نايمه شبيج ويا شموس
كلنا ضحكنه وكعدو الكل ع السفرة ناكل ومحد يحجي لان نحن من نكعد ناكل منحجي تعلمنا هذا الشي من بابا

-ذكرت بابا بوسط الاكل من جان يكلي بنيتي تكبرين وتنجحين واشوفج احلى دكتورة
الدمع وصلت طرف عيني مسحتها ما ردت احد ينتبه بس ريان الي هو اصغر واحد من اخواني عمره 20 سنه انتبه الي اكثر واحد احبه مااحسه اخوي احسه هو سندي واخوي وابوي وامي بنفس الوقت

-ها بنيتي شبيج مريضة تعبانه من شي رفعو راسهم وباعوا عليه كلت ماكو شي يروحي تعب من الدراسه وضحكت بلكوه حتى ما ينتبه عليه
كملنا الاكل وخلصنا كلمن راح كعد بمكان واني وخواتي كمنه نشيل الصحون والسفرة امي ماقبلنا تسوي شي راحت تصلي صلاة الضهر
ونحن خلصنا

اختي غسلت المواعين لان كل يوم وحده تغسل واليوم دور نور

-رحت توضيت وصعدت فوك حتى اصلي صليت وخلصت وقريت قران حسيت براحه لايوصف احس فراشة وراح اطير كمت جبت الكتب وادرس حتى اخلص كل محاضراتي خلصت من بعد ثلاث ساعات رحت تمددت واحس جسمي متكسر وتعبانه غمضت عيوني بثكل وافتح وافكر شراح يصير بلمستقبل حسيت بفراغ كلش چبير بداخلي دموعي نزلت لا أرادي بوكتها حسيت بخنگه ما ادري ليش
باوعت للساعه وجان 3:30 الضهر حسيت مضل وقت للنوم بس جنت تعبانه ونمت ما حسيت الا ؏ أيد فوك شعري ينمسح بهدوء فتحت عيوني
شفت ريان
-يلا بنيتي كافي كومي مايصير تنامين هواي شبيج اذا مريضة احجي

-ليش ساعه شكد
-6ونص بنيتي
-شهگت وخليت ايدي ع حلكي
-شنوو كل هاي الوكت اني نايمة
-ههه يلا اني راح انزل واشوفج وراية مفهوم

راح وعافني كمت سبحت ولبست دشداشه لونها رمادي لبسته وخليت الشال ع راسي ورشيت عطر ونزلت جوة شفتهم يخلون السفرة
رحت يم ماما شافتني

-لج يمه شبيج بس تنامين شبيها وجهج صاير اصفر
مابيه يمه مابيه شي كعدنه ناكل وخلصنا ومثل كل يوم

لحد ما بابا اتصلل وجان الكل تنصدم.......

ريحانة حيدر😻🔥

ان شاء الله انزل البارت الثاني وتكون اطول من بارت الاول لاتنسون التصويت والتعليق احبكككككممم

🤍🤍😻.