أســيرة 2014

الحلقة -𝟯𝟴-🔥

اسيرة 2014
ــــــــــــــــــــــــــــــــــــــــــــــــــــــــــــــــــــــــ
شمس: المطلوب شنو بوية.
احمد (ابوي): المطلوب انو طلعين من البيت ومن حياتنه
شمس: صار.
صعدت فوك والصياح كبت دخلت الغرفة جبت جنطة خليت كل ملابسي بي وكلشي احتاجه ماحسيت غير الكل صار فوگ نور وتبارك واخواني.
حسين: شمس كعدي وسكتي.
محمود: تخبلتييي ولج ابوي تعرفينه هيج يحجي دائما لاتهتمين.
الكل يحجي فوگ راسي بس انه مثل الثلج اشيل ملابسي واغراضي بهدوء.
جنت اشيل الجنطة انحط ايد على ايدي باوعت شفت امي واكفة.
شمس: تفضلي يمه.
-ضلي هنا بنتي لاتعوفيني.
-لو ترديني من صدك جان حجيتي وكلتييي بس كل عمرج ضليتي ساكته ومتحجينن حتى من يضرب متسوين شي صحيح ما تأذيني بس مو شرط اذا تضربين او صيحين يعني تأذيت لا حتى سكوتج يأذيني لان احس نفسي غريبة بينكم وبعد خلصت انه تعبتت بطفولتييي ومن وعيت دخلت مستنقع داعشش وتعذبت وتأذيت وطلعت لجحيم اكبر.
-ضلي يمي لاسوين هيج.
-يمه ولافد يوم حضنتيني ولا كعدتي يمي حتى انتِ ما ترديني وهذا الواقع.
عفت الكل ونزلت عمامي يباوعون عليه بشماتهَ رحت يم بسام.
شمس: تاخذني وياك لموصل لو لا.
بسام: وين تعيشين بموصل.
شمس: بيتك.
بسام: تدللين روحي صعدي السيارة.
رحت اخذت الجنط ولبست صايه وصعدت السيارة جان ساعة بـ 9ونص الليل.
الكل يباوع عليه وابوي همات واني ماعرف شون لحد هسه ساكتة وما مصيحه ولا بجيت صرت كُتلة من الثلج عجيب!!!.
اجاني بسام صعد وصار يسوق الطريق كلها ما حجه شيي انجبرت ادخل لموصل لان ماكو مكان ثاني ابات بي انهضمت وانكسرت بس ما بينت هذا الشي توسل امي الي كسرني بس شسوي هي ما حاولت تسوي شي ابد دائما جانت تلتزم بالصمت ومتحجي واكيد راح تخسرني بكل سهولة.
ساعات والسيارة تمشي غمضت عيوني غفيت من التعب ما حسيت غيرر بسام يصيحني..
فتحت عيوني شفته واكف وفاتح الباب ومنتضرني انزل.
-وصلنه؟؟؟
-اي
-شبساع.
-اكيد غير نايمة ومتحسين.
مارديت نزلت وجبت الجنط اباوع منطقة حلوة كلها بيوم ونضيف واكفين گبال بيت صغير صار يفتح الباب لان بنص الليل اكيد نايمة زوجته.
فتح الباب ودخلنه شلت الجنط ودخلتهن جوه الضوه كله مطفيي دخلني بغرفة وخليت اغراضي بيهن وكلي ابقي هنا ونامي.
تمددت وصرت افكرر شصارر شون جيت لموصل مره ثانيه اذا ترجع الداعش شراح اسوي هم يرجعون ياخذوني.
اخر شي تعبت نمت بالصايه وماحاسه من كثر التعب فزيت الصبح على بجي الجهال فتحت عيوني گوه كلش ضجت لان ممتعوده ع الهوسة.
طلعت بره شفت وحده بالمطبخ تجاهلتها عرفتها زوجة بسام رحت غسلت وجهي ودخلت للغرفة بدلت ونزعت الصايه وعدلت روحي وطلعت.
شفت بسام كاعد وجهاله يمه وزوجته تشتغل دخلت المطبخ وترددت اسلم مادري ليش لان ابد محاجيه وياها مره وحده حجيت ويا ع الموبايل فقط.
شمس: سلام عليكم.
التفتت مبتسمة وبنفس الوقت منصدمه لان يمكن مجانت تعرف.
أفين: لج هلا وميت هلا شونج هاي شوكت جيتي شو ماادري.
شمس: ليش ماكلج بسام امس جيت ويا بليل جنتي نايمه.
أفين:لا والله مكايل محسيت البارحه من جيتو صبح كعدت شفت بسام بصفي.
شمس: هههه عادي حقج تعبانة من وره الجهال.
أفين: اهلج شونهم عمي عمتي مشتاقلهم كلش والله ردت اجي بس مكدرت.
شمس: كلهم بخير ويسلمون عليج.
أفين: الله يسلمهم.
سكتنه ورحت ساعدتها وفرشت السفرة حسيتها محبوبة كلشش وجنت خايفة انو متقبل وجودي بيتهم بس مجنت اعرف شنو منتضرني.
بسام بس جان يباوعلي بنضرات يكسر الخاطر
الجهال مستغربين لان ميعرفوني اصلا ولا شايفيني.
كعدنه نتريگ حجت أفين.
أفين: شو ماكتلي جبت شمس وياي.
بسام: وداعتج نسيت اصلا وامس جيت متأخر كلش.
