اسيرة 2014
ــــــــــــــــــــــــــــــــــــــــــــــــــــــــــــــــــــــــ
مشيت لحد ما حسيت اكو احد ورايه اجيت افتر حتى اشوف انحط ايد عللى حلكي...
- شششش وين تردين تشردين ياحلوة....
حسيت گلبي وكف اريد اعرف منو بس مكدرت انحط شي على خشمي وحلكي حاولت بكل قوتي اوخره بس مكدرت لحد ما حسيت صار غشاء على عيوني وما ذكرت شي.
صياح. هوسه. بچي. صوت زلم. الي يكول ساعدني. الي ينضرب ويصيح. جوع. خوف. قلق. فزيت واني اذكر شصار وياي فتحت عيوني وراسي يأذيني كلشش جنت بمكان ضلمة اريد استوعب وين اني اسمع صوت طگطگه التفت منا ومنا كلشي ماكو الخوف مشى بكلبي ضليت اسحل بروحي سحل حتى الكه مكان استند بي بس كلشي ميبين ضلام
-منوووو هنااااا احد يسمعنييييي ساعدونييييي
خوفي كلها انو ابو صالح لزمني وراح يقتلني اكيد لان شردت من البيت ضلت تجيني افكار وسوالف حسيت مغص صار بطني من الخوف ما حسيت غير صوت طبه قوية فزيت فتحت عيوني بتوسع وخليت ايدي ع حلگي
-مم.. منوو منوو هنااا فدوه ساعدونييي راح اموت والله خايفه ساعدونييييييي
اصيح وابجي بس لاحياة لمن ينادي غمضت عيوني بتعب حسيت انفتح الباب اتأكدت بوقتها اني بغرفه بس يمكن چبيره لهذا ميبين وضلام ماكو ضوه اسحل بروحي من الخوففف حسيت عقلي بلحظتها راح توكف من التفكير وكلبي دكاته مو منتظم شوي شوي بدت تضهر هيـئة جسم بده يتقرب مني
-اني وينننن وانت منوووو
من صار ضوه خفيف على عيونه انصدمت واني اشوف نفس الشخص الي حاول يخنگني بلمستشفى وايضاً جان موجود من ذبحو اخوي مدري ليش بوقتها حسيت بشعور غريب فزيت من صفنتي
-هـذاااا انت لك شتريدد مني مره تريد تموتني ومره تراقبني منووو انت ها فهمنييي
انتِ بـسجن "أبــو نـمر" وماكو مفر منه....
-نمر منو سجن شنو شكاعد تحجييي انت ياهووو وشتريد منيي
أبو نمر: جنتي ناويه تشردين موو
-هههه أي ليشش عندك اعتراض لو راح ترجعني الهمم لو انت واحد من چلاب ابو صالح الخيسة
أبو نمر: هششششششششش صوتج لا تعلينه واذا هل مرة غلطتيي صدكيني اذبحج بيدي ساكـت لان عاذرج متعرفين اني منو وطبعي شنو
-يمههه چا ارجف لحكوليي دروح بابه روحح شفت الويل من جماعة صالح وغيره وغيره هسه تريدني اخاف منك
أبو نمر: منين انتِ وشجابج اهنا
-معندي جواب
شفته سكت يجي ويروح ومخلي شي على وجهه بس عيونه تبين جان راح يغمى عليه من الخوف بس تكابرت لان ماريده يشوفني ضعيفه ويستغلني جاوبت عقلي وتفكيري وگلبي.
أذا يريد يرجعني خل يرجعني الهم لان ميفيد شي ومعندي شي اخسره بعددد
أنت تقرأ
أســيرة 2014
General Fictionعندما يأتي الحب من مكان أخر في وقت غير مناسب ومن شخص غير مناسب فتاة وقعت بين تنضيم داعش وهنا تبدأ حياتها التعيسة بين هولاء الضلام والمجرمون هل سوف تخرج من هذا الحرب ام لا وماذا سوف يحصل لها....
