أسيرة 2014
ــــــــــــــــــــــــــــــــــــــــــــــــــــــــــــــــــــــــ
راح اروح فوك محد يصيحني والي يدك الباب ويسوي هوسه حتى افتحه ماافتح لان مابيه حيل احاجي احد
راحت ومحجيت شي
خلصنه وكملنا وجان اسمع صوت تبارك وهي تصيح وتكول لحكولييي
ركضنه كلنا لغرفة شمس وتبارك تبجي وترجف وتكول راح تموت
ريان: وجان اشوف منضر يكسر الضهر وهيي بلحمام وغركانهه بدم..........
-شفت ايديها كلها دم وملابسها دم امي ضلت تدك وتلطم وخواتي يبجن واني صافن عليها
ريان:جيبو شي خلوو على راسها وعباية حتى اخذها بساعع
راحو جابوو خليته على راسها شون ما جان بس حتى شعرها ما يبين واخذتها كبل للمستشفى نسيت الداعش نسيت كلشي كل بالي وتفكيري يم شمس شراح يصير وشراح يكولون
-النص ساعة سويتها دقايق واني اسوق بساع وصلنه للمستشفى وكمت اصيح الممرضات و الدكاترة اجو ركض اخذوها وطبوو للغرفة
-كعدت خليت ايدي على راسي وافكر شنو ليش هيج سوت معقولة بسببي لان اخر فترة تصرفاتي مجانت حلوه لو لان ضوجتها لو بيها شي لو مريضة وما اعرف ضليت افكر واسمع صوت امي تبجي
وناس تجي وتروح واني صافن بوكتها يمنا مجان خطر هواي بس جانو محتلين غير مناطق بعدهم ما واصلين يمنا
-شوي وطلع الدكتور
-بنتكم منتحرة لو شنو هم زين ما وصل للوريد الله اليعلم شجان صار
ريان: نعم دكتور ما اعرف شبيها صاير فترة وضعها مو تمام
الدكتور: الاحداث مأثر عليها وتهلوس لاتخلوها تباوع اشياء يخص الداعش دير بالك عليها وخل تاخذ علاج بـ وقت المحدد اذا تضل هيج حالتها راح يصير اسوء هي حاليا تمر بأضطرابات وضغوطات وخوف ويمكن يتحول للحالة نفسية حادة
ريان: من الدكتور حجه هيج حسيت صاعقة ضربتني معقولة شمس توصل للهل مرحلة وهي جانت مثل الورد ودائما تتفائل يعني شنو راح اخسر اختي
الدكتور: خويه وياي انت لو لا
ريان: هاا اي نعم دكتور راح اسوي كلشي حتى ترجع ان شاء الله
الدكتور: هذا الورقة سجلت شوي علاجات ومن تاخذها من الصيدلية راح يفهموك شون تاخذ واذا ما افتهمت تكدر تجيبها يمي وما عدها غير العافيه
ريان: حاضر دكتور الله يعافيك مشكور ما قصرت
-طلعنا شمس من المستشفى وهاي كلها امي تبجي وما تسكت صعدتها بسيارة وامي همات صعدت
ريان: يمه راح اروح اجيب علاج من الصيدلية ماااتأخر
امي: حاضر وليدي
نرجععع للماضيي...
ـــــــــــــــــــــــــــــــــــــــــــــــــــــــــــ
فتحت عيوني بثگل واشوف اني بمكان ابيض وصوت اجهزة كلت يمكن بجنة اني..
أنت تقرأ
أســيرة 2014
General Fictionعندما يأتي الحب من مكان أخر في وقت غير مناسب ومن شخص غير مناسب فتاة وقعت بين تنضيم داعش وهنا تبدأ حياتها التعيسة بين هولاء الضلام والمجرمون هل سوف تخرج من هذا الحرب ام لا وماذا سوف يحصل لها....