أفين: جايه تزورنا موو.
من حجت هيج نزلت راسي وبلعت ريگي وبسام جاوبها بنبره عصبية.
بسام: لااااا راح تبات هناا عدها مشكلة من تنحل ترجع.
أفين: ها تمام كل الهلا بيج البيت بيتج.
حسيتها ابد ما فرحت بالعكس انگلب وجههها تندمت بس شسوي مجبوره اذا بيت اخوي مااروح وين اروح بعد.
كمت وعفتهم دخلت للغرفه ضليت كاعده وصافنه موبايلي دك شفته بندر خفت لا يسوي مشكلة لان طلعت بلعت ريگيي وجاوبت.
-سلام.
-خاتوووووون شوكتتتتت ناويه تكليليييي طلعت من البيتتتتتت هاااا جاوبينييي.
من كد مجان صوته عالي بعدت الموبايل عن أذني وغمضت عيوني بقوة لان صوته خلاني طرشه.
-شبيكككك شبيكك صوتك نصيي والمن اكلك طلعت مثلاً.
-شمس مو كتلج شيصيررر وياجح كليليييي هااا احجي.
-مصار شي طلعت ويا بسام لبيتهم.
-وجذبين عليه ولج ابوج طردج وبعدج جذبين باعي راح اجي اخذج النا ودنعل ابو الي يندگ بيج بعد.
-استغفر الله مشكور ماريد بندر ماريددد خليك بعيدددد ماريددد اجي اني مرتاحة هنا.
-لجج لاجذبيننننننن كافي مليت من تصرفاتج عبالج جاهللل شوكت راح تفهمين.
-مراح افهممممم وكتلكك ماريد لاتذل نفسككككك اكثرررر.
-والحمزة اجيج واطيح حض حضجج.
-بندر انت معندك كرامه اكلك ماريد.
-رحمه الله والديج اني بلا كرامة مشكورة.
حجيت هيج وتندمت لان جفصت جفصه محد مسويهها قبللل تماديت بالكلام وماعرفت حيصير هيج، جيت احجي انطفى الاتصال نزلت الموبايل بهدوء وتنفست بتعب، شوكت راح تخلص ماعرف من ذاك اليوم بندر گطع الاتصال وياي ولا حتى مراسله ما راسل بعد والرقم الي جان يضوجني حضرته لان مليت.
ومرت الايام والاشهر من وكت ماعرفت أفين اني باقيه عدهم كرهتني وصارت تعاملني ببرود واهلي ابد مااتصلو بيه الكل گطعو وياي حتى محمود طلع ابوي مهدده انو محد يتصل ويتواصل وياي تعبت نفسيتي صارت زفت.
يوم عن يوم احس هل بيت تخنگني وبسام قليل بالبيت لان عنده دوام وبوكت من يروح للدوام أفين تستغل الوقت وتخليني اشتغل كلشي غصبن عليه واذا مااشتغل تطردنيي وجنت مجبوره.
جنت اشتغل اندگ الباب بسرعة اجتنيي أفين اخذت مني الغراض وخلتني اكعد وهي صارت تنضف ع الاساس هي اشتغلت فتحت الباب اجه بسام سلم ودخل جوه،
من شافني تراجع خطوات واني احس حيلي كلها انهد بس اتضاهر بالقوة اجه يباوع وعاگد حاجبه ويركز بوجهيي.
بسام: شبيج شمس؟
شمس: مابيه حبيبي سلامتك.
بسام: لاجذبين هاي وجهج ليش هيج صاير وعيونج احمر وجواهن اسود شكو.
شمس: صدكني ماكو شي.
بسام:أفين مسوية شي
بعدني ممجاوبه كام يصيحها اجت وهي تسوي نفسها تعبانه وهلكانة.
أفين: ها كلبي شكو.
بسام: شمسويه بشمس شبيها.
أفين: شمسوية عينيي كاعده ومرتاحه واني اشتغل.
بسام: بس وجهها ما يكول هيج لاجذبين أفين تندمين وداعتج.
أفين: عمييي ممسوية شي اني واسئلها اذا هي تشتغل مشوفني انضف انه وهي كاعدة شبيك حبيبي.
التفت عليه بسام ولازمني من اجتافي ويحجي وياي.
بسام: جا تحجي الصدك لو جذب.
باوعت للأفين أشرت بيدها تذبحنيي رجعت باوعت بعيون بسام واني كلي خوف وتعب بس شحجي بلعت ريگي.
شمس: صحيح مااشتغل اني هي خطيه تتعب وتشتغل متخليني اساعدها همات.
بسام: تمام.
شمس: مو بعد وكت تنزل من الدوام.
بسام: لا نسيت شغله وجيت اخذها.
عافني ودخل للغرفة اخذهن وطلع باس راسي وراح من انسد الباب اجتني وهي تعوج بحلگها.
أفين: لزمييي لجج واشتغلييي يلا اريدج هيج حبابه وسمعين الكلام.
مجاوبت اخذت منها وصرت اغسل وانضف بحياتي ما صرت عبد مأمور بس لان ماعندي مكان ثاني.
صار الضهر تغديت وغسلت مواعين ودخلت انام حتى ما سبحت من التعب، صار المغرب كعدت شفتها تصيح رجعت اباوع للموبايل على امل بندر يتصل واكله تعال اخذني مااتحمل بعد بس مالكيت شي.