أســيرة 2014

الحلقة -𝟴-🔥

اسيرة 2014
ــــــــــــــــــــــــــــــــــــــــــــــــــــــــــــــــــــــــ
طلعوها واني اباوع شراح يسون والناسس منتضره وتباوع
حسيت راح اموت واني شفت هل منظر كدامي ما ماضل عقل براسي كلت اليوم نهايتي ماكو مفر
واني اشوف الدواعش هجموا عليها جماعيي ويعتدون عليها واني واكفة بس اباوع بصدمة وعيوني فاتحة بوسع حسيت كل جزء من جسمي صار بيها رجفة

اسمع صوتها وهي تصيح وتكول ساعدوني بس نحن منكدر نسوي شي
الناس واكفة تباوع عليها الي يكول تستاهل والي مخلي ايده ع وجهه والي يضحك والي عاف المكان وراح

-وكفت واني مصدومه معقوله ذني أهل موصل هيج يبيعون بناتهم وعادي عدهم شنو شعور الي يضحك ويكول تستاهل

شمس: نورهان هههه شنو هاي شسوو بيها ليش هيج يعني لان رادت تشرد منهم اغتصبوها كدام الكل وجماعي؟ صدك يحجون اذا تخبلت لاتلوميني

نورهان: ليش شنو بالج يرجعوها سالمه ذني الجرذان شنو تتوقعين منهم حقراء وميخافون من الله حسبالهم الدين هيج هاي مو بس اول مرة هاي شكم مرة هيج يسون لو يخلوها بقفص حديد ويعوفها بلماي تغرگ وتموت لو يغتصبوها لو يقتلوها طريقه ابشع من ذني.

فزيت من صفنتي ع ضحك قذر

ابا صالح..
هههههه هذهِ نهاية كل فتاة تحاول الهروب يتم الاعتداء عليها حتى الموت

نورهان تبجي ومخليه ايديها ع وجهها والي تضرب وجهها
صاحت ام وهب.
هياا تحركيي..
أصمتيي..

جانت تصيح على البنات حتى نرجع لنفس الجحيم
رجعنه واني كل بالي شنو حيصير بيها هسه يعني ماتت لو راح تعيش لو عافوها هيج لحد ما تموت من النزيف
حسيت راسي راح ينفجر واني افكر
رجعونا نفس المكان ضليت كاعدة بزاوية وصافنة على الفراغ افكر شنو حيصيرلي وشنو صار بـ ريان

فزيت من صفنتي على صوت نورهان
-لجج وين صافنه شبيج
-هااا جنت افكر شصار بـ البنيه
-اكيد هسه لو ماتت لو قتلوها لو ذبوها بمكان

سكتنا شوي وانفتح الباب واني ما سويت أي رد فعل

انتِ تعالي الى هنا..

شفت الكل ساكت باوعت على وجهه وكتله
وياي تحجي

نعم تعالي الى هنا..

ههههه صدك جذب دولي منا بابه شني تعالي الى هنا
اجه عليه وتقرب هو وريحته الخايس سحبني من ايدي

هيييييييييي وخرررررر حيوان ريحتك تكتللللل وخررررر

اصمتيي عندما اتكلم معكِ قولي سمعً وطاعة

نورهان ساعدينيييي فدوهه وخرررررر حقيررررر
اشوف نورهان تبجي وتريد تسوي شي بس متكدر