أسيرة 2014
لاتنسون المتابعة احبكم❤
ـــــــــــــــــــــــــــــــــــــــــــــــــــــــــــــــــــــــــــــ
-ههه يلا اني راح انزل واشوفج وراية مفهوم
راح وعافني كمت سبحت ولبست دشداشه لونها رمادي لبسته وخليت الشال ع راسي ورشيت عطر ونزلت جوة شفتهم يخلون السفرة
رحت يم ماما شافتني
-لج يمه شبيج بس تنامين شبيها وجهج صاير اصفر
مابيه يمه مابيه شي كعدنه ناكل وخلصنا ومثل كل يوم
لحد ما بابا اتصلل وجان الكل تنصدم.......
واكفين كلنا ونباوع على وجه اخوي ما يفسر خفنه كلش صاير شي ع بابا لحد ما فتح السبيكر وحجه
-بناتي اعرف تسمعوني الموصل وضعها ابد مو تمام تقريبا نص الموصل دخلت بيها عصابة تسمى
( الدولة الاسلامية) ولازم تطلعون من موصل لان همه عصابة كلش خطر اني مكدر اجي واخذكم اخاف يعرفوني من هويتي ويعرفون شغلي واروح بيها ويصيرلكم شي
-كلنا لزمنا الصمت وماحجينه شي بقينه واحد نباوع للثاني مندري شنو نسوي
-بذاك اليوم كلنا ضجنه وخفنه يصير شي وحتى اكل ما اكلنا ضلينه كلمن نفكر شراح يصير بينا
اخواني خافو بوقتها كلش يصير شي علينه جان كل همهم يطلعونا من موصل بخير وسلامة
بس مجنت اعرف شنو منتضرني بلمستقبل
وشنو منتضر اهلي
-كسر الصمت اخوي وهو يحجي
محمود: اني طالع يمه ادور شي نسوي لو احاجي ناس حتى نطلع من موصل اذا يصير بيكم شي يمكن اتخبل
امي كعدت تلطم وتكول ماتروح وليدي ماتروح اذا صار بيك شي والله اموت ابقى بلبيت وننتضر فرج الله ذني الجرذان يسون شي بيك اذا شافوك ابقى فدوه ابني
علي: يمه ما يصير شي والله كافي فدوه لاتسوين هيج بنفسج اذا نضل كلنا بلبيت شون نطلع والله اني خايف عليكم خاب اذا صار الكم شي ماا اسامح نفسي
بلكوه امي رضت وشوي هدت وسكتت واخواني
محمود وعلي طلعو وبسام و حسن بس يتصلون ناس عسى ولعلى احد يكدر ويطلعنا من موصل
واخواني الباقين كلمن مخلي ايده ع راسه ومنتضر الفرج اما خواتي كاعدات والدموع بعيونهم الخوف مينوصف بوقتها
-اما اني غمضت عيوني بثكل وخوف وضعف وتعب وافكر شراح يصير بيه وبمستقبلي وشون راح نطلع وشنو منتضرني ضليت هيج لحد ما سمعت صوت اخوي حسن وهو يحجي
-شنسوي هسه اتصل بيمن يكلي مكدر اسوي شي الكم داعش احتل نص الموصل لازم ندور حل
-امي كعدت وهي تبجي وتكول احمد (أبوي) ليش عفتنا ورحت تعال شوف بناتك شون يخافن وانت جنت تخاف عليهن من هوى الطاير تعال شوف ولدك كلمن رايح للمكان ويدور ؏ مخرج وماكو شي كسرت ضهرنا من رحت اذا يصير بيكم شي مااسامح لا نفسي ولا اسامح احمد
- بسام: يمه لاتحجين هيج تعرفين ابوية مجان يدري شراح يصير وانتي تحجين هيج قابل هو عافنا وهو يدري اكو دواعش شني لخاطر الكعبة لاتسوين هيج راح نطلع ونروح يم ابوية كافي فدوه كتلج اذا يصير شي لـ خواتي مااسامح نفسي وماابقيجن اهنا اطلعجن والله بس انطيني صبر يمه والله حيلي مهدود
أنت تقرأ
أســيرة 2014
General Fictionعندما يأتي الحب من مكان أخر في وقت غير مناسب ومن شخص غير مناسب فتاة وقعت بين تنضيم داعش وهنا تبدأ حياتها التعيسة بين هولاء الضلام والمجرمون هل سوف تخرج من هذا الحرب ام لا وماذا سوف يحصل لها....
